“Avropa İttifaqı başa düşüb ki, sərhədlərinə nəzarət etmək İsveçə lazımdır”
Tarix: 03.06.2016 | Saat: 15:04:00 | E-mail | Çapa göndər


İsveç hökuməti qonşu ölkələrlə müvəqqəti sərhəd nəzarətinin müddətini iyun 7-dən noyabrın 11-dək uzatmaq barədə qərarını açıqlayıb.Bu barədə İsveç KİV-ləri Krallığın daxili işlər naziri Anders İqemana istinadla məlumat yayıblar. Nazir bildirib ki, “hökumət sərhəd nəzarətinin müddətini noyabrın 11-dək uzatmağı qərara alıb. Asayiş və təhlükəsizlik sahəsində vəziyyətə münasibətimiz dəyişməyib. Avropa İttifaqı başa düşüb ki, sərhədlərinə nəzarət etmək İsveçə lazımdır. Odur ki, biz bir aylıq deyil, daha uzunmüddətli qərar qəbul edə bilərik”.Bu ilin əvvəlindən etibarən hər ay nəzarət müddətinin uzadılması haqqında qərarlar açıqlanıb. Avropa Komissiyası bu ilin mayında Avstriya, Almaniya, Danimarka, İsveç, habelə Şengen zonasına daxil olan, amma Aİ-nin üzvü olmayan Norveçə miqrasiya böhranı ilə əlaqədar və hökumətlərin vəziyyəti barədə hər ay məlumat təqdim edəcəkləri şərti ilə Şengen daxilində sərhədlərin ayrı-ayrı məntəqələrində müvəqqəti nəzarəti yarım il müddətinə uzatmağı tövsiyə edib. Aİ-nin tövsiyəsindən sonra Danimarka hökuməti sərhədlərində nəzarət tədbirlərinin müddətinin uzadılması barədə qərar qəbul edib. Bunu iyunun 2-də xüsusi mətbuat konfransında Krallığın inteqrasiya və immiqrasiya məsələləri üzrə naziri İnger Stöyberq bəyan edib.Xatırladaq ki, ötən il 9,8 milyon əhalisi olan İsveçə ötən il 163 mindən çox qaçqın gəlib. Adambaşına götürsək, bu, Avropa İttifaqında ən böyük göstəricidir. Qaçqınların gəldiyi əsas yol Danimarkanı İsveçlə birləşdirən körpüdür. Miqrantlar Danimarkada qalmaq istəmirlər, çünki bu ölkədə miqrasiya qanunları çox sərtləşdirilib. Amma İsveçin və Norveçin sərhəd nəzarəti tədbirləri tətbiq etmələri Danimarka hökumətini məcbur edib ki, qaçqınların öz ərazisində toplanmasına yol verməmək eyni tədbirlərə əl atsın.Son məlumatlara görə, bu tədbirlərin qüvvəyə minməsi nəticəsində qaçqın statusu almaq istəyənlərin ərizələrinin sayı xeyli azalıb.

Tural




 
Bölməyə aid digər xəbərlər
21.01.2019
Ukrayna və İsrail azad iqtisadi zona yaradır
20.01.2019
Terrorçular Malidə BMT-nin düşərgəsinə hücum edərək 8 sülhməramlını öldürüblər
20.01.2019
Ötən il Ukraynada əhalinin sayı 200 min nəfərdən çox azalıb
19.01.2019
Fransada “Sarı jiletlər”in növbəti aksiyası keçirilir
19.01.2019
Türkiyə hərbçiləri Suriyada “YPG“ terrorçularına layiqli cavab veriblər

Şərh əlavə olunmayıb

    ,    
Namiq Əliyev
Namiq Əliyev
Tural Tağıyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10565

1 Ukraynada oxucuların rəğbətini qazanan azərbaycanlı yazıçı
2 Struktur dəyişiklikləri dövlət idarəçiliyinin təkmilləşdirilməsini nəzərdə tutur
3 Hüseyn Babayev AAF-ın vitse-prezidenti təyin edilib
4 Dərslər təxirə salındı
5 Nikola Sarkozi: “Bakıda böyük quruculuq işlərinin şahidi oldum”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info