Qazaxıstan Çini Avrasiya İttifaqına cəlb edir
Tarix: 01.06.2016 | Saat: 00:36:00 | E-mail | Çapa göndər


Qazaxıstanın baş naziri: “Avrasiya İttifaqının inkişaf konsepsiyası Çinin “Bir kəmər-bir yol” layihəsi ilə birləşdirilməlidir”

Dünən Astanada Avrasiya İqtisadi İttifaqının yüksək səviyyəli toplantısı keçirilib. Rusiya, Qazaxıstan, Belarus, Qırğızıstan və Ermənistan dövlət başçıları ittifaqın fəaliyyətinin yekunlarını müzakirə ediblər.
Ekspertlər hesab edir ki, Avrasiya İttifaqının ötən zaman içindəki fəaliyyəti gözləntiləri doğrultmayıb. İqtisadi əlaqələrin qurulması, yeni əməkdaşlıq sferalarının yaradılması, ən əsası sadə vətəndaşların ittifaq daxilində sərbəst yerdəyişməsi kimi məsələlər həllini tapmayıb. Budəfəki toplantıda əsas müzakirə olunan məsələlərdən biri də ittifaq üzvlərinin quruma üzv olmayan dövlətlərlə əməkdaşlıq münasibətlərini inkişaf etdirməsi ilə bağlı olub. Bu təşəbbüsün müəllifi Qazaxıstan dövlət başçısı Nursultan Nazarbayevdir. Rəsmi Astana hesab edir ki, Avrasiya İttifaqı Çinlə iqtisadi sahədə əməkdaşlığı genişləndirməlidir. Qazaxıstanın baş naziri Kərim Məsimov bildirib ki, Avrasiya İttifaqının inkişaf konsepsiyası Çinin “Bir kəmər-bir yol” layihəsi ilə birləşdirilməlidir. Rəsmi Astana 2016-cı ilin Avrasiya İttifaqının üçüncü ölkələrlə iqtisadi əməkdaşlığı dərinləşdirmək ili elan edilməsi təşəbbüsü ilə çıxış edib. Mərkəzi Asiya və Yaxın Şərq üzrə ekspert Aleksandr Knyazev “Nezavisimaya qazeta”ya açıqlamasında bildirib ki, ittifaq daxilində həllini gözləyən yetərincə problemlər var və onların bir çoxu sadə vətəndaşların maraqlarına toxunur. Məsələn, onlardan biri sadə vətəndaşların sərbəst yerdəyişməsidir. 2016-cı il aprelin 7-dən etibarən Qazaxıstan hökuməti yeni qərarla bütün xarici vətəndaşların ölkə ərazisində vizasız qalma müddətini 2 dəfədən çox azaldıb. Bu qərar istisnasız olaraq Avrasiya İttifaqına üzv olan dövlətlərə də aiddir-əvvəllər 180 gün vizasız qalma müddəti 90 günə endirilib. Qırğızıstan vətəndaşları üçün Rusiya ərazisində iş icazəsi üçün sənəd tələb olunmasının ləğvi işi “yüngülləşdirsə” də, sonradan əmək miqrantları üçün patent haqqının artırılması əlavə problemlər yaradıb. İndiyə qədər diplomların qarşılıqlı tanınması ilə bağlı razılıq yoxdur. Ümumiyyətlə, Qırğızıstan vətəndaşlarının Qazaxıstanda qeydiyyatsız qalma müddəti 5 günlə məhdudlaşdırılıb. İndi rəsmi Bişkek də eyni qaydanı Qazaxıstan vətəndaşları üçün tətbiq etməyə hazırlaşır. Bu kimi problemlər iqtisadi göstəricilərin aşağı olmasına səbəb olub. Dünya iqtisadiyyatında davam edən maliyyə böhranı, neftin qiymətinin kəskin şəkildə aşağı düşməsi, milli valyutaların devalvasiyası, Qərbin Rusiyaya tətbiq etdiyi sanksiyalar iqtisadi inteqrasiyanı ağırlaşdırır. Ekspert Dosım Satpayev hesab edir ki, Rusiya geosiyasi oyunlara daha çox vaxt ayırdığından iqtisadi məsələ ikinci plana keçib. Hansı ki, Qazaxıstan iqtisadi məsələni bir nömrəli məsələ hesab edir. “Nezavisimaya qazeta” yazır ki, Astana və Minsk Kremlin bəzi qərarlarından razı deyil. Bildirilir ki, Moskvanın Ankara ilə pozulan münasibətləri eyni ittifaq daxilində olan Qazaxıstan və Belarusda razılıqla qarşılanmır. Satpayev bildirir ki, ittifaq daxilində Qazaxıstanla Qırğızıstan, Rusiya ilə Belarus arasında narazılıqlar var. Eyni zamanda Dağlıq Qarabağ məsələsinə görə Ermənistanla Qazaxıstan və Belarus arasında diplomatik qalmaqal yaşanıb: “Elə bu problemlərə görə Astana Pekinlə iqtisadi əməkdaşlığı genişləndirmək təşəbbüsü ilə çıxış edib. Astana “Nurlu Yol” milli layihəsi ilə Pekinin “İpək Yolu İqtisadi Kəməri”nin birləşdirilməsinin vacibliyini rəsmi şəkildə elan edib. 2015-ci ilin noyabrında Çin və Türkiyə Qazaxıstan, Azərbaycan və Gürcüstanla birlikdə yüklərin Çindən Avropaya daşınması ilə bağlı konsorsium formalaşdırıblar. “İpək Yolu İqtisadi Kəməri” alternativ tranzit dəhlizi yaradır. Məhz Qazaxıstan Çinin Avrasiya İttifaqına qoşulması və ya iqtisadi əməkdaşlığı genişləndirməsinin əsas lobbisidir. Rusiya baş naziri Medvedev də bildirib ki, onun görüşdüyü ASEN ölkələrinin rəhbərləri Avrasiya İttifaqı ilə müstəqil şəkildə əməkdaşldığı genişləndirmək istədiklərini bildiriblər”. Politoloq Arkadiy Dubnov bildirib ki, məhsulların, xidmətlərin, işçi qüvvəsinin və kapitalın ittifaq daxilində sərbəst fəaliyyəti ilə bağlı məsələlərdən, sadəcə, işçi qüvvəsi ilə bağlı məsələ az-çox həll olunub. Qalaları isə hələ də siyasi problemlərin girovuna çevrilib.
Anar Miriyev




 
Bölməyə aid digər xəbərlər
21.09.2018
“Jamanak“: «KTMT İrəvanın bu təşkilatdan ümid gözləməməsini bəyan edir»
20.09.2018
Moldovada Dnestryanı bölgə ilə bağlı referendum keçiriləcək
20.09.2018
Sevak Akobyan: ”Hakimiyyət KİV-ə təzyiqi artıracaq”
20.09.2018
Tevos Arşakyan: ”Paşinyan boş-boş danışmaqla məşğuldur”
19.09.2018
İnternetdə şərh yazmaq üçün qeydiyyatdan keçmək lazımdır

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10128

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Krivoy Roqdakı soydaşlarımız festivala hazırlaşırlar
4 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”
5 QHT sədri Ukraynadakı “Qafqaz“ xalq rəqs ansamblına milli geyimlər hədiyyə edib


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info