ANAMA minatəmizləmə əməliyyatlarını davam etdirir
Tarix: 07.06.2016 | Saat: 01:10:00 | E-mail | Çapa göndər


Azərbaycan Respublikası Ərazilərinin Minalardan Təmizlənməsi üzrə Milli Agentlik (ANAMA) Füzuli, Ağdam və Tərtər rayonlarında aşkar olunan partlamamış hərbi sursatlar (PHS) haqqında hesabat təqdim edib.
ANAMA-nın mətbuat xidmətindən bildiriblər ki, Tərtər rayonunun Şıxarx kəndində iki ev və həyətyanı sahəyə, iki otlaq sahəsinə, ümumilikdə 4 partlayış yerinə baxış keçirilib, iki ədəd partlamamış hərbi sursat (1 ədəd 37 millimetrlik top mərmisi və 1 ədəd 122 millimetrlik top mərmisi) aşkar edilərək götürülüb, nəticə etibarilə 19 000 kvadratmetr ərazi yoxlanılıb. Cəmilli kəndində bir əkin və bir otlaq sahəsində ümumilikdə 6 partlayış yerinə baxış keçirilib və iki ədəd partlamamış hərbi sursat (9M22U raketinin (Qrad) mühərrik hissəsi) aşkar edilərək götürülüb, nəticə etibarilə 9 000 kvadratmetr ərazi yoxlanılıb. Ağdam rayonunun Qaradağlı kəndində iki ev və həyətyanı sahə iki partlayış yerinə baxış keçirilib, bir ədəd partlamamış hərbi sursat (9M22U raketinin (Qrad) mühərrik hissəsi) və bir ədəd 122 millimetrlik top mərmisinin qalıqları aşkar edilərək götürülüb, nəticə etibarilə 1 500 kvadratmetr ərazi yoxlanılıb. Füzuli rayonunun Horadiz şəhərində iki otlaq sahəsində iki partlayış yerinə baxış keçirilib, nəticə etibarilə 1 140 kvadratmetr ərazi yoxlanılıb. Ağcabədi rayonunun Yuxarı Qiyaməddinli kəndində, Qar-Qar çayının sahilində bir ədəd TM-62M tank əleyhinə mina aşkar olunub, minanın daşınması mümkün olmadığı üçün iyunun 6-da yerində partladılması nəzərdə tutulur. Nəticə etibarilə aşkar olunmuş minanın ətrafındakı 3 000 kvadratmetr ərazi yoxlanılıb. Ümumilikdə Agentlik tərəfindən aprelin 7-dən iyunun 5-dək Zərdab, Tərtər, Ağcabədi, Ağdam, Füzuli, Goranboy, Tovuz, Samux, Şəmkir, Cəlilabad, Ucar rayonlarında, Mingəçevir, Sumqayıt və Bakı şəhərlərində 577 ev və həyətyanı sahə, 2 hərbi hissə, 2 kənd qəbiristanlığı, 5 kənd orta məktəbi, 1 tibb məntəqəsi, 21 ferma, əkin sahələri və 1 çaxır zavodu ərazisinə baxış keçirilib, 1 498 ədəd partlamamış hərbi sursat, 11 ədəd piyada əleyhinə mina (PMN), 3 ədəd piyada əleyhinə POMZ-2 və 7 ədəd tank əleyhinə mina aşkar olunaraq zərərsizləşdirilib. Hazırda Agentlik tərəfindən yaradılmış xüsusi təyinatlı mobil çevik qrupları minaaxtaran itlərin dəstəyi ilə təmas xəttində yerləşən kəndlərdəki evlərlə yanaşı məktəblər və digər obyektlərin yerləşdiyi ərazilərdə əməliyyatları davam etdirir.




 
Bölməyə aid digər xəbərlər
20.04.2019
Salyanda Nəsiminin 650 illik yubileyi qeyd edilib
20.04.2019
Ölkə ərazisində müşahidə olunan faktiki hava şəraiti açıqlanıb
20.04.2019
Bu günün havası - Yağış hələ yağacaq...
20.04.2019
Lerik və Yardımlı rayonlarına qar yağıb
19.04.2019
Aprelin 22-dən problemli krediti olan şəxslərə kompensasiya ödənişlərinin verilməsinə başlanacaq

Şərh əlavə olunmayıb

    ,    
Fuad HÜSEYNZADƏ
Esmira Məmmədova
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10754

1 Erməni yoxsa türk qırğını?
2 Müharibə veteranlarına Prezident təqaüdü təsis edilib
3 Ramiz Mehdiyevin sərəncamı ilə tədbirlər planı təsdiqləndi
4 Azərbaycanlı həkim-yazıçı Rusiya Yazıçılar İttifaqına üzv olub
5 “Azərbaycan dilinin Orfoqrafiya Normaları” təsdiq edilib


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info