Qubalı gənc rəssamlar Rio-2016-ya dəstək nümayiş etdirib
Tarix: 08.07.2016 | Saat: 15:03:00 | E-mail | Çapa göndər


Quba şəhər Gənclər Mərkəzində “Olimpiya oyunları gənc istedadların təxəyyülündə” devizi ilə istedadlı gənc rəssamların əl işlərindən ibarət sərgi təşkil olunub.
Sərgi Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə vəsaiti ilə “Yurd” Gənclərin İntellektual İnkişafına Dəstək İctimai Birliyi tərəfindən icra edilən “Olimpiya mükafatçıları milli sərvətimizdir!-Rio-2016-ya ictimai dəstək” layihəsi çərçivəsində keçirilib.
Sərginin açılış mərasimində qeyd olunub ki, layihənin əsas məqsədi region gəncləri arasında idmana olan marağın artırılması, ölkəmizin idman nailiyyətlərinin gənc nəsil arasında təbliğ edilməsi və avqust ayında Braziliyanın Rio-de-Janeyro şəhərindəki start götürəcək olimpiya oyunlarında idmançılarımıza ictimai dəstəyin verilməsidir.
Sərgidə Quba rayonundan olan 76 rəssamın 82 əl işi nümayiş etdirilib.
Münsiflər heyətinin qərarına əsasən sərgi iştirakçıları arasından seçilən qaliblərə diplomlar təqdim olunub. Amsar kənd sakini Lamiyə Babayeva, Ağbil kənd sakini Nərmin Sultanova, Zərdabi qəsəbə sakini Murad Hacıyev, Quba şəhər sakini Fəridə Həşimova və Nərmin Kərimova ən yaxşı əl işlərinin müəllifləri kimi mükafatlandırılıblar.
Qalib və mükafatçılara layihə çərçivəsində hazırlanmış xüsusi bukletlər və “Azərbaycan idmançıları olimpiadalarda” adlı statistik məlumatların əks olunduğu kitabça təqdim olunub.
Layihə çərçivəsində bu günə qədər “Kim sevirsə idmanı, poladdan olar canı” devizi altında Quba rayonunun Püstəqasım kəndində stolüstü tennis, Dağlı kəndində qızlar arasında voleybol, Qaraçay kəndində isə oğlanlar arasında 3*3 basketbol növü üzrə idman yarışları, Qımılqışlaq, Talabıqışlaq, Afurca və Rustov kəndlərində isə “Olimpiya intellekt kuboku” adı altında intellektual oyunlar keçirilib.
Təhminə




 
Bölməyə aid digər xəbərlər
19.01.2019
Bakı Şəhər Baş Polis İdarəsi paytaxtda keçirilən mitinqlə bağlı məlumat yayıb
18.01.2019
“Bakcell” və “Hesab.az” avtomatik ödəniş funksiyasını təqdim edib
18.01.2019
“ASAN xidmət” müvafiq dövlət xidmətlərinin alternativsiz formada həyata keçirildiyi vahid məkana çevrilir
18.01.2019
20 yanvar günü bu küçələrdə hərəkət tam məhdudlaşdırılacaq
18.01.2019
Sədərək uğrunda gedən qeyri-bərabər döyüşdə yurd sevgisi qalib gəldi

Şərh əlavə olunmayıb

    ,    
Namiq Əliyev
Namiq Əliyev
Tural Tağıyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10565

1 Ukraynada oxucuların rəğbətini qazanan azərbaycanlı yazıçı
2 Struktur dəyişiklikləri dövlət idarəçiliyinin təkmilləşdirilməsini nəzərdə tutur
3 Hüseyn Babayev AAF-ın vitse-prezidenti təyin edilib
4 Dərslər təxirə salındı
5 Nikola Sarkozi: “Bakıda böyük quruculuq işlərinin şahidi oldum”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info