Şabranda yeni tullantı poliqonu və çeşidləmə məntəqəsi tikiləcək
Tarix: 15.07.2016 | Saat: 18:01:00 | E-mail | Çapa göndər


Azərbaycan Respublikası Prezidentinin tapşırığı ilə “Samur-Abşeron suvarma sisteminin yenidən qurulması” layihəsi çərçivəsində ilkin mərhələdə Taxtakörpü su anbarı zonasında Xızı və Siyəzən rayonlarında 10 min hektar əkin sahəsi suvarma suyu ilə təmin edilib. Şabran rayonunda isə 14 min hektara yaxın yeni suvarılacaq torpaqlarda meliorativ tədbirlərin layihə sənədlərinin hazırlanması başa çatdırılıb. Cari ildə digər rayonlar və Şabran rayonunda meliorativ işlər davam etdirilməklə 6 min 200 hektar, o cümlədən 4 min 500 hektar yeni suvarılan torpaqların istifadəyə verilməsi və 1700 hektar sahənin su təminatının yaxşılaşdırılması təmin ediləcək. Bu barədə Şabran Rayon İcra Hakimiyyəti başçısının yanında şuranın 2016-cı ilin ilk yarım ilinin yekunlarına və qarşıda duran vəzifələrə həsr olunmuş geniş iclasında məlumat verilib.Yığıncaqda rayon icra hakimiyyəti başçısı Novruz Novruzovun hesabat məruzəsi dinlənilib. Qeyd olunub ki, rayonda abadlıq işləri geniş vüsət alıb. Heydər Əliyev parkında Uşaq və Gənclər Mərkəzinin, Şəhidlər xiyabanında soyqırımı abidəsinin və Qəhrəmanlar Seyrəngahının tikintisi davam etdirilir. Şəhərin cənub girişində yeni parkın salınmasına başlanılıb.İlin birinci yarısında rayonda məhsul buraxılışının həcmi 71 milyon manat olub. Sənaye məhsulu istehsalı ötən ilin müvafiq dövründən 2 dəfə çox artaraq 11,5 milyon manata çatıb. Kənd təsərrüfatı məhsulları istehsalı isə 6,2 faiz artaraq 45 milyon manat olub. Hesabat dövründə 637 yeni iş yeri açılıb ki, onun da 613-ü daimi iş yeridir.Şura iclasında qeyd olunub ki, Şabran rayonunda Quba-Xaçmaz regionunun rayonları üçün yeni zibil və tullantı poliqonu, eləcə də çeşidləmə məntəqəsinin tikintisi nəzərdə tutulub. Artıq mütəxəssislər tərəfindən Dəvəçi bələdiyyəsinin ərazisində uyğun yer müəyyən edilib.Bildirilib ki, rayonda təhsilin maddi-texniki bazasının yaxşılaşdırılması məqsədilə 80 şagird yerlik Taxtalar ümumi orta məktəbin tikintisi davam etdirilir. Ağalıq kəndində 35 yerlik körpələr evi-uşaq bağçasının tikintisi üçün layihə smeta sənədləri hazırlanıb.
Rayonun Uzunboyad kəndində tibb məntəqəsinin, Gəndov kəndində isə kənd təsərrüfatı məhsullarının satışının təşkili üçün bazarın tikintisi artıq yekunlaşıb. Günəşli kəndində toxum təmizləmə, yem üyütmə sexinin inşası davam etdirilir.
Təbii qaz təchizatının yaxşılaşdırılması və yaşayış məntəqələrinin qazlaşdırılması ilə əlaqədar tədbirlər də mütəmadi davam etdirilir. Bu il Günəşli və Mumlu kəndlərinə təbii qazın verilməsi təmin olunub.
Şuranın iclasında idarə və təşkilatların rəhbərləri görülən işlər və qarşıda duran vəzifələrlə bağlı çıxışlar edib, bir sıra təkliflər səsləndirilib.
Tural




 
Bölməyə aid digər xəbərlər
20.01.2019
Azərbaycan İrana neft ixracını azaldıb
20.01.2019
Azərbaycan ilə Belarus arasında ticarət dövriyyəsi artıb
19.01.2019
2018-ci ildə Bakı-Supsa kəməri ilə 3,7 milyon ton neft ötürülüb
18.01.2019
Sərbəst Satış Sertifikatı sahibkarlara yeni ixrac imkanları qazandırıb
18.01.2019
Əmək və Əhalinin Sosial Müdafiəsi Nazirliyinin strukturu dəyişdirilir

Şərh əlavə olunmayıb

    ,    
Namiq Əliyev
Namiq Əliyev
Tural Tağıyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10565

1 Ukraynada oxucuların rəğbətini qazanan azərbaycanlı yazıçı
2 Struktur dəyişiklikləri dövlət idarəçiliyinin təkmilləşdirilməsini nəzərdə tutur
3 Hüseyn Babayev AAF-ın vitse-prezidenti təyin edilib
4 Dərslər təxirə salındı
5 Nikola Sarkozi: “Bakıda böyük quruculuq işlərinin şahidi oldum”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info