Mingəçevirdə yüngül sənaye müəssisələri yaradılacaq
Tarix: 12.07.2016 | Saat: 21:38:00 | E-mail | Çapa göndər


Mingəçevir şəhərində sənaye potensialının artırılması, müasir infrastruktur və istehsal müəssisələrinin yaradılması, həmçinin yeni iş yerlərinin açılması istiqamətində işlər davam etdirilir.
AZƏRTAC xəbər verir ki, Mingəçevir Sənaye Parkının yaradılması ilə bağlı görülən işlər bu istiqamətdə atılan ən mühüm addımlardan biridir. Artıq bununla bağlı lazımi tədbirlər görülür. Prezident İlham Əliyev iyulun 10-da Nazirlər Kabinetinin 2016-cı ilin birinci yarısının sosial-iqtisadi inkişafının yekunlarına və qarşıda duran vəzifələrə həsr olunan iclasında deyib: “Bu il Mingəçevir şəhərində yüngül sənaye kompleksinin təməli qoyulmalıdır. Bu, Mingəçevirdə işsizlik problemlərinin həllinə çox müsbət təsir göstərəcək və biz çox böyük, yeni sənaye mərkəzini yaradacağıq. Mingəçevirdə bir neçə böyük sənaye müəssisəsinin tikintisi nəzərdə tutulur. Burada da yüngül sənaye inkişaf edəcək. Yaxın zamanlarda minlərlə iş yeri açılacaqdır. İlk növbədə bu müəssisələrin inşası zamanı və ondan sonra həmin müəssisələrdə işləyəcək insanların sayı minlərlə ölçüləcək. Beləliklə, biz yeni sənaye mərkəzi yaradacağıq və insanları işlə təmin edəcəyik. Bu ilin sonuna qədər artıq birinci müəssisənin təməl daşı qoyulmalıdır və əminəm ki, qoyulacaqdır”.
Mingəçevir Sənaye Parkında yeni istehsal müəssisələrinin inşasına hazırlıq işləri görülür
AZƏRTAC-ın müxbiri bu istiqamətdə görüləcək işlərlə maraqlanıb. Mingəçevir Şəhər İcra Hakimiyyətindən bildiriblər ki, bununla əlaqədar şəhərdəki köhnə toxuculuq fabrikinin 14,8 hektar ərazisi Mingəçevir Sənaye Parkına verilib. Həmin fabrikin ərazisində aparılan söküntü işləri başa çatdırılıb və yeni istehsal müəssisələrinin inşasına hazırlıq tədbirləri görülür. Bunun ardınca ərazidə yüngül sənaye müəssisələrinin yaradılmasına başlanılacaq. Həmin sənaye kompleksində rəqabət qabiliyyətli məhsulların istehsalı planlaşdırılır. Mingəçevir Sənaye Parkında mahlıc, iplik, toxuculuq, boyama, tikiş və digər sahələr üzrə müəssisələr yaradılacaq. İstehsal obyektlərində 2 mindən çox insan işlə təmin olunacaq. Yaradılacaq müəssisələrin ilkin dəyəri 100 milyon manatdır və bu layihələrin müəyyən hissəsi İqtisadiyyat Nazirliyinin Sahibkarlığa Kömək Milli Fondunun vasitəsilə dövlətin güzəştli kreditləri hesabına maliyyələşdiriləcək.
Yüksək Texnologiyalar Parkında innovativ məhsullar və yüksək texnologiyalar hazırlanacaq
Bundan başqa, Mingəçevirdə iqtisadiyyatın inkişafı ilə bağlı mühüm əhəmiyyət kəsb edən tədbirlər sırasında Yüksək Texnologiyalar Parkının yaradılması layihəsi də var. Mingəçevir şəhərində 1,3 hektar ərazidə qurulacaq parkda innovativ məhsulların və yüksək texnologiyaların hazırlanması, işlənməsi və ya təkmilləşdirilməsi məqsədilə elmi tədqiqatların və təcrübə-konstruktor işlərinin aparılması, eyni zamanda, onların nəticələrinin tətbiqi mümkün olacaq. Görülən işlər Mingəçevirdə sahibkarlıq təşəbbüslərinin dəstəklənməsinə, müasir infrastruktur və istehsal müəssisələrinin yaradılmasına, eyni zamanda, yeni iş yerlərinin açılmasına və əhalinin həyat səviyyəsinin yaxşılaşdırılmasına xidmət edəcək.




 
Bölməyə aid digər xəbərlər
12.11.2018
Azərbaycan dünyanın 25-ə yaxın ölkəsinə fındıq məhsulu ixrac edir
12.11.2018
AQTA-da meyvə-tərəvəz istehsalı və ixracatı ilə məşğul olan sahibkarlarla görüş keçirilib
12.11.2018
Azərbaycan Şəkər İstehsalat Birliyindən iqtisadiyyata daha bir töhfə
12.11.2018
Bakı rusiyalı turistlərin şopinqi üçün ən yaxşı şəhərdir
12.11.2018
Prezident Elektron Hökumətin İnkişafı Mərkəzinin inzibati binasının açılışında iştirak edib

Şərh əlavə olunmayıb



    ,    
Tural Tağıyev
Namiq Əliyev
Namiq Əliyev
Mehriban Nəsib
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10456

1 İncəsənət dünyaya sülh gətirir
2 İsveçdə Skandinaviya Azərbaycanlılarının Koordinasiya Şurası yaradılıb
3 “Universitet müəllimi 30-40 il əvvəl qazandığı bilik və metodlarla auditoriyaya girməməlidir”
4 “Universitetlərdə rəhbər şəxslərin qapıları tələbələr üçün daim açıq olur”
5 Polşalı şagirdlər Azərbaycan nağıllarına illüsturasiyalar çəkiblər


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info