“Türkiyənin türk dünyası ilə yeganə torpaq sərhədi məhz Naxçıvanladır”
Tarix: 08.06.2016 | Saat: 00:24:00 | E-mail | Çapa göndər


“Bu gün Naxçıvan Muxtar Respublikasına gələn hər kəs kimi mən də təəccüblənirəm. Hər tərəfdə abadlıq, gül-çiçək, yaşıllıq, gözəl və yaraşıqlı binalar var. Muxtar respublikanın şəhər və kəndlərində yüksək infrastruktur yaradılıb”.
Bu sözləri AZƏRTAC-a müsahibəsində iyunun 2-7-də Naxçıvan Muxtar Respublikasında səfərdə olan Türkiyənin görkəmli hərb və dövlət xadimi Kazım Qarabəkirin qızı, qardaş ölkədə fəaliyyət göstərən Kazım Qarabəkir Paşa Vəqfinin sədri Timsal Qarabəkir deyib. Timsal Qarabəkir bildirib ki, burada Naxçıvan Muxtar Respublikası Rəssamlar Birliyinin Bəhruz Kəngərli adına Sərgi Salonunda Ərtoğrol Cavidin xatirəsinə həsr edilmiş “Yaradan ömrün faciəvi sonluğu” adlı rəsm sərgisinin açılışında və Naxçıvan Dövlət Universitetində “Əsrin sınaqlarında ədib və paşa - Hüseyn Cavid və Kazım Qarabəkir” mövzusunda keçirilən konfransda, “Ərtoğrol Cavid yaradıcılığı” adlı ədəbi-bədii tədbirdə iştirak edib: “Naxçıvanlı gənclərin qədim tariximizə, keçmişimizə olan marağı məni çox sevindirdi. Muxtar respublikada gənclərin vətənpərvərlik ruhunda tərbiyəsi yüksək səviyyədə təşkil olunub. Qısa ömür yaşayan, lakin çox böyük əsərləri bizə yadigar qoyan Ərtoğrol Cavidin xatirəsini anarkən istedadlı gənclərin çıxışları, fəallığı məni heyran etdi”. Qədim Naxçıvanın türk dünyasının müqəddəs məkanlarından biri olduğunu deyən Timsal xanım qeyd edib ki, ötən əsrin əvvəllərində Anadoluda yaşanmış faciələrin eynisi həmin dövrlərdə Naxçıvan ərazisində də baş verib. Ermənilər bu bölgədə də kütləvi qətllər törədib, türk yurdunu işğal etməyə çalışıblar. Ancaq unudublar ki, Naxçıvanın igid oğulları var, bu yurdu öz doğma vətəni kimi sevən türkiyəli qardaşları var. Məhz qardaşlıq duyğularından güc alan Kazım Qarabəkir Paşa Şərqi Anadolunu düşmən işğalından azad etdikdən sonra Naxçıvanı da xilas etmək üçün bura gəlib, böyük xidmətlər göstərib. Xalqlarımızın tarix boyu həmrəylik nümayiş etdirdiyini deyən Kazım Qarabəkir Paşa Vəqfinin sədri qardaş ölkələrin kədərinin də, sevincinin də daim bir olduğunu vurğulayıb. Bildirib ki, 1915-ci ildə Çanaqqala savaşında Azərbaycandan olan yüzlərlə könüllü Türkiyə uğrunda canlarını fəda ediblər. Bir müddət sonra isə Kazım Qarabəkirin rəhbərliyi ilə yüzlərlə türk əsgəri Naxçıvan uğrunda gedən döyüşlərdə böyük qəhrəmanlıqlar göstəriblər. 1918-ci il sentyabrın 15-də Türkiyə-Azərbaycan qardaşlığı, birliyi nəticəsində paytaxt Bakı şəhəri erməni daşnaklarından xilas olunub: “Bu məqamda mən Mustafa Kamal Atatürkün Nəriman Nərimanova borc pulun ödəniləcəyi barədə dediyi sözləri və Nəriman Nərimanovun ona cavabını yada salmaq istəyirəm. O deyib ki, qardaşın qardaşa borcu olmaz. Bəli, Türkiyə ilə Azərbaycan qardaşlığı da məhz belədir. Biz bir-birimiz üçün əlimizdən nə gəlirsə, onu edirik. Gələcəkdə də qardaşlıq bağlarımız daha da güclənərək davam edəcək. Biz bir millətin iki dövlətiyik. Bir-birimizə candan bağlıyıq. Naxçıvan isə türk dünyasında xüsusi yerə malikdir. Türkiyənin türk dünyası ilə yeganə torpaq sərhədi məhz Naxçıvanladır”.




 
Bölməyə aid digər xəbərlər
22.02.2019
Müxalifət özü də bilir ki, bu aksiyalar mənasızdır, xalqın iradəsini ifadə etmir
22.02.2019
“Talibana hərbi təzyiq göstərməyə davam edəcəyik“
22.02.2019
Azərbaycan “Şimal-Cənub” nəqliyyat dəhlizinin regional qovşaqlarından biridir
21.02.2019
“Yeni fərman ciddi bir sosial məsələnin həlli istiqamətində atılan addımdır”
20.02.2019
“Feyk xəbərlər sunamisi Yer kürəsini bürüyüb”

Şərh əlavə olunmayıb

    ,    
Namiq Əliyev
Namiq Əliyev
Fuad HÜSEYNZADƏ
Tural Tağıyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10611

1 Milli qəhrəmanlara və şəxsiyyətlərə hücum savaşın tərkib hissəsidir
2 “Əsas oxucu kütləsi sayılan gənclər bu gün internet mediaya daha çox üstünlük verirlər”
3 ABŞ-da atışma: xəsarət alanlar var
4 Əsərləri dünyanın bütün elektron kitabxanalarında yer alan azərbaycanlı yazar
5 Londonda Karl Marksın məzarına növbəti dəfə vandal hücumu olub


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info