“Dağlıq Qarabağın statusu və ətraf rayonların Azərbaycanın nəzarətinə qaytarılması məsələləri müzakirə edilir”
Tarix: 31.05.2016 | Saat: 15:16:00 | E-mail | Çapa göndər


“Hazırda Dağlıq Qarabağ münaqişəsi ilə bağlı danışıqlar prosesində iki məsələ - Dağlıq Qarabağın və ətraf rayonların statusu müzakirə edilir".
“News.am” saytının verdiyi xəbərə görə, bu sözləri rusiyalı politoloq Sergey Markedonov deyib. O bildirib ki, danışıqlar prosesində böyük dəyişikliklər görmür: “Həmsədrlər tənzimlənmənin əsası kimi baza prinsipləri üzərində təkid edirlər. Elə bu günlərdə həmsədrlər öz müqəddəratını təyinetmə, ərazi bütövlüyü və gücdən istifadə etməmək prinsiplərinin bərabər olduğu bildirilən bəyanat verdilər. Biz burada da əhəmiyyətli dəyişikliklər görmürük”.
Politoloqun sözlərinə görə, münaqişə tərəfləri arasında zorakılığın artması və kompromisin olmaması təhlükəlidir: “Vyanada aparılan danışıqlar diplomatik prosesi müəyyən səviyyəyə qaytarmaqdan ibarət cəhd idi. Lakin mən yaxın zamanlarda keçmişdə baş vermiş zorakılıqların təkrarlanmayacağı təminatını verə bilmərəm”.
Dağlıq Qarabağın müəyyən mərhələdə danışıqlar masasında qayıtması ilə bağlı rusiyalı həmsədr İqor Popovun fikirlərinə münasibət bildirən S. Markedonov qeyd edib ki, yenilənmiş Madrid prinsiplərinin sonuncu bəndi elə məhz bundan bəhs edir: “Bu bənd Qarabağın statusu ilə bağlı mütləq hüquqi referendumdan bəhs edir. Ümumiyyətlə, bu, qarabağlıların öz talelərini özlərinin müəyyənləşdirməsini ehtiva edir, lakin problem ondandır ki, həmsədrlər və onların arxasında duran ölkələr bu qərarı Azərbaycanın razılığı olmadan həyata keçirə bilməzlər. Azərbaycan Konstitusiyasına əsasən ölkənin müəyyən bir ərazisində referendum keçirilə bilməz. Ona görə də Dağlıq Qarabağın tezliklə danışıqlar prosesinə qoşulacağına inanmıram, çünki bu, kifayət qədər çətindir. Lakin Dağlıq Qarabağın statusunun müəyyənləşdirilməsi tənzimlənmənin əsas prinsipi kimi gündəlikdə olacaq. Ümumiləşdirsək, iki məsələ - Dağlıq Qarabağın statusu və ətraf rayonların Azərbaycanın nəzarətinə qaytarılması məsələləri müzakirə edilir”.

Sonda politoloq bildirib ki, etimad quruculuğu tədbirləri hazırda sıfır səviyyəsindədir.
Tural




 
Bölməyə aid digər xəbərlər
18.01.2019
Azərbaycanın müstəqil siyasətinə heç bir kənar qüvvə təsir edə bilməyəcək
18.01.2019
TÜRKSAM: “Azərbaycanın regionda dəyəri artır”
18.01.2019
Rusiya XİN-dəki ermənipərəstlər Rusiya-Azərbaycan əlaqələrindən narahatdır
18.01.2019
“İaşə müxalifəti”nin yalanlar üzərində qurulan təbliğatı...
18.01.2019
İqtisadiyyat Nazirliyində 20 Yanvar qurbanlarının xatirəsi yad edilib

Şərh əlavə olunmayıb

    ,    
Namiq Əliyev
Namiq Əliyev
Tural Tağıyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10565

1 Ukraynada oxucuların rəğbətini qazanan azərbaycanlı yazıçı
2 Struktur dəyişiklikləri dövlət idarəçiliyinin təkmilləşdirilməsini nəzərdə tutur
3 Dərslər təxirə salındı
4 Hüseyn Babayev AAF-ın vitse-prezidenti təyin edilib
5 Prezident: Sarkisyan rejiminə dəstək verən, göz yuman beynəlxalq təşkilatların da onun törətdiyi cinayətlərdə payı var


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info