Əcnəbilər “ASAN Viza” sistemi ilə elektron viza ala biləcəklər
Tarix: 06.06.2016 | Saat: 21:41:00 | E-mail | Çapa göndər


Azərbaycana gələn əcnəbilər və vətəndaşlığı olmayan şəxslər birbaşa “ASAN Viza” sistemi ilə elektron viza ala biləcəklər. Bunun üçün Miqrasiya Məcəlləsində dəyişikliklər edilir. Dəyişikliklər Milli Məclisin hüquq siyasəti və dövlət quruculuğu komitəsinin iyunun 6-da keçirilən iclasında müzakirə olunub. Qeyd edilib ki, Azərbaycana gələn əcnəbilər və vətəndaşlığı olmayan şəxslər özləri birbaşa müraciət etməklə “ASAN Viza” sistemi ilə ən gec üç iş günü müddətində elektron viza ala biləcəklər.İclasda komitə sədri Əli Hüseynli bildirib ki, hazırda əcnəbilər və vətəndaşlığı olmayan şəxslər elektron viza almaq üçün özləri birbaşa müraciət edə bilmir və bu proses turizm şirkətləri vasitəsi ilə həyata keçirilir. Dəyişiklikdən sonra isə həmin şəxslər “ASAN Viza” sistemində yerləşdirilmiş elektron müraciət formasında nəzərdə tutulan məlumatları sistemə daxil edəcək və müraciətin qəbulu barədə müvafiq təsdiqnamə aldıqdan sonra qanunla müəyyənləşmiş məbləğdə dövlət rüsumunu da elektron qaydada ödəyəcək. Viza rəsmiləşdirilərək müraciət etmiş şəxsin poçt ünvanına göndəriləcək. Yaxud viza verilməsindən imtina edildikdə də şəxsə bu barədə məlumat veriləcək. Elektron viza pasporta yapışdırılmayacaq. Əcnəbi və ya vətəndaşlığı olmayan şəxs tərəfindən çap edilərək Azərbaycanın dövlət sərhədinin buraxılış məntəqəsindən keçərkən pasportla və geri qayıdış bileti ilə təqdim olunacaq. Buraxılış məntəqəsində pasportda şəxsin ölkəmizə daxil olması və ərazini tərk etməsi barədə qeyd aparılacaq. Məlumat “Giriş-çıxış qeydiyyat” idarələrarası avtomatlaşdırılmış məlumat-axtarış sistemi vasitəsi ilə real vaxt rejimində “ASAN Viza” sisteminə ötürüləcək.
Komitə üzvləri əcnəbilər və vətəndaşlığı olmayanların birbaşa elektron viza almaq imkanının ölkəmizə səfər edənlərin sayını artıracağını bildiriblər.
İclasda “Notariat” və “Daşınmaq əmlakın dövlət reyestri” haqqında qanunlara təklif olunan dəyişikliklərə də baxılıb və dəyərləndirilib. “Daşınmaq əmlakın dövlət reyestri haqqında” qanunun 18-ci maddəsinə əsasən, müvafiq icra hakimiyyəti orqanlarının vəzifəli şəxsləri tərəfindən aparılan notariat hərəkətləri sırasına biri də əlavə olunur. Belə ki, sahəsi beş hektardan çox təşkil etməyən xüsusi mülkiyyətdə olan kənd təsərrüfatı təyinatlı torpaq sahələrinin bir ildən artıq olmayan müddətə icarəyə və istifadəyə verilməsi barədə müqavilələri, həmin torpaq sahəsinin iki ildən artıq olmayan müddətə icarəyə və istifadəyə verilməsinə dair etibarnamələri də təsdiqləyəcəklər. Komitə sədri bunun kənd təsərrüfatı sahəsində aparılan islahatların sürətlənməsinə, işin asanlaşdırılmasına xidmət edəcəyini vurğulayıb.
Tural




 
Bölməyə aid digər xəbərlər
19.02.2019
“EcoArt” layihəsi başa çatıb
19.02.2019
Peşə hazırlığı kurslarının Almaniya təcrübəsinə uyğun təşkili məsələləri müzakirə olunub
19.02.2019
Şəhidlik ölməzlikdir
19.02.2019
“Sistemli Satış üçün CRM“ mövzusunda təlim keçiriləcək
19.02.2019
“Keyfiyyətli təhsil-səriştəli müəllim kompetensiyaları” mövzusunda ödənişsiz təlim keçirilib

Şərh əlavə olunmayıb

    ,    
Namiq Əliyev
Namiq Əliyev
Fuad HÜSEYNZADƏ
Tural Tağıyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10602

1 “Gürcüstanda yaşayan gürcü və azərbaycanlı gənclərin mütəmadi görüşlər keçirməsi vacib şərtdir”
2 Milli qəhrəmanlara və şəxsiyyətlərə hücum savaşın tərkib hissəsidir
3 “Vzqlyad.ru”: “Nazarbayev və Əliyev türk-islam dünyasının lideri roluna ən aktiv iddiaçılardır”
4 “Əsas oxucu kütləsi sayılan gənclər bu gün internet mediaya daha çox üstünlük verirlər”
5 Qabaqcıl texnologiyalar dövründə ənənəvi və internet medianın inkişafı


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info