Azay Quliyev Türkiyənin daxili işlər naziri ilə görüşüb
Tarix: 07.03.2013 | Saat: 18:52:00 | E-mail | Çapa göndər


Azərbaycan Respublikasının Prezidenti yanında QHT-lərə Dövlət Dəstəyi Şurasının sədri Azay Quliyevin rəhbərliyi ilə Türkiyədə səfərdə olan nümayəndə heyəti Ankarada bir sıra dövlət və hökumət rəsmiləri ilə görüşlər keçirib.
Şuranın mətbuat xidmətindən “Palitra”ya verilən məlumata görə, ilk görüş Türkiyənin daxili işlər naziri Muammer Gülerlə keçirilib.
Vətəndaş cəmiyyəti qurumlarının fəaliyyətini önəmli sayan Muammer Güler ölkələrimiz arasındakı əməkdaşlıq əlaqələrindən danışıb, Xocalı soyqırımının 21-ci ildönümünün Türkiyədə də yüksək səviyyədə anıldığını, Dağlıq Qarabağ probleminin həllində Türkiyənin hər zaman Azərbaycanın yanında olduğunu söyləyib. Güclü vətəndaş cəmiyyətinin mövcudluğunun güclü dövlətin əsas təməl şərtlərindən olduğunu qeyd edən daxili işlər naziri iki dövlət arasında əməkdaşlığın yüksək səviyyədə olmasına baxmayaraq, vətəndaş cəmiyyəti institutlarının əlaqələrinin hələ zəif olduğunu və bunun inkişaf etdirilməsinin vacibliyini bildirib. Azay Quliyev isə iki dövlətin vətəndaş cəmiyyəti qurumları arasında əlaqələrin daha da inkişaf etdirilməsi üçün birgə işçi qrupunun yaradılmasını zəruri sayıb.
Türkiyə Daxili İşlər Nazirliyinin müşaviri Necmeddin Kılıc və Türkiyə Dərnəklər Dairəsi başqanı Mustafa Yardımçı ilə keçirilən görüşdə dövlət-QHT münasibətləri, QHT-lərin fəaliyyətinin hüquqi əsasları, QHT-lərə dövlət dəstəyinin forma və mexanizmləri haqqında danışılıb. Eyni zamanda Türkiyə və Azərbaycan vətəndaş cəmiyyəti qurumları arasında əlaqələrin yaranmasında və inkişafında, təcrübə mübadiləsinin aparılmasında belə görüşlərin əhəmiyyəti vurğulanıb.
Növbəti görüş Türkiyə Cümhuriyyətinin Nazirlər Kabinetinin vəqflər baş müdiri Ertem Adnanla keçirilib. Görüş zamanı Türkiyədə vəqflərin tarixi, qurulma prinsipləri və fəaliyyəti haqqında geniş məlumat verilib. Azay Quliyev bu sahədə Türkiyənin böyük təcrübəyə malik olduğunu bildirib, bu təcrübənin öyrənilməsi, təşviqi, tətbiqi, eyni zamanda iki qurum arasında qarşılıqlı əməkdaşlığın qurulması üçün birgə işçi qrupların yaradılmasını vacib hesab edib. Bu sahədə əldə olunmuş razılıq əsasında aidiyyəti şəxslərə müvafiq tapşırıqlar verilib.

İlkin AĞAYEV




 
Bölməyə aid digər xəbərlər
22.09.2018
Azərbaycanda gördüklərim məndə xoş təəssüratlar yaratdı
22.09.2018
Azərbaycan ilə İordaniya dost və qardaş ölkələrdir
22.09.2018
Azərbaycan-Rusiya parlamentlərarası əlaqələri yüksək səviyyədədir
22.09.2018
İsveçrə və Azərbaycan arasında çox yaxşı əlaqələr mövcuddur
21.09.2018
Yıldırım: “Azərbaycanı vətənim kimi qəbul edirəm“

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10131

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Krivoy Roqdakı soydaşlarımız festivala hazırlaşırlar
4 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”
5 QHT sədri Ukraynadakı “Qafqaz“ xalq rəqs ansamblına milli geyimlər hədiyyə edib


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info