Ukraynada azərbaycanlı tələbələrin sayı artır
Tarix: 12.07.2016 | Saat: 23:56:00 | E-mail | Çapa göndər


Emil Həşimov: “Ukraynada yaşlı diaspor üzvlərimiz öz iş prinsiplərini gənc nəslə ötürə biliblər”

Müsahibimiz Emil Həşimov 1993-cü ildə Ukraynanın Xarkov şəhərində anadan olub. O, Ukraynanın Dəmir yolu İnstitutunu bitirib. Ehtiyatda olan zabitdir. Hazırda Xarkov Milli Universitetinin Hüquq fakültəsində təhsilini davam etdirir. Eyni zamanda Xarkovda məhkəmədə çalışır. Boş vaxtlarında idman və musiqi ilə məşğul olan Emil diaspor fəaliyyətində də aktivlik göstərir. Qeyd edək ki, Emilin atası Ələmdar Həşimov uzun müddət Ukraynada hüquq-mühafizə orqanlarında çalışıb. Hazırda təqaüddə olan Ələmdar müəllim də diaspor işində yaxından iştirak edir.

-Ukraynadakı Azərbaycan diaspor təşkilatları ilə əməkdaşlıq edirsizmi?
-Ukraynada, eləcə də Xarkovda bir sıra böyük və kiçik milli diaspor təşkilatları mövcuddur. Bəli, bu təşkilatların bir neçəsi ilə əməkdaşlıq edirik. Lakin mən, əgər diaspor təşkilatı sədri olsaydım, konkret bir layihə hazırlayardım. Bu layihə çərçivəsində bütün bu təşkilatları birləşdirərdim. Bundan sonra Azərbaycanı düzgün formada təmsil və təbliğ edərdim.
-Belə başa düşdüm ki, azərbaycanlılar Ukraynada lazımi səviyyədə ölkəmizi təmsil etmirlər?
-Bəzi azərbaycanlılar Ukraynada uzun müddət yaşasalar da, yerli dildə normal danışa bilmirlər...
-Soydaşlarımız rəsmi orqanlarda yetərincə təmsil olunurlarmı?
-Azərbaycanlılar Ukraynada müxtəlif rəsmi vəzifələrdə çalışırlar. Bu da Azərbaycanın müsbət imicinin formalaşmasında böyük rol oynayır.
-Uzun müddət Ukraynada yaşayan soydaşlarımız orada cəmiyyətə inteqrasiya olunublarmı?
-Təbii ki, bu məsələdə dil baryeri var. Əgər Ukrayna və ya rus dilini bilirlərsə, çox rahat şəkildə inteqrasiya olunurlar. Əgər dil problemi varsa istər-istəməz çətinliklər yaranır.
-Soydaşlarımız Xarkovda Vətəni necə yad edirlər?
- Elə azərbaycanlılar var ki, uzun müddətdir Ukraynada yaşayırlar. Amma buna baxmayaraq, onlar Xarkovda Azərbaycanın əlamətdar günləri ilə bağlı bir sıra tədbirlər keçirirlər.
-Bəs yerli xalqın azərbaycanlılara qarşı münasibəti necədir?
-Çox yaxşıdır, hətta qardaşlıq münasibəti var. Təbii ki, əsrlərlə bu münasibət var. Ukraynaya hər il azərbaycanlı tələbələr gəlir. İldən-ilə bu tələbələrin sayı artır. Başqa xalqlarla müqayisədə Ukrayna ilə Azərbaycan arasında çox sıx əlaqələr var. Xüsusən, təhsil sahəsində münasibətlər daha yaxındır.
-Azərbaycanlı tələbələr Ukraynada ölkəmizin müsbət imicini formalaşdıra bilirmi?
- Bəli, tələbələrimiz Azərbaycanı lazımi səviyyədə təmsil edirlər. Xüsusən rusdilli gənclərimiz Azərbaycan haqqında çox müsbət imic yaradıblar. Çünki onlar dil baryerini keçdiklərinə görə yerli xalqa özlərini və eləcə də ölkəmizi təqdim edə bilirlər. Düzdür, neqativ tələbələr də var. Amma bunlar çox azdır.
- Sizin təhsil aldığınız Xarkov Milli Universitetində rəhbərliyin azərbaycanlı tələbələrə qarşı münasibəti necədir?
- Universitet rəhbərliyi azərbaycanlı tələbələrə çox hörmətlə yanaşırlar.
-Ukraynada doğulan gənc azərbaycanlı olaraq Vətəndən gələn tələbələrimizə nə kimi kömək göstərə bilirsiz?
-Qeyd etdiyim kimi, Ukraynada çoxlu azərbaycanlı gənc təhsil alır. Onların hər hansı problemi olursa, əlimdən gələn köməkliyi göstərirəm.
-Yaşlı və gənc diaspor üzvləri bir-birlərini nə dərəcədə anlayırlar?
-Sovet dövründə Ukraynaya gələn azərbaycanlılar burada diasporumuzun təməlini təşkil edirlər. Onlar öz iş prinsiplərini gənc nəslə ötürə biliblər.
Fuad Hüseynzadə




 
Bölməyə aid digər xəbərlər
19.11.2018
“BANM-ın tələbələri məzun olan kimi ən yaxşı şirkətlərə işə qəbul ola bilir”
16.11.2018
“Tələbə Baharı-2018”-in mükafatçısı: “Hər gün xalq mahnılarımızı dinləyirəm”
15.11.2018
Nağdəli Zamanov: “Aşıq Şəmşir Miskin Abdalın layiqli davamçılarından biridir”
13.11.2018
“Xaricdə təhsilimi davam etdirsəm, psixologiya sahəsini seçəcəyəm”
13.11.2018
“Biz övladlarımıza Azərbaycan dilini öyrədirik ki, onlar öz milli köklərini unutmasınlar”

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10500

1 “Xaricdə təhsilimi davam etdirsəm, psixologiya sahəsini seçəcəyəm”
2 Azərbaycan turizmi Yunanıstanda təbliğ olunub
3 Davamli dil siyasəti dövlətin əsas prioritet istiqaməti kimi
4 Rufiz Qonaqov: Bako Saakyanın Fransaya qanunsuz səfəri Minsk qrupunun həmsədri olan bu ölkə üçün qara ləkədir
5 “Gedir dayanmadan zamanın köçü”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info