Xalası oğlu Riyad Əliyevdən imtina etdi
Tarix: 31.05.2016 | Saat: 17:49:00 | E-mail | Çapa göndər


Özünü Təfəkkür Universitetinin təsisçilərindən biri və bu universitetin Kiyev filialının rektoru adlandıran, hüquq-mühafizə orqanları tərəfindən 2014-cü ilin noyabr ayında beynəlxalq axtarışa verilən Riyad Əliyevin xalası oğlu Həsənov Ramin Akif oğlu ondan imtina edib. Bununla bağı yaydığı bəyanatda R.Həsənov qeyd edib ki, Riyad Əliyevin fikirlərini bölüşmür:
“Əziz həmvətənlərim! Mən azərbaycanlıyam, millətim, torpağım, dövlətimlə həmişə fəxr etmişəm. Dövlətimizin həm daxili, həm də xarici siyasətini bəyənmişəm. Bu siyasəti aparan, daxildə və xaricdə xüsusi hörməti və nüfuzu olan Prezidentimizi həmişə alqışlamışam. Ölkəmizin hər guşəsində böyük quruculuq işləri gedir, şəhər və kəndlərimiz abadlaşır, yeni iş yerləri açılır. Bununla bərabər digər sahələrdə də uğurlarımız göz qabağındadır. Ordu quruculuğu sahəsində uğurlar daha böyükdür. Mən bir müddət öncə baş verən hadisələri xatırlatmaq istəyirəm. 2016-ci ilin aprel ayında cəbhədə atəşkəsi pozaraq təxribat törədən ermənilər elə böyük məğlubiyyətlə üzləşdilər ki, bunu heç vaxt unutmayacaqlar. Bax bu, Prezidentimizin şəxsən özünün rəhbərliyi altında həyata keçirdiyi ordu quruculuğu işinin nəticəsi idi. Bunu danmaq olarmI? Bunu görməmək sadəcə, paxıllıq və nankorluqdur. Amma dövlətimizin, Prezidentimizin bu uğurlarını görmək istəməyən qüvvələr də tapılır. Onlar ölkə daxilində, xalq arasında dəstək qazana bilməyib Avropaya qaçıb, böhtan-şər xarakterli yazılarla ayrı-ayrı xarici saytlarda çıxış edirlər. Belə adamlardan biri də qohumum, xalam oğlu Əliyev Riyad Mahir oğludur. Mən və bizim ailəmiz dövlətimizə qarşı bu cür böhtan xarakterli yazılara öz etirazımızı bildirir və bundan hiddətlənirik. Vətənimizin torpağında göz açan, onun suyundan içib, çörəyini yeyib, sonra da ona xəyanət edənləri lənətləyirik. Riyad və onun kimilərə bu torpaqda yer yoxdur. Biz bütün dövlət orqanlarından xahiş və tələb edirik ki, onun tutulub ölkəyə gətirilməsi barədə ciddi tədbirlər görsünlər. Belə şərəfsizlərə və alçaqlara güzəşt və aman yoxdur. Onlar ədalət və qanun qarşısında cavab verməlidirlər. Riyad və onun kimilərə elə "dərs" vermək lazımdır ki, vətənə xəyanətin, böhtan və şərəfsizliyin nə demək olduğunu yaddan çıxarmasınlar. Ölkə o vaxt qüdrətli və qüvvətli olur ki, xalq və Prezident bir yerdə olsun. Bu gün Azərbaycanda Prezident və xalq bir yerdədir. Bu vüqarı heç kəs əyə bilməz. Sonda bildirirəm ki, mən və ailə üzvlərim uzun müddətdir ailəmizlə əlaqəsi olmayan 1975-ci il təvəllüdlü Əliyev Riyad Mahir oğlundan rəsmi şəkildə imtina edirik”.
Xatırladaq bir qədər əvvəl Riyad Əliyevin anası və qardaşı da ondan imtina ediblər.




 
Bölməyə aid digər xəbərlər
19.01.2019
Bakı Şəhər Baş Polis İdarəsi paytaxtda keçirilən mitinqlə bağlı məlumat yayıb
18.01.2019
“Bakcell” və “Hesab.az” avtomatik ödəniş funksiyasını təqdim edib
18.01.2019
“ASAN xidmət” müvafiq dövlət xidmətlərinin alternativsiz formada həyata keçirildiyi vahid məkana çevrilir
18.01.2019
20 yanvar günü bu küçələrdə hərəkət tam məhdudlaşdırılacaq
18.01.2019
Sədərək uğrunda gedən qeyri-bərabər döyüşdə yurd sevgisi qalib gəldi

Şərh əlavə olunmayıb

    ,    
Namiq Əliyev
Namiq Əliyev
Tural Tağıyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10565

1 Ukraynada oxucuların rəğbətini qazanan azərbaycanlı yazıçı
2 Struktur dəyişiklikləri dövlət idarəçiliyinin təkmilləşdirilməsini nəzərdə tutur
3 Hüseyn Babayev AAF-ın vitse-prezidenti təyin edilib
4 Dərslər təxirə salındı
5 Nikola Sarkozi: “Bakıda böyük quruculuq işlərinin şahidi oldum”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info