Niyazi Səfərov:  “Qeyri-neft sektorunun ÜDM-də payı 69,3 faizə çatıb”
Tarix: 20.06.2016 | Saat: 20:12:00 | E-mail | Çapa göndər


Azərbaycan - Rusiya biznes forumu keçirilib


Bakıda İqtisadiyyat Nazirliyinin dəstəyi və Azərbaycanda İxrac və İnvestisiyaların Təşviqi Fondunun (AZPROMO) təşkilatçılığı ilə Azərbaycan-Rusiya biznes-forumu keçirilib. Tədbirdə rəsmi şəxslərlə yanaşı, kimya, maşınqayırma, qida sənayesi, energetika, nəqliyyat, yüngül və ağır sənaye, ticarət, mühəndislik, maliyyə, səhiyyə və digər sahələri təmsil edən şirkətlərin 200-ə yaxın nümayəndəsi iştirak edib.
Biznes forumda çıxış edən iqtisadiyyat nazirinin müavini Niyazi Səfərov Azərbaycanla Rusiya arasında siyasi əlaqələrin strateji tərəfdaşlıq səviyyəsinə yüksəldiyini, hər iki ölkənin dövlət başçılarının siyasi-iqtisadi əlaqələrin inkişafına xüsusi önəm verdiklərini, dövlət başçılarının, rəsmi və işgüzar dairələrin yüksək səviyyəli qarşılıqlı səfərlərinin bunun əyani göstəricisi olduğunu vurğulayıb. Niyazi Səfərov bir neçə gün öncə hər iki ölkənin iqtisadiyyat nazirlərinin Rusiyada keçirdiyi görüşləri, iqtisadi əlaqələrin genişləndirilməsi istiqamətində aparılan müzakirələri diqqətə çatdırıb.
Niyazi Səfərov Azərbaycan və Rusiya arasında ənənəvi regionlararası forumların keçirildiyini, bu ilin sonunadək növbəti – VII belə forumun Azərbaycanda təşkil ediləcəyini, ümumilikdə son beş ildə iki ölkə arasında 40 tədbirin keçirildiyini vurğulayıb.
Azərbaycanın əldə etdiyi iqtisadi uğurlar barədə məlumat verən nazir müavini son 10 ildə ÜDM istehsalının 2.3 dəfə, dövlət büdcəsinin gəlirlərinin 8.3 dəfə, qeyri-neft sektorunun 2.3 dəfə, strateji valyuta ehtiyyatlarının 16.3 dəfə artdığını, qeyri-neft sektorunun ÜDM-də payının 69.3%-ə çatdığını vurğulayıb.
Qeyd edilib ki, iki ölkə arasında möhkəm müqavilə-hüquqi baza yaradılıb, 50-dən çoxu iqtisadi sahəyə aid olmaqla 170 saziş imzalanıb. Rusiya Azərbaycanın əsas ticarət tərəfdaşlarındandır. Ötən il iki ölkə arasında ticarət dövriyyəsi 1.9 mlrd dollar təşkil edib. Azərbaycanda 600-ə yaxın Rusiya kapitallı şirkət fəaliyyət göstərir. Rusiya şirkətləri indiyədək Azərbaycan iqtisadiyyatında 3 mlrd. dollar investisiya yatırıb, dəyəri 69.5 mln manat olan dövlət sifarişini yerinə yetirirlər. Azərbaycanlı iş adamları isə Rusiya iqtisadiyyatına 1 mlrd. dollardan çox sərmayə qoyublar.
Tədbirdə Azərbaycanda əlverişli biznes və investisiya mühitinin olduğu vurğulanmış, xarici investisiyaların və investorların mənafelərinin qorunmasının əlverişli investisiya mühitinin əsas göstəricilərindən olduğu, təkcə 2015-ci ildə Azərbaycan iqtisadiyyatına 20 mlrd. dollar, indiyədək isə 220 mlrd. dollardan çox investisiya qoyulduğu, Azərbaycanda 6 mindən çox xarici kapitallı şirkətin fəaliyyət göstərdiyi bildirilmiş, rusiyalı iş adamları daha fəal əməkdaşlığa dəvət edilib. Rusiya Federasiyasının Yaroslav vilayətinin qubernatoru Serqey Yastrebov Azərbaycan-Rusiya iqtisadi əlaqələrinin uğurla inkişaf etdiyini, iki ölkə arasında ticarət dövriyyəsinin artdığını diqqətə çatdırıb, işgüzar dairlələrin iştirakı ilə keçirilən tədbirlərin iqtisadi əlaqələrin inkişafına mühüm töhfə verdiyini, eləcə də Rusiyanın federal subyektləri ilə Azərbaycan arasında əlaqələrin inkişafı baxımdan əhəmiyyətini diqqətə çatdırıb, azərbaycanlı iş adamlarını Yaroslavda yaradılmış investisiya imkanlarından yararlanmağa çağırıb.
Rusiya Federasiyasının “Delovaya Rossiya” İctimai Birliyinin rəhbəri Aleksey Repkin hər iki ölkənin böyük potensiala malik olduğunu, mövcud imkanlardan səmərəli istifadə etməklə əməkdaşlığın daha da genişləndirilə biləcəyini vurğulamış, azərbaycanlı sahibkarları rusiyalı həmkarları ilə əməkdaşlığı genişləndirməyə dəvət edib.
AZPROMO-nun rəhbəri Rüfət Məmmədov Azərbaycanın biznes və investisiya mühiti, Rusiya Federasiyasının Strateji Təşəbbüslər üzrə Yeni Layihələrin Dəstəklənməsi Agentliyinin rəhbəri Andrey Nikitin isə Rusiya Federasiyasında investisiya mühiti və işgüzar imkanlar mövzusunda təqdimatlarla çıxış ediblər.
Biznes forum çərçivəsində Azərbaycanda İxracın və İnvestisiyaların Təşviqi Fondu (AZPROMO) ilə Rusiyanın “Delovaya Rossiya” İctimai Birliyi arasında, AZPROMO və “UK Viktoriya Esteyt” QSC arasında, AZPROMO ilə “Bank VTB” (Azərbaycan) arasında əməkdaşlığa dair Anlaşma Memorandumları, həmçinin “Vita-A” MMC (Azərbaycan), “Azərbaycan İnvestisiya Şirkəti” ASC və “R-Farm” (Rusiya) şirkətləri arasında Azərbaycan Respublikası ərazisində beynəlxalq standartlara və tələblərə uyğun müasir əczaçılıq məhsullarının istehsalının təşkilinə dair niyyət protokolu imzalanıb.
Tədbir iş adamları arasında təşkil olunmuş ikitərəfli görüşlərlə davam edib.


İ.AĞAYEV




 
Bölməyə aid digər xəbərlər
24.09.2018
“Bakcell”in baş sponsorluğu ilə Bakıda M.A.P. festivalı keçiriləcək
24.09.2018
“Bakcell”in baş icraçı direktoru startap və telekommunikasiya sahəsinin rəqəmsallaşması barədə danışıb
24.09.2018
Bakıda Xüsusi Olimpiya Hərəkatı Gənc Liderlərin 20-ci Qlobal Forumu işə başlayıb
24.09.2018
AQTA bəzi şirniyyatlarla bağlı məlumatlara aydınlıq gətirdi- “Ozmo”, “Pop kek”, “Tutku”...
24.09.2018
Aİİ bütün tələbələrini dərs vəsaitləri ilə təmin edib

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10140

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Yalnızlıq qorxusu
4 Krivoy Roqdakı soydaşlarımız festivala hazırlaşırlar
5 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info