Çavesin ölümü Rusiyanın neft şirkətlərinə təsir edə bilər
Tarix: 07.03.2013 | Saat: 22:44:00 | E-mail | Çapa göndər


Venesuela prezidenti Uqo Çavesin ölümü Rusiyanın neft şirkətlərinin uzunmüddətli planlarına təsir edə bilər. “RİA Novosti”nin yaydığı xəbərdə deyilir ki, Çavesin ölümü ilə əlaqədar olaraq, təhlilçilər proseslərin gedişatı ilə bağlı ciddi düşünürlər.
Onların fikrincə, əsas məsələ Çavesi kimin əvəzləyəcəyidir. Məlumatda deyilir ki, Rusiyanın neft şirkətləri Venesuelada uzunmüddətli müqavilələr əsasında işləyirlər. Onlar 2020-ci ilədək Venesuelanın neft sektoruna 17.6 milyard dollar investisiya qoyacaq. Lakin ekspertlərin fikrincə, sərmayənin məbləği siyasi perspektivdən asılı olaraq, azala bilər. Rusiyalı ekspertlər hesab edirlər ki, Çavesin ölməsi ilk növbədə, "Rosneft" şirkətinin Venesueladakı fəaliyyətinə mənfi təsir göstərə bilər. Lakin bəzi müşahidəçilər daha optimistdirlər. Qeyd edək ki, Rusiyanın sənaye naziri Denis Manturov jurnalistlərin suallarını cavablandırarkən, Venesuelada dövlət başçısının dəyişməsinin Rusiya şirkətlərinin bu ölkədəki fəaliyyətinə təsir etməyəcəyini deyib. "Rosneft" şirkəti "Xunin-6" karbohidrogen layihəsində işləyir. Bununla yanaşı, Rusiyanın "Qazprom neft", LUKOYL və “Surqutneft” şirkətləri də bərabər payla Venesuelada fəaliyyət göstərirlər. "Rosneft"in nümayəndələrinin son açıqlamalarında isə bildirilib ki, onlar bu yaxınlarda daha ciddi karbohidrogen layihəsində iştiraka hazırlaşırlar. Yeri gəlmişkən qeyd edək ki, Venesuelanın müxalifət partiyaları Miranda ştatının qubernatoru Enrike Kaprilesi prezidentliyə vahid namizəd kimi irəli sürüblər. Venesuela XİN başçısı Elias Haua bir ay ərzində yeni prezident seçkilərinin keçiriləcəyini, o vaxtadək isə ölkəni vitse-prezident Nikolas Maduronun idarə edəcəyini bildirib. Kapriles hakimiyyəti konstitusiyaya əməl etməyə çağırıb. Venesuela konstitusiyasına əsasən, prezident öldükdə bir ay ərzində yeni prezident seçkiləri keçirilir. Yeni prezident vəzifəsinin icrasına başlayanadək isə ölkəni parlamentin sədri idarə edir. Enrike Kapriles keçən ilin oktyabrında prezident seçkilərində iştirak edərək Uqo Çavesə məğlub olmuşdu. Qeyd edək ki, Uqo Çavesin tabutunu daşıyan abtomobil paytaxt Karakasın küçələri ilə dolaşıb. Yüz minlərlə venesuelalı prezidentlə vidalaşmaq üçün küçələrə çıxıb. Karakas şəhər rəhbərliyi matəm günlərində metropolitenin pulsuz işləyəcəyini elan edib.
ANAR




 
Bölməyə aid digər xəbərlər
21.09.2018
“Jamanak“: «KTMT İrəvanın bu təşkilatdan ümid gözləməməsini bəyan edir»
20.09.2018
Moldovada Dnestryanı bölgə ilə bağlı referendum keçiriləcək
20.09.2018
Sevak Akobyan: ”Hakimiyyət KİV-ə təzyiqi artıracaq”
20.09.2018
Tevos Arşakyan: ”Paşinyan boş-boş danışmaqla məşğuldur”
19.09.2018
İnternetdə şərh yazmaq üçün qeydiyyatdan keçmək lazımdır

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10130

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Krivoy Roqdakı soydaşlarımız festivala hazırlaşırlar
4 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”
5 QHT sədri Ukraynadakı “Qafqaz“ xalq rəqs ansamblına milli geyimlər hədiyyə edib


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info