Rus dili olimpiadasının qalibləri mükafatlandırılıblar
Tarix: 06.06.2016 | Saat: 20:53:00 | E-mail | Çapa göndər


İyunun 6-da Bakı Slavyan Universitetində rus dili və ədəbiyyatı üzrə VIII Respublika Olimpiadasına yekun vurulması və qaliblərin mükafatlandırılması münasibətilə təntənəli mərasim keçirilib. Bu il olimpiada “Rusiya Kinosu ili”nə, Azərbaycanda “Multikulturalizm ili”nə, Müstəqil Dövlətlər Birliyinin 25 illiyinə və MDB məkanında “Təhsil ili”nə həsr olunub.AZƏRTAC xəbər verir ki, tədbirin təşkilatçıları Rusiyanın Azərbaycandakı səfirliyi, “Rossotrudniçestvo” Agentliyinin ölkəmizdəki nümayəndəliyi, Azərbaycanın Təhsil Nazirliyi və Azərbaycan Rusdilli Təhsil Müəssisələri Müəllimləri Assosiasiyasıdır.Mərasimdə nazirlik və idarələrin, ölkəmizdə akkreditə olunmuş diplomatik korpusun, ictimai və dini təşkilatların, Azərbaycanın elm və mədəniyyət qurumlarının, KİV-lərin nümayəndələri iştirak ediblər.Tədbirdə Rusiyanın Azərbaycandakı səfiri Vladimir Doroxin dahi rus şairi A.Puşkinin anadan olduğu 6 iyun tarixinin bütün dünyada Rus dili Günü kimi qeyd edildiyini bildirib. Olimpiadanın qaliblərini təbrik edən diplomat tədbirin təşkilatçılarına, müsabiqə iştirakçılarına və rus dilinə maraq göstərən hər kəsə minnətdarlığını bildirib. Vurğulanıb ki, Azərbaycanda rus dilinin öyrənilməsinə böyük maraq var və dövlət tərəfindən rus dilinin keyfiyyətli tədrisi üçün lazımi şərait yaradılıb.Təhsil nazirinin müavini Ceyhun Bayramov bilik yarışmasının qaliblərini təbrik edib, tədbirin təşkilini yüksək dəyərləndirib. Azərbaycan dilinin inkişaf tarixindən bəhs edən nazir müavini vurğulayıb ki, ölkəmizin müstəqilliyi bərpa edildikdən sonra ana dilimizin hərtərəfli təkmilləşməsinə böyük diqqət ayrılıb və bu, digər dillərin Azərbaycanda inkişafına əngəl törətmədən həyata keçirilib. O deyib: “Biz haqlı olaraq hər zaman Azərbaycanda dözümlülük və xoşniyyətli mühitin olması ilə fəxr etmişik. Prezident İlham Əliyevin vurğuladığı kimi, Azərbaycanda multikulturalizm artıq həyat tərzinə çevrilib. Bu baxımdan bugünkü tədbirin multikulturalizm ilində keçirilməsi də mühüm əhəmiyyət daşıyır. Yaşadığımız qloballaşma dövrü qonşu ölkələrin dillərini öyrənmək zərurəti yaradır”.Rusiyanın Azərbaycandakı Həmvətənlər İctimai Təşkilatlarının Əlaqələndirmə Şurasının sədri Boris Voronin, Azərbaycan Yazıçılar Birliyinin katibi Çingiz Abdullayev və digər çıxış edənlər bu cür bilik yarışlarının təşkilinin gənclərimizin intellektual potensialının zənginləşməsində mühüm rol oynadağını bildiriblər. Diqqətə çatdırılıb ki, əvvəlki illərlə müqayisədə olimpiadanın coğrafiyası genişlənib, iştirakçıların sayı çoxalıb. Bu da Azərbaycanda rus dili və ədəbiyyatına olan marağın artmasının parlaq nümunəsidir.Sonra olimpiadanın qalibləri mükafatlandırılıblar.
Tədbirdə rus dilində şeirlər və mahnılar səsləndirilib, rəqslər nümayiş etdirilib.Qeyd edək ki, yarışmanın regional turları fevral-may aylarında 15 məkanda - Bakı, Sumqayıt, Quba, Masallı, Lənkəran, Qobustan, Şəki, Balakən, Şirvan, Gəncə, Tovuz, Mingəçevir, Ucar, Naxçıvan şəhərlərində, İsmayıllı rayonunun İvanovka kəndində keçirilib. Müsabiqələrdə ölkəmizin 53 regionundan 347 Azərbaycan məktəbinin 7-8-ci siniflərində təhsil alan 1300-dən çox şagirdi iştirak edib.


Tural




 
Bölməyə aid digər xəbərlər
22.03.2019
İtaliyanın “Agenzia Nova” saytı Novruz bayramının adət-ənənələrindən yazır
20.03.2019
Bayramın ikinci günündə hava əsasən yağmursuz keçəcək
20.03.2019
Kiyevdə keçirilən Novruz şənliyində Azərbaycanın milli mətbəx nümunələri təqdim olunub
20.03.2019
Vaşinqtondakı Azərbaycan məktəbində Novruz bayramı qeyd olunub
20.03.2019
Metropolitendə ilk dəfə Novruz şənliyi təqdim olunur

Şərh əlavə olunmayıb

    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10702

1 Elektromaqnitizmin müxtəlif sahələrinə mühüm töhfələr verən görkəmli azərbaycanlı alim
2 Lənkəranın ucqar kənd məktəbində Novruz şənliyi keçirilib
3 Yuliya Naçalova vəfat edib
4 İraqda bərə qəzaya uğrayıb: 71 ölü
5 Məhkum edilmiş bir sıra şəxslər əfv olundu


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info