BANM-də “Bərpaolunan enerji: çağırışlar və perspektivlər”
Tarix: 04.07.2016 | Saat: 18:09:00 | E-mail | Çapa göndər


Bakı Ali Neft Məktəbinin rektoru Elmar Qasımovun əmri ilə bərpaolunan enerji mühəndisliyi sahəsində müasir biliklərin yayılması və mütəxəssislər arasında informasiya mübadiləsinin təşkili məqsədilə yaradılmış daimi fəaliyyət göstərən “Bərpaolunan enerji: çağırışlar və perspektivlər” mövzusunda seminar öz işinə başlayıb.
Seminar ali məktəbdə fəaliyyət göstərən Bərpaolunan enerji mühəndisliyi üzrə tədris və tədqiqat mərkəzi ilə sıx əlaqədə fəaliyyət göstərəcək və Azərbaycandakı və xaricdəki müvafiq profilli elm, təhsil və istehsalat müəssisələrinin mütəxəssislərini bir araya gətirən platforma rolunu oynayacaq.
Bakı Ali Neft Məktəbinin rektorunun əmri ilə Neft-qaz mühəndisliyi kafedrasının professoru, fizika-riyaziyyat elmləri doktoru Siyavuş Azakov seminarın elmi rəhbəri təyin olunub. Seminarın ilk iclası iyun ayının 30-da keçirilib. İclasda Bakı Ali Neft Məktəbinin professor-müəllim heyəti, “Kimya mühəndisliyi” ixtisası üzrə təhsil alan seçilmiş 3 tələbəsi, elm, təhsil və istehsalat müəssisələrinin mütəxəssisləri iştirak ediblər. İclasda Azərbaycan Milli Elmlər Akademiyasının Radiasiya Problemləri İnstitutunun şöbə müdiri, professor Rəhim Mədətovun “Laylı yarımkeçirici monokristalların alınması, elektrofiziki, fotoelektrik və optik xassələrinin tədqiqi və onların tətbiq  imkanlarının araşdırılması” mövzusunda təqdim etdiyi məruzəsi dinlənilib. Daha sonra BANM-in “Kimya mühəndisliyi” ixtisası üzrə təhsil alan 3-cü kurs tələbəsi Samirə Məmmədova “Fotovoltaik 2016-cı ildə” mövzusunda məruzə ilə çıxış edib.
Sonda təqdim olunan məruzələr ətrafında müzakirələr və fikir mübadiləsi aparılıb. İştirakçılar müxtəlif mövzular üzrə müzakirələrin ayda bir dəfə olmaqla təşkili haqqında razılığa gəliblər.
Seminarın iclasları onun işinə cəlb olunacaq mütəxəssislərin təklifləri və təqdim edəcəkləri məruzələrin mövzuları nəzərə alınmaqla təşkil olacaq və orada təqdim edilən və müzakirəyə çıxarılan məsələlər ətrafında sərbəst və açıq diskussiya aparılması üçün hər cür şərait yaradılacaq.
Bu iclaslarda Bərpaolunan enerji mənbələrindən istifadənin qanunvericilik əsaslarından başlayaraq, dünya təcrübəsi, Azərbaycan reallıqları, bu mənbələrdən istifadə üçün istifadə edilən texnika, texnologiya, materiallar, proqram təminatı, ekoloji və iqtisadi aspektlər kimi məsələlər müzakirəyə çıxarılacaq. Müasir enerjiqoruyucu texnologiyaların təbliğinə seminarın işində xüsusi diqqət yetiriləcək.
Təşkilatçılar seminarın işində profilli strukturların və ayrı-ayrı mütəxəssislərin geniş iştirakında maraqlıdırlar.
Seminarın iclaslarında məruzəçi və ya dinləyici kimi iştirak etmək istəyənlərdən xahiş olunur ki, özləri haqqında tam məlumatları (soyadı, adı, atasının adı, təhsili, elmi adı, elmi dərəcəsi, işlədiyi təşkilat, tutduğu vəzifə, hansı statusda seminarın işinə qoşulmaq istəyi, seminarın iclaslarının onun üçün məqbul olan vaxtı, elektron poçt ünvanı, iş və mobil telefon nömrələri) aşağıdakı elektron poçt ünvanına göndərsinlər: azakov_s@hotmail.com

Nigar




 
Bölməyə aid digər xəbərlər
19.10.2019
“Gün işığının oğurlandığı” hər günə görə 1000 avro cərimə
19.10.2019
Bakıda Ümumdünya Çörək Gününə həsr olunmuş müsabiqə keçirilib
19.10.2019
Azərbaycan diplomatik xidmətinin 100 illiyi ilə əlaqədar Nur-Sultanda xiyaban açılıb
19.10.2019
Əli Həsənov: Radikal müxalifətin ikinci oktyabr iflası
19.10.2019
Barselonada gərgin vəziyyət davam edir

Şərh əlavə olunmayıb

    ,    
Namiq Əliyev
Namiq Əliyev
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10922

1 Prezident: Gələn ilin büdcəsi həm sosial, həm investisiya yönümlü olmalıdır
2 Vasim Məmmədəliyev vəfat edib
3 Gələn il əmək pensiyaları bir daha artırılacaq
4 “Xoşbəxtlikdən, Azərbaycanın qolu sayılmadı“
5 “Zəngəzurun Ermənistana birləşdirilməsi böyük Türk Dünyasını parçaladı”


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info