“Bakıda özünüzü Fransadakı kimi hiss edəcəksiniz”
Tarix: 11.07.2016 | Saat: 17:41:00 | E-mail | Çapa göndər


Futbol üzrə Avropa çempionatının final oyunu ərəfəsində Parisdə Azərbaycan Mədəniyyət Mərkəzində SOCAR-ın təşkilatçılığı ilə qəbul keçirilib.Dövlət Neft Şirkətinin saytında yer alan məlumata görə, mərasimdə SOCAR-ın prezidenti Rövnəq Abdullayev, sərmayələr və marketinq üzrə vitse-prezidenti Elşad Nəsirov, Azərbaycanın Fransadakı səfiri Elçin Əmirbəyov, Parisin 7-ci rayonunun meri Raşida Dati, Fransa Şəhər, Gənclər və İdman Nazirliyinin idman üzrə dövlət katibi Tyeri Brayar, FİFA-nın prezidenti Canni İnfantino, UEFA və müxtəlif ölkələrin futbol federasiyalarının rəhbərləri, digər rəsmi şəxslər, eləcə də dünya futbol ulduzları və futbol ictimaiyyətinin təmsilçiləri iştirak ediblər.Səfir Elçin Əmirbəyov qonaqları salamlayıb, futbol üzrə Avropa Kuboku yarışlarında UEFA-nın rəsmi tərəfdaşı olan SOCAR-ın futbolun inkişafı istiqamətində fəaliyyətini xüsusi qeyd edib.R.Abdullayev tədbirdə çıxış edərək, şirkətin üzərinə düşən vəzifənin öhdəsindən müvəffəqiyyətlə gəldiyini diqqətə çatdırıb, Avropa Kuboku yarışlarının təşkilinə görə UEFA menecerlərinə, eləcə də Fransa hökumətinə təşəkkürünü bildirib. SOCAR prezidenti futbol ailəsi üzvlərinin əl-ələ verib gələcəkdə daha böyük nailiyyətlər qazanacağına əmin olduğunu vurğulayıb.Parisin 7-ci rayonunun meri R.Dati sponsorluğuna və tərəfdaşlığına görə SOCAR-a təşəkkür edib, fürsətdən istifadə edərək Azərbaycana dəstəyini bir daha vurğulamaq istədiyini söyləyib. O qeyd edib ki, Azərbaycan və Fransa arasında yüksək səviyyəli tarixi, dərin və möhkəm dostluq əlaqələri mövcuddur və bu münasibətlər daha da inkişaf edir. R.Dati mərasimdə iştirak edən Fransa deputatlarının Azərbaycanı dəstəklədiklərini bildirib, daim Azərbaycanın yanında olduqlarını vurğulayıb.Sonra Fransa Şəhər, Gənclər və İdman Nazirliyinin idman üzrə dövlət katibi T.Brayar çıxışında Azərbaycan və Fransa, SOCAR və FİFA arasında olan münasibətlərin daha da dərinləşməsinə çalışdığını qeyd edib, Avropa Kuboku yarışlarının ən yüksək səviyyədə təşkili, bütün oyun zonalarında təhlükəsizliyin təmin edilməsi və oyunların xoş təəssüratlarla yadda qalması üçün Fransanın əlindən gələni etdiyini deyib. O, “Bakı 2015” Avropa Oyunlarının çox yüksək səviyyədə təşkil edilməsinin şahidi olduğunu və ölkəmizin beynəlxalq tədbirlərin təşkilində böyük təcrübəyə və iradəyə malik olduğunu vurğulayıb.
Sonda FİFA-nın prezidenti C.İnfantino Avropa Kuboku yarışlarının təşkilatçılarına və SOCAR-a tərəfdaşlığa görə təşəkkür edib. O, Parisdə Azərbaycan qonaqpərvərliyinin şahidi olan mərasim iştirakçılarını 2020-ci ildə ölkəmizdə keçiriləcək “Avro-2020” futbol yarışlarına dəvət edib, onları əmin edib ki, Bakıda özlərini Fransadakı kimi hiss edəcəklər.
Tural




 
Bölməyə aid digər xəbərlər
22.09.2018
Rüstəm Orucov 1/32 finalda rəqibinə ipponla qalib gəlib
22.09.2018
Yaponiyalı bacı-qardaşın qələbə sevinci
21.09.2018
Messi UEFA Çempionlar Liqasında həftənin futbolçusu seçilib
21.09.2018
Makqreqor Nurmaqomedovu qorxaq adlandırıb
21.09.2018
Azərbaycanda həndbolun inkişafına kömək göstərməyə hazırıq

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10129

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Krivoy Roqdakı soydaşlarımız festivala hazırlaşırlar
4 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”
5 QHT sədri Ukraynadakı “Qafqaz“ xalq rəqs ansamblına milli geyimlər hədiyyə edib


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info