Gənclərlə iş dövlət siyasətinin prioritet istiqamətinə çevrildi
Tarix: 07.03.2013 | Saat: 22:28:00 | E-mail | Çapa göndər


Naxçıvan Dövlət Universitetində “Biz Heydər Əliyev irsindən öyrənirik” mövzusunda elmi konfrans keçirilib. Universitetin Gənclər Təşkilatının və Magistratura üzrə dekanlığının birgə təşkil etdiyi konfransı giriş sözü ilə açan rektor, akademik İsa Həbibbəyli Heydər Əliyevin bəşər tarixindəki nadir tarixi şəxsiyyətlərdən, siyasət nəhəngi olmasından, Azərbaycanın milli müstəqilliyinin qorunmasında, müasir dinamik inkişafında, taleyüklü məsələlərin həllindəki misilsiz xidmətlərindən bəhs edib.
Rektor ulu öndərin həyat və fəaliyyətinin, siyasi irsinin, böyük ideyalarının öyrənilməsinin zəruriliyini vurğulayıb, ümummilli liderin anadan olmasının 90 illiyi, 2013-cü ilin Naxçıvan Muxtar Respublikasında “Heydər Əliyev ili” elan olunması ilə bağlı keçiriləcək çoxsaylı tədbirlər barədə məlumat verib. Magistratura üzrə Tələbə Gənclər Təşkilatının sədri, Beynəlxalq əlaqələrin tarixi və nəzəriyyəsi ixtisaslaşması üzrə I kurs magistrant Lamiyyə Əliyeva “Heydər Əliyevin gənclər siyasəti” mövzusunda məruzə edərək Heydər Əliyevin gənclərə göstərdiyi qayğıdan, gənclərlə işin dövlət siyasətinin prioritet istiqamətlərindən biri kimi qəbul etməsindən danışıb. Qeyd olunub ki, ölkəmizdə Heydər Əliyev tərəfindən müəyyənləşdirilən gənclər siyasəti bu gün ölkə Prezidenti İlham Əliyev tərəfindən də uğurla davam etdirilir. Azərbaycan ədəbiyyatı ixtisaslaşması üzrə I kurs magistrant Püstə Əhmədova “Heydər Əliyev və Naxçıvan” mövzulu məruzəsində bildirib ki, dünya şöhrətli siyasətçi, görkəmli dövlət xadimi Heydər Əliyev 1991-1993-cü illərdə Naxçıvan Muxtar Respublikası Ali Məclisinin Sədri işləyərkən blokada şəraitində olan Naxçıvanı erməni hücumlarından, işğalından qoruyub, Azərbaycanın gələcək müqəddaratı ilə bağlı mühüm tarixi siyasi qərarlar qəbul edib, muxtar respublikanın hərtərəfli inkişafı istiqamətində çoxşaxəli tədbirlər həyata keçirib. Ümummili lider Azərbaycan rəhbərliyinə qayıtdıqdan sonra da Naxçıvanın sosial-iqtisadi, elmi, mədəni tərəqqisini daim diqqət mərkəzində saxlayıb. Bu gün ölkə başçısı və muxtar respublika rəhbərliyi tərəfindən Heydər Əliyev məktəbinin və siyasi kursunun layiqincə davam etdirilməsinin nəticəsidir ki, Naxçıvan özünün əsl intibah dövrünü yaşayır.
Mətbuat ixtisaslaşması üzrə I kurs magistrant Səadət Əliyeva “Heydər Əliyev Azərbaycan mətbuatı” mövzusunda məruzəsində ümummilli liderin milli jurnalistikanın demokratik prinsiplər əsasında inkişafı, söz, mətbuat azadlığının, plüralizmin təmin olunması istiqamətində qəbul etdiyi qərarlar, kütləvi informasiya vasitələrinə, jurnalistlərə hərtərəfli qayğısı barədə ətraflı məlumat verib. Qeyd olunub ki, Azərbaycan milli mətbuatının daha da inkişaf etdirilməsi sahəsindəki bütün bu xidmətlərinə görə Heydər Əliyev 2002-ci ilin martın 22-də “Ruh” Azərbaycan Jurnalistləri Müdafiə Komitəsinin təsis etdiyi “Jurnalistlərin dostu” mükafatına layiq görülüb. Konfransda ümummilli lider Heydər Əliyevin həyat və fəaliyyətini əks etdirən slaydlar, “Tarixin Heydər Əliyev zirvəsi” adlı sənədli film də nümayiş etdirilib.
Mehriban SULTAN




 
Bölməyə aid digər xəbərlər
19.11.2018
“İrəli”nin keçirdiyi intellektual yarışların Aran və Gəncə-Qazax üzrə qalibləri müəyyənləşib
19.11.2018
Paytaxtın 2 rayonunda iməclik keçirilib
18.11.2018
Ölkəmizin on şəhər və rayonunun məktəbliləri Lənkərana gəliblər
17.11.2018
Naxçıvan Qarnizonu qoşunlarında keçirilən növbəti snayper hazırlığı kursu uğurla başa çatıb
16.11.2018
Rəsulzadə bələdiyyəsində “Strateji Yol Xəritəsi” müzakirə olunub

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10500

1 “Xaricdə təhsilimi davam etdirsəm, psixologiya sahəsini seçəcəyəm”
2 Davamli dil siyasəti dövlətin əsas prioritet istiqaməti kimi
3 Rufiz Qonaqov: Bako Saakyanın Fransaya qanunsuz səfəri Minsk qrupunun həmsədri olan bu ölkə üçün qara ləkədir
4 “Gedir dayanmadan zamanın köçü”
5 Almaniyada Naxçıvanla bağlı broşürlər paylanılıb


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info