Markar Esayan: “Xocalı qətliamını törədənləri lənətləyirəm”
Tarix: 23.06.2016 | Saat: 18:16:00 | E-mail | Çapa göndər


“Əlbəttə ki, mən erməniyəm, amma eyni zamanda, Türkiyə vətəndaşıyam və mənim də inandığım dəyərlər var”. 
Bu sözləri APA-ya açıqlamasında Türkiyənin Avropa ŞurasıParlament Assambleyasındakı (AŞPA) nümayəndə heyətinin üzvü, hakimiyyətdəki Ədalət və İnkişaf Partiyasının (AKP) İstanbul millət vəkili, erməni əsilli Markar Esayan deyib.  
M. Esayan bildirib ki, ölkəsi Türkiyənin mənafeyi onun üçün hər şeydən öndədir: “Eyni zamanda, əxlaq meyarlarımız da var. Əgər siz bir bölgədə digər bölgəyə su vermirsinizsə, suyun qarşısını kəsib insanları susuz qoyursunuzsa, bunu kimin etməsindən asılı olmayaraq, mən buna qarşı olacağam. Kiminsə pislik etməsini onun irqinə və ya millətinə görə dəyərləndirə bilmərik. Erməniyəm deyə mən hansısa yanlışlıqlara göz yuma bilmərəm, məsələlərə bu aspektdən baxıram. Elə Xocalı qətliamına da bu gözlə baxıram, hər il bunu edənləri lənətləyirəm. Biz bu baryerləri aşmalıyıq. Yəni, doğru yerdə durmağa çalışıram, amma bunun da bir bədəli olur. Olsun, nə edə bilərik ki?..”  
Türkiyəli millət vəkili Ermənistanın AŞPA-dakı nümayəndə heyətinin üzvü Naira Zöhrabyanın ona qarşı kobud hərəkətlərə və təhqirlərə yol verməsinə də toxunub: “Yanvar sessiyasında Azərbaycanla bağlı hesabatların lehinə səs verdiyim üçün erməni nümayəndə heyətinin üzvü mənə söyüş və təhqirlər yağdırdı. Təbii ki, Avropa Şurası içində bu, qəbuledilməz bir hərəkət idi. Ermənistan nümayəndə heyətinin digər üzvləri isə gəlib məndən üzr istədilər və o qadının başqa partiyadan olduğunu və Ermənistanda bu sahədə məşhur olduğunu bildirdilər, hadisədən çox üzüldüklərini söylədilər. Biz də öz növbəmizdə bu məsələni AŞPA Bürosu və sədrinin diqqətinə çatdırdıq. Biz onları xəbərdar etsək də, rəsmən üzr istəyən olmadı və nizamnamədə belə məsələlərlə bağlı hansısa müddəanın olmadığını bildirdilər. Yəni, biz şikayətimizi verdik, AŞPA sədri bunu diqqətə aldı, ancaq başqa bir şey olmadı”.




 
Bölməyə aid digər xəbərlər
21.03.2019
Azərbaycan və Argentina arasında əməkdaşlığın perspektivləri müzakirə edilib
21.03.2019
Nursultan Nazarbayevin qərarı qazax xalqının firavan gələcəyini təmin edəcək
21.03.2019
Meksikada Novruz bayramı və Azərbaycan Mədəniyyəti Günü qeyd olunub
21.03.2019
Birinci vitse-prezident Mehriban Əliyeva Dariqa Nazarbayevanı təbrik edib
20.03.2019
ABŞ Prezident İlham Əliyevin əfv sərəncamını alqışlayır

Şərh əlavə olunmayıb

    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10702

1 Elektromaqnitizmin müxtəlif sahələrinə mühüm töhfələr verən görkəmli azərbaycanlı alim
2 Lənkəranın ucqar kənd məktəbində Novruz şənliyi keçirilib
3 Yuliya Naçalova vəfat edib
4 “Bahar“ Qadınlar İnkişaf Qrupuna müasir tikiş maşınları verilib
5 Fransız heykəltəraş Mauro Kordanın sərgisi


22.03 09:12 AFR bundestaqının büdcə komitəsi martın 20-də sabiq prezidentlərə və kanslerlərə xidmət göstərən heyətin ixtisar edilməsi, habelə sabiq prezidentlərin və kanslerlərin əlavə gəlirlərinin olması müəyyən edilsə, onların pensiyalarının məbləğinin azaldılması barədə qərar qəbul edib. AZƏRTAC xəbər verir ki, istefada olan dövlət başçısının sərəncamında yalnız bir sürücü, bir dəftərxana işçisi, iki yardımçı referent və bir katib qalacaq. Səfərləri zamanı sabiq dövlət başçısının komandasının deyil, yalnız özünün pulu büdcədən ödəniləcək. Pensiyalara əlavələr olanda “sabiqlərin“ əlavə gəlirləri nəzərə alınacaq. Bundestaqda gizlətmirlər ki, deputatları bu addımı atmağa ölkənin sabiq kansleri Gerhard Şröderin “Qazprom“la münasibətləri sövq edib.
© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info