“Il Foglio” qəzeti: “İtaliya-Azərbaycan əməkdaşlığı sadəcə neftlə məhdudlaşmır”
Tarix: 17.06.2016 | Saat: 20:38:00 | E-mail | Çapa göndər


İtaliyanın “Il Foglio” qəzetində jurnalist Alberto Brambillanın müəllifi olduğu “İtaliya-Azərbaycan əməkdaşlığı sadəcə neftlə məhdudlaşmır. Səfir danışır” adlı məqalə dərc olunub.Azərbaycanın İtaliyadakı səfirliyindən bildiriblər ki, məqalə italyan jurnalistin Azərbaycanın İtaliyadakı səfiri Məmməd Əhmədzadə ilə müsahibəsi əsasında hazırlanıb.Məqalədə iyunun 13-də Romada keçirilmiş Azərbaycan və İtaliya arasında iqtisadi əməkdaşlıq üzrə Hökumətlərarası Komissiyanın iclası haqqında məlumat verilir. Azərbaycanın qeyri-neft sektorunun inkişafı istəyinin İtaliya ilə yeni əməkdaşlıq imkanları vəd etdiyi, ölkədə kiçik və orta sahibkarlığın inkişafı üçün italyan texnologiyalarının Azərbaycana transferinin maraq kəsb edə biləcəyi qeyd edilir.Azərbaycanda sərmayə qoyula biləcək sahələr arasında xüsusilə kənd təsərrüfatı sektoruna diqqət çəkilərək ölkəmizin münbit torpaqlara, əlverişli iqlim şəraitinə və kənd təsərrüfatı ənənələrinə malik olması, habelə əhalinin 40 faizinin bu sahədə çalışdığı qeyd olunur. Logistika və nəqliyyat sahələrinin də vacibliyi barədə danışılır, tarixi İpək Yolunun bərpası, Bakı-Tbilisi-Qars dəmir yolu layihəsi, Bakı Beynəlxalq Dəniz Ticarət Limanı və onun ərazisində yaradılmaqda olan azad iqtisadi zona haqqında məlumat verilir.Yazıda iki ölkə arasında enerji sahəsində əməkdaşlığa da toxunulur, Azərbaycanın İtaliyanın ən böyük neft təchizatçısı olması və TAP layihəsinin yekunlaşması ilə mühüm qaz təchizatçısı olacağı, həmçinin “Cənub Qaz Dəhlizi”nin reallaşdırılması işləri çərçivəsində İtaliyanın “Saipem” şirkəti ilə imzalanmış iri müqavilədən bəhs edilir.İki ölkə arasında əlaqələrin inkişafında həyata keçirilən yüksək səviyyəli qarşılıqlı səfərlərin vacibliyi də vurğulanır. Bu xüsusda İtaliyanın sabiq Baş naziri Enriko Lettanın 2013-cü ildə Azərbaycana, Prezident İlham Əliyevin 2014-cü və 2015-ci illərdə İtaliyaya səfərləri və 2014-cüi ildəki səfər vaxtı iki ölkə arasında strateji tərəfdaşlığa Dair Bəyannamənin qəbul edilməsi də qeyd olunur. İtaliya tərəfindən Azərbaycana yüksək səviyyəli səfərlərin sayının artırılacağının iki ölkə arasında mövcud olan sıx əlaqələrin daha da inkişafına, xüsusilə də iqtisadi əməkdaşlığın dərinləşməsinə töhfə verəcəyi bildirilir.
Tural




 
Bölməyə aid digər xəbərlər
25.09.2018
Roma Papası Latviyada səfərdədir
25.09.2018
Mərkəzi Asiyada ilk beynəlxalq turizm universiteti Astanada açılacaq
25.09.2018
PKK başçısının yaxın silahdaşı həbs olunub
24.09.2018
Moldova Konstitusiya Məhkəməsi Dodonun səlahiyyətlərini müvəqqəti dayandırlb
24.09.2018
Şoyqu açıqladı: Rusiya Suriyaya S-300 kompleksləri göndərir

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10139

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Yalnızlıq qorxusu
4 Krivoy Roqdakı soydaşlarımız festivala hazırlaşırlar
5 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info