“Azərbaycanın ərazi bütövlüyü danışıqlar mövzusu və ya kompromis elementi ola bilməz”
Tarix: 02.07.2016 | Saat: 00:35:00 | E-mail | Çapa göndər


“Azərbaycanın ərazi bütövlüyü danışıqlar mövzusu və ya kompromis elementi ola bilməz və olmayacaq. Bizim heç bir üzv dövlətə qarşı ərazi iddiamız yoxdur, biz BMT Nizamnaməsi, Helsinki Yekun Aktı və BMT Təhlükəsizlik Şurasının 4 müvafiq qətnamələri əsasında qanuni olaraq bizə məxsus olanı tələb edirik”.
Bu barədə Azərbaycanın ATƏT yanında Daimi Nümayəndəliyinin ATƏT-in təhlükəsizlik məsələləri ilə bağlı illik icmal konfransı çərçivəsində “ATƏT məkanında münaqişə vəziyyətləri” mövzusundakı işçi sessiyaya ünvanlanmış bəyanatında deyilir. Bəyanatda qeyd edilir ki, Vyana və Sankt-Peterburqda baş tutan son yüksək səviyyəli toplantılar Ermənistan-Azərbaycan münaqişəsinin sülh yolu ilə həlli istiqamətində yaxşı imkan yaradıb: “Danışıqların müsbət atmosferdə keçməsini alqışlayırıq. Münaqişənin sülh yolu ilə həllinə nail olmaq üçün substantiv danışıqların təxirə salınmadan yenilənməsi vacib əhəmiyyət kəsb edir. Substantiv danışıqlardakı irəliləyiş "status-kvo"nun dəyişilməsi istiqamətində arzulanan uğura gətirib çıxara bilər. Erməni işğalçı qüvvələrinin dərhal çıxarılması regiondakı dinamikanı dəyişəcək, region xalqları üçün faydalı olan münasibətlərin normallaşmasına yol açacaq. Substantiv danışıqların yenilənməsi üçün hər hansı ilkin şərt sülh prosesinə ciddi zərbədir və son yüksək səviyyəli müzakirələr nəticəsində əldə edilmiş nailiyyətləri zəiflədir”. Bəyanatda bildirilib ki, Azərbaycan torpaqlarının işğal altında saxlanması Helsinki Yekun Aktında əksini tapan prinsiplərlə üst-üstə düşmür və işğala dərhal son qoyulmalıdır: “Azərbaycan təcavüzün qurbanı olaraq münaqişənin tez bir zamanda həllində ən çox maraqlı olan tərəfdir. Bizim ATƏT-in Minsk qrupu çərçivəsində aparılan danışıqlarda iştirakımız münaqişənin sülh yolu ilə həllinə sadiqliyimizi göstərən aydın işarədir. Eyni zamanda, uzunmüddətli həllə gətirib çıxaracaq effektiv prosesin tərəfdarıyıq”. Bəyanatda qeyd edilir ki, Helsinki Yekun Aktında yer alan suverenlik, ərazi bütövlüyü və beynəlxalq səviyyədə tanınmış sərhədlərin toxunulmazlığı kimi prinsiplərin pozulması Avropa təhlükəsizliyi böhranının əsas səbəblərindən biridir: “Bütün həlli uzadılmış münaqişələrə münasibətdə eyni prinsipial mövqenin sərgilənməməsi, Helsinki Yekun Aktının prinsiplərinə selektiv yanaşma və mahiyyətinin təhrif edilməsi etimadı zəiflədib. Gücdən istifadə hallarının artması, habelə beynəlxalq səviyyədə tanınmış sərhədlərin qorunmasının təmin olunmaması Avropa təhlükəsizliyinə ciddi təhdid yaradır”. Bəyanatda bildirilir ki, ATƏT məkanındakı hərbi-siyasi və iqtisadi bloklar arasındakı rəqabət Avropa təhlükəsizlik mühitinə ciddi təsir edir: “Təşkilatı rəqabət aparan siyasi-hərbi qruplaşmaların meydanına çevirmək cəhdləri narahatlıq doğurur. Bu cür rəqabət ATƏT məkanının bölünməzliyi məsələsini sual altına qoyur. Ona görə də Azərbaycan ATƏT-in sülh və təhlükəsizliyin qorunması sahəsindəki mərkəzi rolunun qorunması və gücləndirilməsinin qəti tərəfdarıdır. Azərbaycan inanır ki, hazırkı böhrandan yeganə çıxış yolu Helsinki Yekun Aktında əksini tapan prinsiplərə qeyd-şərtsiz hörmətin bərpa edilməsidir. ATƏT-in bütün öhdəlikləri üzv dövlətlərə münasibətdə hər hansı istisna, ikili standart, coğrafiya və digər amillərdən asılı olmayaraq, eyni qaydada tətbiq edilməlidir”. Sənəddə, həmçinin qeyd edilib ki, Azərbaycan ATƏT-ə üzv dövlətlərlə Avropa təhlükəsizliyi problemlərinə davamlı həll yolları tapmaq üçün açıq və səmimi dialoqa hazırdır.





 
Bölməyə aid digər xəbərlər
17.01.2019
Ukraynada yaşayan azərbaycanlı prezidentliyə namizədlik üçün sənədlərini MSK-ya təqdim edib
16.01.2019
Ahmet Gencehan Babiş: “Türkiyənin Azərbaycanın razı olmayacağı bir işdə olması mümkün deyil”
16.01.2019
Aleksandr Duqin: Rusiya Azərbaycanla daha çox yaxınlaşır
16.01.2019
İdarəetmədə sistemli islahatlar: struktur yeniliklərində növbəti mərhələ
16.01.2019
XİN Azərbaycan və Ermənistan xarici işlər nazirlərinin Paris görüşünə dair açıqlama yayıb

Şərh əlavə olunmayıb

    ,    
Namiq Əliyev
Namiq Əliyev
Tural Tağıyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10562

1 Xocalı tarixi və mədəniyyəti
2 Ukraynada oxucuların rəğbətini qazanan azərbaycanlı yazıçı
3 Struktur dəyişiklikləri dövlət idarəçiliyinin təkmilləşdirilməsini nəzərdə tutur
4 Azərbaycanın qonşu ölkələrlə əlaqələri yüksək səviyyədədir
5 Çingiz Bayramov: “Azərbaycan bölgənin inkişaf etmiş ölkəsinə çevrilib”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info