Naxçıvanda 226 məhdud fiziki imkanlı şəxs xaricə müalicəyə göndərilib
Tarix: 14.07.2016 | Saat: 20:14:00 | E-mail | Çapa göndər


Muxtar respublikada bu günədək 226 məhdud fiziki imkanlı şəxsin xarici ölkələrdə müalicəsi təşkil olunub. Həyata keçirilən tədbirlərin davamı olaraq sağlamlıq imkanları məhdud 5 uşaq valideynlərinin müşayiəti ilə fizioterapevtik müalicə almaq üçün Naxçıvandan Türkiyənin Dənizli şəhərində fəaliyyət göstərən Nobel Tibb Mərkəzinə göndərilib.
AZƏRTAC xəbər verir ki, Naxçıvan Beynəlxalq Hava Limanından uşaqları muxtar respublika Əmək və Əhalinin Sosial Müdafiəsi Nazirliyinin əməkdaşları, valideynlər və onların yaxınları yola salıblar.
Hava limanında müalicəyə yola düşən uşaqlarla və onların valideynləri ilə həmsöhbət olduq. Türkiyəyə övladı Qasımı və həyat yoldaşı Sülhiyyə xanımı yola salmağa gələn Naxçıvan şəhər sakini Tural Xəlilov dedi ki, 4 yaşlı oğlunun xarici ölkəyə müalicəyə göndərilməsinə görə çox sevinir. Ona görə sevinir ki, övladı Nobel Tibb Mərkəzində ənənəvi və ən müasir metodlarla fizioterapiya müalicəsi alacaq, bu kurs oğlunun səhhətində müsbətə doğru dəyişikliklər yaradacaq. O, bu işlərin təşkilatçılarına minnətdarlığını bildirib.
Balaca Qasım Xəlilovu müalicəyə yola salanlar arasında nənələri Naibə Xəlilova və Xanım İmanova da vardı. Hər iki nənənin arzusu nəvələrinin yaxşı müalicə alması, səhhətinin yaxşılaşmasıdır: “Arzu edirik ki, nəvəmizi bu müalicədən sonra əl arabasında yox, əlindən tutub evə gətirək. Bir də Allah dövlətimizin bayrağını uca eləsin. Bizim üçün zərrə qədər də olsa ümid işığı yanıbsa, bu, dövlətimizin sayəsindədir. Sağ olsunlar, var olsunlar!”
Muxtar respublikanın Ordubad rayonunun Nüsnüs kəndindən olan Tutu İsmayılova da ürək sözlərini, övladı üçün arzularını, minnətdarlıq hisslərini bizimlə bölüşdü. Dedi ki, məktəbin ikinci sinfində oxuyan Mikayılın sol qolunda pleksit (sinir iltihabı) var, qolunu istədiyi kimi hərəkət etdirə bilmir. Bundan əvvəl onlar Batumi şəhərində olublar. Ancaq o, Türkiyə Respublikasının Dənizli şəhərində fəaliyyət göstərən Nobel Tibb Mərkəzində aparılacaq müalicə kursundan çox şey gözləyir: “İnanıram ki, övladımın qolunda bu müalicə kursundan sonra əhəmiyyətli dərəcədə yaxşılaşma müşahidə edəcəyik. Övladımın səhhətinə qovuşması üçün yaradılan bu imkana görə çox minnətdaram.”
Nobel Tibb Mərkəzinə müalicə alacaq olan sağlamlıq imkanları məhdud uşaqlar 20 gün sonra Vətənə qayıdacaqlar.




 
Bölməyə aid digər xəbərlər
26.05.2019
Sabaha olan hava proqnozu açıqlanıb
26.05.2019
Gəncənin İmamzadə ziyarətgahında Heydər Əliyev Fondunun təşəbbüsü ilə iftar süfrəsi açılıb
26.05.2019
Güclü külək Qubada və Qusarda ciddi fəsadlar törədib
25.05.2019
“Azərişıq” hava şəraitinin kəskin dəyişilməsi ilə bağlı qabaqlayıcı tədbirlər görür
25.05.2019
Heydər Əliyev Fondu növbəti iftar süfrəsini Ağsuda açıb

Şərh əlavə olunmayıb

    ,    
Namiq Əliyev
Fuad HÜSEYNZADƏ
Esmira Məmmədova
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10790

1 Üç müharibə iştirakçısı olan general-mayor
2 Oqtay Zülfüqarovun uşaq mahnıları müasir aranjemanda səslənəcək
3 “İrəvan quberniyasına aid arxiv materiallarını oxuduqca hiss edirsən ki, buralar döğma torpaqlardır”
4 Erməni əsilli gimnast: Mxitaryanın yerində olsaydım, komandamla birgə Bakıya gələrdim
5 Vahid Rzayev:”Səhər gördük ki, ermənilər arxiv sənədində özlərinə sərf etməyən hissəni qayçı ilə kəsiblər”


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info