Britaniya Avropa İttifaqını tərk edir
Tarix: 25.06.2016 | Saat: 00:35:00 | E-mail | Çapa göndər


Baş nazir Devid Kemeron istefa verəcəyini bəyan edib
Britaniyada ölkənin Avropa İttifaqında (Aİ) qalıb-qalmaması ilə bağlı referendum keçirilib. Referendumun nəticələrinə görə, ölkədə 51,7 faiz əhali Britaniyanın Aİ-dən çıxmasını dəstəkləyib. Əhalinin 48,1 faizi isə Britaniyanın Aİ-də qalması üçün səs verib.
Seçici fəallığı 30 milyondan çox seçicinin iştirakı ilə 71.8 faiz təşkil edib. Bu 1992-ildən bəri ən yüksək göstəricidir. Referendumun nəticələrinə münasibət bildirən Baş nazir Devid Kemeron vəzifədən gedəcəyini bəyan edib. Canlı yayımda çıxış edən Baş nazir Britaniyanın yeni liderə ehtiyacı olduğunu deyib. O qeyd edib ki, hələ də ölkəsinin Aİ-də qalmasının daha məqsədyönlü olduğunu düşünür: “Lakin Britaniya əhalisi bunu istəmədi. Bu, o deməkdir ki, onlar yeni idarə sistemi və təbii ki, yeni lider istəyirlər”.

Avropa İttifaqı Böyük Britaniyanı qurumdan çıxmağı tezləşdirməyə çağırıb

Baş nazir oktyabrda istefaya gedəcəyini bildirib. Avropa İttifaqı Şurasının sədri Donald Tusk Böyük Britaniyada keçirilən referendumun nəticələrini şərh edərkən bu cür ssenariyə əvvəlcədən hazır olduqlarını bildirib. Tusk, həmçinin gələn həftə qurumun sammiti çərçivəsində 27-lərlə qeyri-rəsmi müzakirə aparmaq barədə təklif verdiyini deyib. Britaniyalıların referendumda Aİ-dən çıxmaq barədə verdikləri qərarı “tarixi an” adlandıran Avropa İttifaqı Şurasının sədri bununla bağlı sərt reaksiyadan imtina etməyə çağırıb. Aİ qeyri-rəsmi müzakirəni gözləmədən referendumla bağlı birgə bəyanat yayıb. Avropa İttifaqı Şurasının sədri Donald Tusk, Avropa Komissiyasının sədri Jan-Klod Yunker, Avropa Parlamentinin sədri Martin Şults və Aİ-yə sədrlik edən ölkə qismində Hollandiyanın baş naziri Mark Ryütte tərəfindən imzalanan birgə bəyanatda Böyük Britaniya hökumətinə referendumun nəticəsini tez bir zamanda reallaşdırmaq çağırışı əksini tapıb: “Azad və demokratik şəkildə Britaniya xalqı öz qərarını verdi. Biz buna təəssüf etsək də, hörmətlə yanaşırıq. Biz, 27 ölkə olaraq, fəaliyyətimizi davam etdirəcəyik. Nə qədər ağrılı proses olsa da, biz Birləşmiş Krallıq hökumətini mümkün qədər tez bu qərarı həyata keçirməyə çağırırıq. İstənilən təxirəsalınma qeyri-müəyyənliyi uzada bilər. Biz Britaniya hökuməti ilə onun Aİ-dən çıxmasının şərt və tələbləri barədə təcili danışıqlara başlamağa hazırıq. Bu proses bitənə kimi Birləşmiş Krallıq bütün öhdəlik və hüquqları ilə Aİ-nin tamhüquqlu üzvüdür. Biz Birləşmiş Krallığın gələcəkdə Aİ-nin ən yaxın tərəfdaşı olacağına ümid edirik”.
Anar




 
Bölməyə aid digər xəbərlər
25.04.2019
Kim Çen In Putinə qılınc hədiyyə etdi
25.04.2019
Suriyada partlayış baş verib, ölənlər və yaralananlar var
24.04.2019
Cәnubi Afrikada daşqınlar 37 nәfәrin hәyatına son qoyub
24.04.2019
“İnterpol”un eks-rəhbəri barədə həbs qərarı verildi
24.04.2019
Türkiyə XİN: Trampın 1915-ci il hadisələri ilə bağlı açıqlamasını rədd edirik

Şərh əlavə olunmayıb

    ,    
Namiq Əliyev
Fuad HÜSEYNZADƏ
Esmira Məmmədova
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10759

1 Tarixin ibrət dərsləri...
2 Gülnar Səmanın kitabının təqdimatı keçiriləcək
3 “Azərbaycan dilinin Orfoqrafiya Normaları” təsdiq edilib
4 Artıq bəzi sözlər yeni qaydalar əsasında yazılmalıdır
5 “Israel Hayom” qəzeti: “Azərbaycan müqəddəs Odlar Yurdudur”


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info