“The Washington Times”: “ABŞ Çinə görə Rusiya ilə barışmaq məcburiyyətindədir”
Tarix: 17.06.2016 | Saat: 01:13:00 | E-mail | Çapa göndər


Amerika Birləşmiş Ştatları məhz Çinə görə Rusiya ilə barışmaq məcburiyyətindədir. Məlumdur ki, Qərbin Rusiyaya qarşı tətbiq etdiyi qadağalar Kremli Çinə üz tutmağa məcbur edib. Bu da Çinin uzun müddətdən bəri Asiya-Sakit okean regionunda ABŞ ilə apardığı mübarizədə bu ölkəyə əlavə stimul verir.
Təbii ki, bu vəziyyət regiondakı qüvvə balansının ABŞ-ın əleyhinə dəyişməsinə səbəb olur. Bu fikirlər nüfuzlu “The Washington Times” nəşrində dərc edilən yazıda yer alıb. Nəşrin təbirincə, ABŞ-ın Rusiya ilə münasibətlərinin normalaşması Pekinin iddialarına qarşı mübarizədə Vaşinqtona əlavə imkanlar verə bilər. Nəşr əməkdaşının fikrincə, Vaşinqton Asiya-Sakit okean regionunda Çinin qarşısını almaq siyasəti həyata keçirir. Lakin, belə görünür ki, Pekinin Cənubi Çin dənizindəki son hərəkətləri bu ölkənin geri çəkilmək niyyətində olmadığını göstərir. Məhz elə buna görə də, ABŞ Çinin ambisiyalarını cilovlamaq üçün effektiv bir seçim kimi, Rusiya ilə münasibətləri normallaşdırmaq məcburiyyətindədir. Bir daha xatırlatmaq yerinə düşər ki, Ukraynadakı vəziyyətlə əlaqədar Rusiya və Qərb arasında münasibətlərin pisləşməsi Moskvanı Pekinlə daha yaxında münasibətlər qurmağa, bu ölkə ilə işləməyə məcbur edib. Moskvanın Pekinlə bağladığı iqtisadi müqavilələr Rusiyaya qarşı tətbiq edilmiş iqtisadi qadağaların təsirinin azalmasına imkan yaradır. Qeyd edilməlidir ki, Rusiyanın belə bir addımı Çinə də əlavə stimullar vermiş oldu. Belə ki, hazırda Çin Moskvanın iqtisadi qərarlarına da təsir etmək imkanı əldə edib. Nəşrin ehtimalına görə, Çinin Rusiya ilə yaxınlaşması iqtisadi xarakterli olmasına baxmayaraq, qadağalar rejimində bu çox da uzunömürlü görünmür. “The Washington Times” yazır ki, qadağalar Rusiyanı Çinin “kiçik ortağı” olmağa, onun siyasi seçim qabiliyyətini və Asiya regionu ilə bağlı məsələlərdə müstəqil hərəkət etmək qabiliyyətini azaltmağa məhkum edib: “Lakin bütün bunlara baxmayaraq, Rusiyanın dəstəyini təmin edən Çin bölgədə daha aqressiv siyasət həyata keçirmək üçün geniş imkanlar əldə edib. Məhz elə bunları nəzərə alan Vaşinqton Rusiya ilə yaxınlaşmalı və Asiyada öz strategiyasını həyata keçirmək üçün daha çox imkanlar əldə etməlidir. Bu, Rusiyanın ABŞ ilə müttəfiq olması anlamına gəlməməli və Çinlə əlaqələrinin qorunub saxlanmasına də zərər gətirməməlidir. Bu, sadəcə, Rusiya-Çin və Rusiya-Amerika arasında balanslaşdırılmış tərəfdaşlıq olacaq”. Münasibətlərin normallaşması Asiya-Sakit okean regionunda təhlükəsizlik məsələləri üzrə dialoqun aparılmasında böyük imkanlar yaradır.
Ağasəf Babayev




 
Bölməyə aid digər xəbərlər
16.01.2019
“Rusiya hərbi bazasının bütün xərcləri Ermənistan dövlətinin büdcəsindən ayrılır”
16.01.2019
Lavrov: Rusiya növbəti Rusiya-İran-Azərbaycan sammitini hazırlayır
16.01.2019
Ermənistanda sığorta agentləri və vergi ödəyiciləri etiraz edirlər
16.01.2019
Erməni deputat: Paşinyan Qarabağla bağlı danışıqları qondarma rejimin deyil, yalnız Ermənistanın mövqeyindən aparacaq
15.01.2019
Ermənistan parlamentindəki deputatarın əksəriyyəti bilik və təcrübəyə malik deyillər

Şərh əlavə olunmayıb

    ,    
Namiq Əliyev
Namiq Əliyev
Tural Tağıyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10562

1 Xocalı tarixi və mədəniyyəti
2 Ukraynada oxucuların rəğbətini qazanan azərbaycanlı yazıçı
3 Struktur dəyişiklikləri dövlət idarəçiliyinin təkmilləşdirilməsini nəzərdə tutur
4 Azərbaycanın qonşu ölkələrlə əlaqələri yüksək səviyyədədir
5 Çingiz Bayramov: “Azərbaycan bölgənin inkişaf etmiş ölkəsinə çevrilib”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info