Britaniya hökuməti: “Ölkə selə, güclü istilərə və ərzaq qıtlığına hazır olmalıdır”
Tarix: 12.07.2016 | Saat: 23:42:00 | E-mail | Çapa göndər


“İndependent”:
“Birləşmiş Krallıqda ərzaq qiymətləri arta bilər”

Son zamanlara qədər Avropanın və dünyanın ən sabit və firavan dövlətlərindən olan, dünyada ən sabit valyutalardan birinə sahib Böyük Britaniyada Avropa Birliyindən çıxmağı şərtləndirən referendum sonrası ciddi narahatlıqlar yaşanmaqdadır. Müxtəlif beyin mərkəzləri tərəfindən ölkənin ciddi risklər və böhran təhlükələri ilə üzləşəcəyi indiyə qədər AB-dən çıxma - Brekzitlə bağlı da bildirilirdi. Buraya iqtisadi-siyasi və sosial böhranlar aid edilirdi.

İndi isə Britaniya hökumətinin özü ölkəni gözləyən risklərlə bağlı dilə gəlib. Hökumət bu barədə məruzə ilə çıxış edib. Bununla belə, bir qədər başqa formada. Belə ki, Britaniya hökuməti ölkənin üzləşə biləcəyi böhranları və qıtlığı bir qədər qlobal faktorlarla, ekstremal hava şəraiti və iqlim dəyişikliyi ilə izah etməyə çalışıb. İndiyə qədər Brekzit və digər ictimai-siyasi proseslər nəticəsində Britaniyanın üzləşə biləcəyi risklər və məhrumiyyətlər, bu yolla hökumətin özü tərəfindən özünəxas tərzdə çatdırılır. Belə ki, Britaniya hökuməti əhaliyə sel, güclü istilər və ərzaq qıtlığı ilə bağlı xəbərdarlıq edib. Ölkənin media qurumu olan “İndependent” yazır ki, hökumət əhalini bu cür fəlakətlərə qarşı hazır olmağa çağırıb və bildirib ki, ölkədə sel, güclü istilər və ərzaq qıtlığı böhranı ola bilər. Bununla bağlı hökumətin məruzəsində o da bildirilir ki, quraqlıqlar və tufanlar kənd təsərrüfatını dağıdacağı təqdirdə, Birləşmiş Krallığın ərzaq tədarükü ciddi risklə üzləşə bilər: “Bununla bağlı gücləndirilmiş tədbirlər görülməlidir ki, Britaniyanı daşqınlardan, ölümcül istilərdən, su qıtlığından və beynəlxalq ərzaq qıtlığı şəraitindən xilas etsin. Dünyada gedən istiləşmənin nəticəsi olaraq planetdə bu məsələlərlə bağlı risklər getdikcə artmaqdadır”.
“İqlim Dəyişikliyi Riskinin Qiymətləndirilməsi” məruzəsini yazan əsas alim Lord Krebs vurğulayıb ki, iqlim dəyişikliyinə qarşı əsas cavabın istilik qazlarının azaldılması olmasına şübhə olmamalıdır. Amma o, əlavə edib ki, “atmosferə sovrulan tullantılara görə baş verən qaçılmaz dəyişikliklərə qarşı hazır olmaq həlledicidir”. Britaniya hökumətinin məruzəsini şərh edən bu amerikalı alim bildirib ki, indi iqlim dəyişikliyi o qədər sürətlə baş verir ki, insanlar ekstremal hava şəraitini öz gözlərilə aydın şəkildə görür və dəriləri üzərində hiss edirlər.
İqlim Dəyişikliyi Komitəsi tərəfindən edilən məruzədə isə Britaniya hökumətinə məsləhətlər verilir və bildirilir ki, əgər dünya orta istiləşmə həddini 2C-yə qədər saxlasa belə, quraqlıqlar zamanı çaylarda 30 faiz su qıtlığı olacaq, güclü yağmurlar zamanı isə suyun kütləsi 20 faiz artmış olacaq. Cənub-Şərqi İngiltərədə isə istivurmadan ölənlərin sayı, ildə 700 nəfərdən 1000 nəfərə qədər arta bilər. 4C qlobal istiləşmə isə “adaptasiya ilə qaçılması mümkün olmayan ciddi təsirlərə” səbəb ola bilər. Bununla isə ekstremal hava hadisələrindən insanlara ciddi zərər dəyə bilər. Xüsusilə də daha həssas qruplara aid insanlar təhlükəli risklərlə üzləşəcəklər. Aqrar torpaqların 70 faizinin “qeyri-münbit” olacağı və daşqın zərərinin üçqat artacağı bildirilir. Bütün bunların nəticəsi olaraq Britaniyada ərzaq qiymətlərinin artımının risk altında qalacağı da söylənilir: “İndi ən pis şəraitə hazır olmaq zamanıdır”.
İndi izah etmək çətindir ki, sözügedən ölkədə Brekzit bu “qlobal istiləşmə”ni aktuallaşdırıb, yoxsa əhaliyə gözlənilən məhrumiyyətlərin məhz qlobal iqlim dəyişikliyi ilə bağlı olmasını həzm etdirmək daha “ağrısız” ola bilər...
Rasim Babalı





 
Bölməyə aid digər xəbərlər
14.11.2018
Mari Le Pen Makron və Merkelə qarşı: Avropa ordusu heç bir halda meydana çıxmamalıdır
14.11.2018
Fransa hökumətində Donald Trampın tənqidi tvitlərinə şərh veriblər
14.11.2018
İsrailin müdafiə naziri Aviqdor Liberman istefa verib
14.11.2018
Merkel Avropa İttifaqının öz ordusunun yaradılması tərəfdarıdır
14.11.2018
Tramp İrana görə Tereza Meyi tənqid etdi

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10469

1 “Universitetlərdə rəhbər şəxslərin qapıları tələbələr üçün daim açıq olur”
2 “Xaricdə təhsilimi davam etdirsəm, psixologiya sahəsini seçəcəyəm”
3 Polşalı şagirdlər Azərbaycan nağıllarına illüsturasiyalar çəkiblər
4 Azərbaycan turizmi Yunanıstanda təbliğ olunub
5 “Alstom” BTQ üçün ilk yük lokomotivinin Azərbaycana gətiriləcəyi tarixi açıqladı


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info