Azərbaycan Gürcüstana 30 kombayn göndərib
Tarix: 18.07.2016 | Saat: 17:22:00 | E-mail | Çapa göndər


Taxıl biçininə kömək etmək üçün Azərbaycandan 30-dan artıq “Klaas” və “New Holland” tipli kombaynlar Gürcüstana yola salınıb.
Bu barədə Trend-ə Kənd Təsərrüfatı Nazirliyindən məlumat verilib.
Nazirlikdən verilən məlumatda qeyd olunur ki, iyulun 14-də Azərbaycan kənd təsərrüfatı nazirinin müavini İlham Quliyev Gürcüstanın kənd təsərrüfatı nazirinin müavini İuri Nozadzenin rəhbərlik etdiyi nümayəndə heyəti ilə görüşüb. Görüşün məqsədi taxıl biçini ilə əlaqədar Gürcüstana Ölkəmizdən taxılyığan kombaynlarla kömək edilməsinin müzakirəsi olub.
Nazir müavini İ.Quliyev bildirib ki, Azərbaycanın aqrar sahədə ixrac potensialı yüksəkdir və ölkəmizdə istehsal olunan tərəvəz məhsulları Rusiya bazarlarında brend kimi tanınır və ixrac olunan məhsullara bu bazarlarda tələbat var. O qeyd edib ki, ixracın stimullaşdırılması üçün subsidiyaların tətbiqi ilə əlaqədar dövlət tərəfindən geniş tədbirlər planı həyata keçirilir və son aylarda tərəvəz məhsullarının ixracı bir neçə dəfə artıb.
Nazir müavini həmçinin qeyd edib ki, son 3 ildə Azərbaycanın kənd təsərrüfatında böyük dönüş yaranıb. Artıq dövlət pambıqçılıq, tütünçülük, baramaçılıq və çayçılığın prioritet sahə kimi inkişafına dəstək verir. Xüsusilə bu il Azərbaycanda baramaçılın inkişafında böyük nailiyyətlər əldə edilib. 1254 ailəyə pulsuz olaraq barama toxumu verilərək 70 min tondan çox məhsul əldə olunub. Bu sahəni daha da inkişaf etdirmək üçün Nazirlik tərəfindən ölkəmizdə çəkil plantasiyalarının salınması planlaşdırılır.
İ.Quliyev Azərbaycanla Gürcüstanın ticarət əlaqələrinin genişlənməsinin hər iki ölkə arasında kənd təsərrüfatı sahəsində də əməkdaşlığa öz töhfəsini verəcəyinə əminliyini bildirib.
İ.Nozadze səmimi qəbula görə təşəkkürünü bildirərək Gürcüstan kənd təsərrüfatı nazirinin Kaxeti bölgəsində taxıl biçini kampaniyasına Azərbaycandan kombaynların səfərbər olunub Gürcüstan ərazisində dislokasiya olunmasına və biçinin vaxtında, itkisiz aparılmasına köməklik göstərilməsi haqqında məktubu nazir müavininə təqdim edib.
Görüşdə taxıl biçinində iştirak etmək məqsədi ilə”Aqrolizinq” ASC-yə məxsus müasir taxıl yığan kombaynların Gürçüstana göndərilməsi ilə əlaqədar tərəflər arasında iki tərəfli niyyət protokolu və aqrotexniki xidmətlərin yerinə yetirilməsi üçün müqavilə imzalanıb.
İyulun 17-də Qazax rayonunun “Qırmızı körpü” keçid məntəqəsindən 30-dan artıq “Klaas” və “New Holland” tipli kombaynlar Gürcüstana yola salınıb. Mərasimdə Gürcüstan kənd təsərrüfatı nazirinin müavini Levan Qabutaşvili çıxış edərək, köməyə görə Azərbaycan Hökumətinə və Kənd Təsərrüfatı Nazirliyinə minnətdarlığını bildirib.
Kombaynlar 20-25 gün ərzində Gürcüstan fermerlərinə taxıl biçinində yardımçı olacaq.

Fuad




 
Bölməyə aid digər xəbərlər
20.09.2018
Ağdamda keçirilən əmək yarmarkasında 75 nəfərə işə göndəriş verilib
20.09.2018
Qafqaz Müsəlmanları İdarəsində qanvermə aksiyası keçirilib
20.09.2018
İqtisadiyyat naziri Gəncədə vətəndaşları qəbul edəcək
20.09.2018
Arıçılıqla məşğul olan şəxslərə subsidiya veriləcək
19.09.2018
Lənkəranda keçirilən humanitar aksiyada 130 nəfər könüllü qan verib

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10123

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Krivoy Roqdakı soydaşlarımız festivala hazırlaşırlar
4 “Son 15 il ərzində Azərbaycanda 3 mindən çox məktəb tikilib və əsaslı təmir edilib”
5 Ukraynada “Dünya azərbaycanlılarının palitrası” kitabının təqdimatı olub


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info