“İkinci bir erməni dövlətinin yaradılmasının təsəvvür olunması belə, mümkün deyil”
Tarix: 07.06.2016 | Saat: 18:28:00 | E-mail | Çapa göndər


“BMT Nizamnaməsində, eləcə də ATƏT-in Helsinki Yekun Aktının prinsiplərində də aydın şəkildə deyilir ki, xalqların öz müqəddəratını təyin etməsi prinsipi suveren dövlətlərin ərazi bütövlüyü prinsipinin pozulması hesabına həyata keçirilə bilməz. Odur ki, bu gün Ermənistan tərəfindən işğal olunmuş ərazilərin Ermənistana birləşdirilməsi və ya burada ikinci bir erməni dövlətinin yaradılmasının təsəvvür olunması belə mümkün deyil”.
Bu barədə Azərbaycanın Fransadakı səfiri Elçin Əmirbəyov Vatikan Radiosuna müsahibəsində bildirib.
E. Əmirbəyov qeyd edib ki, ATƏT-in Minsk qrupunun üç həmsədr ölkəsi-Fransa, ABŞ, Rusiya tərəfindən aparılan sülh prosesi mövcuddur və bu qrup münaqişənin Azərbaycanın və Ermənistanın qəbul edəcəyi həll yolunu tapmaqla məşğuldur: “Aprelin əvvəlindəki döyüşlər bir daha göstərdi ki, işğalın yaratmış olduğu bugünkü “status-kvo” qəbuledilməzdir və bu cür davam edə bilməz. 1994-cü ildən bəri regionda siyasi, iqtisadi, demoqrafik, hərbi güc nisbətinin dəyişdiyi də göz önündədir, durum 20 il bundan öncəki kimi deyil. Odur ki, Azərbaycanın öz ərazilərinin qanunsuz işğalına dözəcəyini düşünmək olmaz”.
Səfirin sözlərinə görə, mövcud “status-kvo”nun dəyişməsi üçün konkret addımlar atılmalıdır: “Öncə Dağlıq Qarabağ ətrafındakı bölgələr dərhal işğaldan azad olunmalıdır. Vasitəçilərin planına görə, əvvəlcə Ermənistan silahlı qüvvələri işğal olunan Qarabağ ətrafındakı 5 rayondan geri çəkilir, Azərbaycan ilə Ermənistan və eyni zamanda Türkiyə ilə Ermənistan arasında kommunikasiya vasitələri açılır, həmin 5 rayonun evlərini tərk etmiş məcburi köçkünlərinin geri qaytarılması prosesi başlayır və həm də bu ərazilərdə insanların təhlükəsizliyi təmin olunur. Burada söhbət BMT TŞ-nin bu ərazilərdə sülhü təmin etmək üçün mandat verdiyi ATƏT-in sülhün qorunması planından gedir. İkinci mərhələdə isə Laçın və Kəlbəcərrayonlarından erməni hərbi birləşmələrinin çıxarılması və Ermənistanı Dağlıq Qarabağ ilə birləşdirəcək dəhlizin parametrlərinin müəyyənləşdirilməsi ilə bağlı müzakirələr aparılacaq. Elə bu zaman Dağlıq Qarabağın müvəqqəti statusunun müzakirəsi başlanacaq”.
Sonda E. Əmirbəyov vurğulayıb ki, Dağlıq Qarabağın hər iki icmasının sülh şəraitində harmonik birgəyaşayışı təmin olunmalıdır: "Bir tərəfdə çoxluq təşkil edən ermənilər, digər tərəfdə isə azlıq təşkil edən azərbaycanlıların normal birgəyaşayış şərtlərinin təmin olunması ilə bir yerdə yaşaması tam mümkündür. Azərbaycan əhalisinin əksəriyyəti müsəlman olsa da, tam dünyəvi bir dövlətdir və burada müxtəlif dinlər və müxtəlif etnoslar harmonik şəkildə bir yerdə yaşayırlar. Hesab edirəm ki, bir gün ermənilər də bu sülhdən bəhrələnərək digər millətlər kimi azərbaycanlılarla birgə yaşayacaqlar".
Tural




 
Bölməyə aid digər xəbərlər
21.09.2018
Türkiyə Böyük Millət Məclisinin sədri Azərbaycanda səfərdədir
20.09.2018
Müxalifət yenə ianə yalvarışlarına başladı
20.09.2018
XİN: “Bütün məsuliyyəti Ermənistan rəhbərliyinin üzərinə düşür”
20.09.2018
Birinci vitse-prezident NATO nümayəndə heyəti ilə görüşüb- YENİLƏNİB
20.09.2018
NATO baş katibinin müavini: “Azərbaycan terrorizmə qarşı mübarizədə qətiyyətli mövqe sərgiləyir”

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10123

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Krivoy Roqdakı soydaşlarımız festivala hazırlaşırlar
4 “Son 15 il ərzində Azərbaycanda 3 mindən çox məktəb tikilib və əsaslı təmir edilib”
5 Ukraynada “Dünya azərbaycanlılarının palitrası” kitabının təqdimatı olub


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info