Elmin gələcəyinə təkan, fasiləsiz təhsilə davam
Tarix: 06.06.2016 | Saat: 18:49:00 | E-mail | Çapa göndər


İsa Həbibbəyli
Azərbaycan Respublikası Milli Məclisi
Elm və təhsil komitəsinin sədri,
AMEA-nın vitse-prezidenti, akademik


Azərbaycan Respublikasının Prezidenti İlham Əliyevin magistratura və doktoranturada təhsil alan gənclərə möhlət hüququnun verilməsi haqqındakı “Hərbi xidmət və hərbi vəzifə haqqında” Qanuna təklif etdiyi əlavə müharibə aparan dünya ölkələrinin tarixində və ya gərgin münaqişəsi olan müasir dünya ölkələrində analoqu olmayan mühüm tarixi hadisədir. Çünki müharibə problemi olan dövlətlərdə adətən hətta yaşından asılı olmayaraq çağırış, səfərbərlik məsələlərinin həll edilməsi diqqət mərkəzində dayanır. Azərbaycanda isə dövlət səviyyəsində gənclərin böyük bir ordusuna möhlət hüququ verilməsi barədə qərar qəbul edilir. Bu, həqiqiətən böyük əhəmiyyəti olan mühüm tarixi hadisədir.
Bu, ilk növbədə Azərbaycan Respublikasının Prezidenti, Ali Baş Komandan cənab İlham Əliyevin uğurla, bacarıqla rəhbərlik etdiyi dövlətin müdafiə qüdrətinə möhkəm inamının ifadəsidir. Bədnam Ermənistanda isə hazırda qocaların və qadınların da, muzdlu xarici vətəndaşların da səfərbərliyə alınması həmin ölkənin hərbi vəziyyətinin və mənəvi-psixoloji halının nə qədər gərgin və aşağı səviyyədə olduğunu göstərir.
Möhtərəm Prezidentimizin gənclərə magistratura və doktorantura pillələrində hərbi xidmətdən möhlət hüququnun verilməsinə dair atdığı qətiyyətli və düşünülmüş addım ilk növbədə elmin və təhsilin inkişafına, yeni vətənpərvər elmi nəsillərin formalaşmasına göstərdiyi böyük qayğının növbəti parlaq ifadəsidir. Bu, həm də öz növbəsində yaxın gələcəkdə Azərbaycanda magistratura və doktorantura təhsili almış, yüksək intellektual keyfiyyətlərə, geniş bilik və dünyagörüşə malik professional ordunun da yaradılmasına imkan verəcəkdir.
Dövlət başçısı səviyyəsində qəbul edilmiş qərar müasir gəncliyin, yüksək intellektual keyfiyyətlərə malik olan gənc nəslin elmdə təhsilini və axtarışlarını ardıcıl olaraq davam etdirməsinə normal şərait yaradacaqdır. Bu ardıcıl proses öz növbəsində Azərbaycan elmində yeni bir dalğanın, böyük bir hərəkatın əsasına çevriləcəkdir. Ölkəmizin Prezidentinin elmin, elmi ziyalıların, yüksək ixtisaslı mütəxəssislərin yeni Azərbaycanda müasir cəmiyyət quruculuğu proseslərində daha yaxından iştirakına dair çağırışlarını yüksək səviyyədə, həm də dərin vətənpərvərlik düşüncəsi ilə həyata keçirə biləcək yeni nəsil formalaşacaqdır. Göstərilən dövlət qayğısının müqabilində ümumən alimlərin, xüsusən də gənc elmi nəslin müstəqil dövlətimiz, ölkəmiz və xalqımız qarşısında özünün vətəndaşlıq borcunu yerinə yetirmək baxımından məsuliyyəti və inamı daha artıb möhkəmlənəcəkdir.
Magistratura və doktorantura təhsili üzrə hərbi möhlət hüququnun təmin edilməsi ölkəmizdə fasiləsiz təhsilin də bütün mərhələlər əsasında ardıcıl olaraq həyata keçirilməsinə meydan açacaqdır. Fasiləsiz təhsilin, yəni bağçadan doktoranturaya qədər ardıcıl şəkildə təşkil olunan təhsilin təmin edilməsi isə ölkəmizin bütün sahələr üzrə hərtərəfli inkişafına böyük təkan verəcəkdir. Azərbaycan Respublikasının Prezidenti İlham Əliyevin gənclərə hərbi möhlət hüququ verməsi müstəqil dövlətimizin bütün istiqamətlərdəki inkişafına müsbət təsir göstərəcəkdir.
Elm sahəsində gəncləşdirmə kimi aktual problemin uğurlu həlli baxımından da hərbi möhlət hüququ müstəsna əhəmiyyətə malikdir. Bununla doktoranturaya qəbul planları tam yerinə yetiriləcək, elmlər doktorlarının orta yaş həddi 40 yaşlarına enmək imkanı qazanacaqdır. Elmdə və ali təhsildə son illərdə problemə çevrilmiş oğlanların kəskin azlması məsələsi də ortadan qalxmış olacaqdır.
Onu da qeyd etmək istəyirəm ki, ali məktəblərlə yanaşı, Milli Elmlər Akademiyasının da magistraturasında və doktoranturasında təhsil alan gənclər eyni səviyyədə hərbi möhlət hüququndan istifadə etmək imkanı qazanacaqlar. Bu, universitetlərə aid olduğu qədər Milli Elmlər Akademiyasına da bərabər səviyyədə aiddir.
Bütün bunlar həm ölkəmizdə elmin inkişafına, yeni elmi məktəblərin formalaşmasına, alimlərin cəmiyyət quruculuğunda rolunun artırılmasına, həm də hərtərəfli inkişaf proseslərinə möhkəm təminat verir.
Ölkəmiz üçün məsuliyyətli bir dövrdə belə bir uzaqgörən, müdrik addım atmış, qətiyyətli qərar qəbul etmiş Azərbaycan Respublikasının Prezidenti İlham Əliyevə elm və təhsil ictimaiyyətimiz adından dərin minnətdarlığımı bildirirəm.
Azərbaycan dövlətini və xalqımızı böyük bacarıqla daim irəli aparan möhtərəm Prezidentimizə daha böyük uğurlar arzulayıram.




 
Bölməyə aid digər xəbərlər
16.11.2018
Ramiz Rzayev: “Azərbaycanda ağır cinayətlərin sayı azalıb”
16.11.2018
“Kaspersky Lab” Avropa istifadəçilərinin məlumatlarının emalına başlayıb
16.11.2018
Bişkekdə “Müasir dünyəvi dövlətdə İslam” adlı ikinci beynəlxalq konfrans keçirilir
16.11.2018
Bakıda Azərbaycan Gənclərinin VIII Forumu keçirilir
16.11.2018
Azərbaycanda əmək pensiyalarının hesablanması qaydası ilə bağlı qanunvericiliyə dəyişiklik edilir

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10484

1 “Xaricdə təhsilimi davam etdirsəm, psixologiya sahəsini seçəcəyəm”
2 Azərbaycan turizmi Yunanıstanda təbliğ olunub
3 “Alstom” BTQ üçün ilk yük lokomotivinin Azərbaycana gətiriləcəyi tarixi açıqladı
4 “Gedir dayanmadan zamanın köçü”
5 Daşkənddə Xalq artisti Firudin Səfərovun 85 illik yubileyi qeyd olunacaq


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info