Aureliya Qriqoriudan: “Xocalı faciəsini soyqırımı aktı kimi tanımağa çağırıram”
Tarix: 30.06.2016 | Saat: 17:07:00 | E-mail | Çapa göndər


Müasir dünyada müxtəlif ekstremist təşkilatlar baş qaldırır, inkişaf etmiş ölkələrin çoxunun siyasəti isə ikili standartlara əsaslanır. Bu siyasətin gələcəyi yoxdur. O, ölkələri ümumi qarşıdurma girdabına sürükləyir. Belə təsəvvür yaranır ki, dünya miqyaslı siyasətçilər yalnız bugünkü günlə yaşayır, bu fəaliyyətin gələcək nəsillər üçün ziyanlı nəticələri barədə düşünmürlər.Moldova İctimai Palatasının sədri, məşhur hüquqşünas Aureliya Qriqoriu bu fikirləri Malta Ordeni Kavalerlərinin bu günlərdə İtaliyanın Urbino şəhərində keçirilmiş Forumunda söyləyib.Qriqoriunun sözlərinə görə, hazırda terrorizm sülh üçün əsas təhdidlər sırasında birinci yeri tutur. O deyib: “Terrorizmin mənbələri sosial qeyri-bərabərlik, ksenofobiya və irqçilikdir. Bu neqativ təzahürlərə qarşı hansı mübarizə metodları var? Bunun alternativi nədir? Yeganə çıxış yolu multikulturalizmdir. Burada qeyd etmək istərdim ki, Azərbaycan Respublikası multikulturalizmin inkişafı və möhkəmlənməsi nümunəsidir”.Moldova İctimai Palatasının sədrinin sözlərinə görə, multikulturalizmi dövlət siyasəti dərəcəsinə ucaldan məhz Azərbaycan olub: “Azərbaycan rəhbərliyinin dövlət siyasəti fenomeni bundan ibarətdir. Bu siyasətin xüsusiyyəti ondadır ki, öz ərazisinin 20 faizinin işğal edilməsindən əziyyət çəkən, 1 milyondan artıq məcburi köçkün və qaçqın kimi real problemi olan bir ölkə öz dövlətində sülh, hörmət, xeyirxahlıq və humanizm ab-havasını təmin edir. Bu gün Avropanı bürümüş qaçqınlar problemi on milyon sakini olan Azərbaycanın təcrübəsi nəzərə alınmaqla həll edilə bilər. Bir milyondan çox qaçqını və köçkünü olan Azərbaycan 25 ildən artıq müddətdə bu problemin öhdəsindən təkbaşına, başqa dövlətlərin dəstəyi olmadan gəlir”.
Aureliya Qriqoriunun fikrincə, Azərbaycan keçmiş sovet məkanındakı ölkələr arasında yeganə dövlətdir ki, orada əhalinin sabit artımı qeyd edilir, milli, etnik və ya irqi mənsubiyyətindən, ünsiyyət dilindən və dini etiqadından asılı olmayaraq ölkənin bütün sakinləri özlərini bu cəmiyyətin bərabərhüquqlu üzvləri kimi hiss edirlər.Moldova İctimai Palatasının sədri, tanınmış hüquqşünas Aureliya Qriqoriu vurğulayıb: “Təsadüfi deyildir ki, Avstraliya, Kanada, Argentina və İsveç kimi ölkələrlə yanaşı Azərbaycan da dünyada ən tolerant ölkələrin ilk beşliyinə daxil edilib. Azərbaycan haqlı olaraq dini tolerantlıq nümunəsi hesab edilir. Tolerantlığın səviyyəsinə görə Azərbaycan nəinki Aşıya ölkələrini, həmçinin Avropa dövlətlərinin əksəriyyətini qabaqlayıb. Əhalisinin 95 faizi müsəlmanlar olan bu ölkə başqa konfessiyalara və millətlərə mənsub insanların dinc və rahat yaşamasını təmin etməyə nail olub, Avropa parlamenti və dünya səviyyəsində təriflənib, birinci Avropa oyunlarına, “Eurovision” mahnı müsabiqəsinə, beynəlxalq humanitar forumlara və dünya miqyaslı digər çoxsaylı tədbirlərə ev sahibliyi edib. Bu gün Azərbaycan tolerantlıq modeli həm islam dünyası, həm də Avropa üçün nümunə sayılır, bu model çoxsaylı beynəlxalq konfranslarda və forumlarda fəal müzakirə edilir. Bu il Bakıda BMT Sivilizasiyalar Alyansının 7-ci qlobal forumu keçirilib. Belə bir forumun bu ölkədə keçirilməsi Azərbaycanın tolerantlıq və multikulturalizm siyasətinin dünya səviyyəsində tanınmasını təsdiq edir. Sentyabr ayında Bakıda keçiriləcək Qlobal Forumda müasir dünya problemləri müzakirə olunacaq, o cümlədən Azərbaycan multikulturalizm modeli təqdim ediləcək”.
Aureliya Qriqoriunun fikrincə, dünya birliyi məhz indiki vaxtda Azərbaycanın ərazi bütövlüyünü təkidlə dəstəkləyə, BMT-nin Dağlıq Qarabağa dair qəbul etdiyi dörd qətnamənin hamısının Ermənistan tərəfindən dərhal yerinə yetirilməsini və Ermənistan silahlı qüvvələrinin Azərbaycan ərazisindən dərhal çıxarılmasını tələb edə bilər. Qriqoriu deyib: “Möhtərəm Orden Kavalerləri, sizi Azərbaycanın Xocalı şəhərində törədilmiş soyqırım aktını tanımağa çağırıram. Həmin şəhərdə bir gecədə - 1992-ci il fevralın 25-dən 26-a keçən gecə erməni işğalı nəticəsində 613 nəfər, o cümlədən 63 uşaq, 106 qadın və 70 qoca qətlə yetirilib. Bundan əlavə, 1275 azərbaycanlı girov götürülüb. Bu insanların məruz qaldığı işgəncələrin yeganə səbəbi o idi ki, onlar azərbaycanlıdırlar. Mütərəqqi bəşəriyyət Xocalıya münasibətdə ədaləti bərpa etməyə borcludur. Xocalıya ədalət!”.Moldova İctimai Palatasının sədri, məşhur hüquqşünas Aureliya Qriqoriu çıxışını bu sözlərlə tamamlayıb: “Malta Ordeni Azərbaycanı dəstəkləyən qətnamə qəbul etməklə ərazi bütövlüyü, insan hüquqlarına riayət edilməsi, beynəlxalq hüquq prinsiplərinin dönmədən həyata keçirilməsi məsələsində fəal və dəqiq mövqeyini bir daha nümayiş etdirir”.
 
Tural




 
Bölməyə aid digər xəbərlər
12.11.2018
Aİ nümayəndəsi: Azərbaycan yaxın zamanlarda insan kapitalının artırılmasına və inkişafına nail olacaq
12.11.2018
KİV-ləri Qərbdəki ayrı-ayrı qüvvələrin maraqlarına tabe etdirməyə çalışanlar...
12.11.2018
Lukaşenko: “Bizim qapılar Azərbaycan üçün açıqdır”
12.11.2018
“Ümid edirik, Paşinyan anlayır ki, Paris Sülh Forumundakı çıxışı Ermənistanın xarici siyasəti ilə tamamilə ziddir”
12.11.2018
MDR kanalı: Almaniyadakı erməni mafiyası bütün ölkə ərazisinə səpələnib

Şərh əlavə olunmayıb



    ,    
Tural Tağıyev
Namiq Əliyev
Namiq Əliyev
Mehriban Nəsib
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10458

1 İncəsənət dünyaya sülh gətirir
2 İsveçdə Skandinaviya Azərbaycanlılarının Koordinasiya Şurası yaradılıb
3 “Universitet müəllimi 30-40 il əvvəl qazandığı bilik və metodlarla auditoriyaya girməməlidir”
4 “Universitetlərdə rəhbər şəxslərin qapıları tələbələr üçün daim açıq olur”
5 Polşalı şagirdlər Azərbaycan nağıllarına illüsturasiyalar çəkiblər


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info