“Zərdabi Mətbuat Mərkəzi” İB Mingəçevir Dövlət Universitetinin tələbələri ilə görüş keçirdi
Tarix: 27.05.2016 | Saat: 19:36:00 | E-mail | Çapa göndər


Mayın 26-da Mingəçevir Dövlət Universitetində “Jurnalistika dəyərləri və demokratik cəmiyyət quruculuğu” mövzusunda tələbə-gənclərlə görüş keçirilib. Tədbir “Zərdabi Mətbuat Mərkəzi” İB-nin Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə yardımı ilə reallaşdırdığı “Jurnalistikanın təbliği istiqamətində maarifləndirici tədbirlərin keçirilməsi” layihəsi çərçivəsindəki sayca ikinci toplantıdır.

Tədbiri giriş sözü ilə Mingəçevir Dövlət Universitetinin təlim-tərbiyə işləri üzrə prorektoru Rövşən Əliyev açaraq təmsil olunduğu ali məktəbin tarixindən, hazırkı fəaliyyət istiqamətlərindən danışıb. O, medianın ictimai həyatdakı roluna toxunaraq bildirib ki, MDU ictimaiyyətlə, o cümlədən kütləvi informasiya vasitələri ilə əlaqələrin qurulmasına böyük önəm verir.

Mingəçevir Şəhər İcra Hakimiyyəti başçısının müavini Hikmət Kərimov Mingəçevirdə ölkəmizin bütün bölgələrində olduğu kimi, medianın missiyaya həssaslıqla yanaşıldığını vurğulayıb. H.Kərimov şəhərdə istər qəzet və jurnalların, istərsə də telekanalların sərbəst fəaliyyətinə hər cür şəraitin yaradıldığını diqqətə çatdırıb. İH başçısının müavini həmçinin bildirib ki, tələbə-gənclər də daim axtarışda olmaq keyfiyyətləri ilə müəyyən mənada jurnalistlik missiyası yerinə yetirirlər. “Zərdabi Mətbuat Mərkəzi” İB-nin layihəsinin əhəmiyyətini onlara dəstək baxımdan yüksək qiymətləndirən H.Kərimov toplantının işinə uğurlar arzulayıb.

“Zərdabi Mətbuat Mərkəzi” İB-nin sədri Rəhim Hüseynzadə rəhbəri olduğu layihənin məqsəd və vəzifələri barədə məlumat verib. O bildirib ki, 2014-cü ildən başlayaraq ali məktəblərin jurnalistika fakultələrinə qəbulda qabiliyyət testi tətbiq edilir. Bu, jurnalistikanın ixtisaslaşmasına dəstək məqsədi daşıyır. Əvvəllər ancaq humanitar sahəni bitirən bakalavrlar magistr pilləsində jurnalistikanı seçə bilirdilərsə, hazırda bu məhdudiyyət aradan qaldırılıb. Mövcud prosedurun prinsipial tərəfi ondan ibarətdir ki, əgər iqtisadiyyat sahəsini bitirən gəncin yazı yazaraq özünü ifadə etmək potensialı varsa, o bu qabiliyyətini media müstəvisinə daşıya bilsin. “Məsələn, bakalavr pilləsini iqtisadiyyat, yaxud kənd təsərrüfatı sahəsi üzrə bitirən gənc öz sahəsinin mütəxəssisidir. Jurnalistikamıza isə belə gəncin yaradıcılıq məhsulu lazımdır. Layihəmiz sizlər arasında bu məqamı təbliğ etməyə yönəlib. Buna görə mətbuatımızın keçdiyi yola, onun ictimai missiyasına, müasir mediamızdakı tendensiyalara diqqət yetirəcəyik. Mövzu ilə bağlı suallarınızı da cavablandırmağa hazırıq. Bir daha bildirim ki, layihəmiz sizləri, yəni tələbə-gəncləri jurnalistikaya stimullaşdırmaq məqsədi daşıyır. Əlbəttə, seçim sizindir. Ancaq biz istərdik ki, siz gələcəkdə magistr təhsili almaq istəyərkən jurnalistikanı da seçmək barədə düşünəsiniz”, -deyən R.Hüseynzadə bunun üçün nəzərdə tutulan qabiliyyət imtahanının xüsusiyyətləri barədə də ətraflı məlumat verib.
Layihənin eksperti, «Mingəçevir işıqları» qəzetinin baş redaktoru Fərman Nəbiyev Azərbaycan mətbuatının tarixindən, müasir dövrdəki inkişaf xüsusiyyətlərlə, qloballaşma dövründə medianın funksiya və vəzifələrilə, həmçinin ənənəvi mediadan onlayan mediaya keçiddə meydana çıxan xarakterik vəziyyətlərlə bağlı məruzə edib. F.Nəbiyev Azərbaycan dövlətinin qeyri-ixtisas sahiblərinin özlərini jurnalistikada sınamaları üçün olduqca vacib mexanizm tətbiq etdiyini bildirib. “Bu yolla humanitar sahəyə aid olmayan şəxslərin də jurnalist kimi özlərini təsdiqləməlırinə, peşənin incəliklərinə daha yaxından bələd olmalarına gözəl şərait yaranıb. İstərdim ki, sizlər də bu şəraitdən faydalanasınız”, - deyə o vurğulayıb.

Layihənin digər eksperti, “Jurnalist Araşdırmaları Mərkəzi” İctimai Birliyin sədri Seymur Verdizadə çıxışında diqqəti Azərbaycan mediasındakı xakaraterik cəhətlərə çəkib. O bildirib ki, internetin sürətlə inkişaf etdiyi hazırkı şəraitdə hər kəsin özünü jurnalist kimi göstərməsinə imkan var. Ancaq bu o demək deyil ki, vəziyyətdən sui-istifadə meylləri yoxdur. “Belə hallar kifayət qədərdir. Əlbəttə, Mətbuat Şurasının fəaliyyəti timsalında mediadan sui-istifadələrə qarşı effektiv ictimai qınaq mexanizmi tətbiq edilir. Lakin ictimai qınağı bir qurumun fəaliyyəti çərçivəsində aparmaq yetərsizdir. Ümumən cəmiyyət aktiv olmalıdır. Bu gün Azərbaycan dövləti imkan yaradır ki, peşəkarlar jurnalistikaya gəlsinlər. Öz sahələrinin peşəkarlarının jurnalistikada özlərini təsdiqləmələrinə də şərait yaradılır. Bu layihə sizləri həmin imkandan yararlanmağa səsləyən təşəbbüsdür”, - deyən S.Verdizadə fikrinə aydınlıq gətirib.

Toplantıda çıxış edənlərdən MDU-nun Tələbə-gənclər təşkilatının sədri Rəşad Qurbanov, MDU-nun III kurs tələbəsi Rəşad Məmmədov və başqaları ekspertlərə media fəaliyyətinin müxtəlif istiqamətləri ilə bağlı suallar ünvanlayıblar. MDU-nun müəllimləri Nizami Zeynalov və İlham Səlimov da çıxış edərək mövzu ilə bağlı fikirlərini bildiriblər.




 
Bölməyə aid digər xəbərlər
18.11.2018
Bakı Şəhər Baş Polis İdarəsinin məlumatı
18.11.2018
Əli Həsənov: Polis üçün əsas siyasi mənsubiyyət məsələsi deyil, ictimai asayişin təmin edilməsidir
17.11.2018
Başqa ölkələrdən gələn qaçqınların sosial təminatlardan yararlanması üçün yeni mexanizm yaradılacaq
16.11.2018
“Hüquqi dövlət quruculuğunda məhkəmə-KİV münasibətlərinin inkişafı vacibdir”
16.11.2018
Azərbaycan Gənclərinin VIII Forumu keçirilib

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10500

1 “Xaricdə təhsilimi davam etdirsəm, psixologiya sahəsini seçəcəyəm”
2 Azərbaycan turizmi Yunanıstanda təbliğ olunub
3 Davamli dil siyasəti dövlətin əsas prioritet istiqaməti kimi
4 “Gedir dayanmadan zamanın köçü”
5 Rufiz Qonaqov: Bako Saakyanın Fransaya qanunsuz səfəri Minsk qrupunun həmsədri olan bu ölkə üçün qara ləkədir


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info