“Ermənistanla münasibətlərin normallaşması üçün Azərbaycan torpaqlarının işğalına son qoyulmalıdır”
Tarix: 26.07.2016 | Saat: 17:04:00 | E-mail | Çapa göndər


“Ermənistanla münasibətlərin normallaşmasına dair Türkiyənin mövqeyi bəllidir. Münasibətlərin normallaşmasının yolu Azərbaycan torpaqlarının işğalına son qoyulmasından keçir. Ondan sonra bunun hansı formada olacağına Azərbaycanla birlikdə qərar verərik”. 
Bunu Türkiyənin Azərbaycandakı səfiri İsmayıl Alper Coşkun “Hürriyet” qəzetinin yazarı Fatih Çekirgenin “Ermənistanla yeni müzakirə” başlıqlı məqaləsində yer alan fikirləri APA-ya şərh edərkən deyib. Səfir bildirib ki, Türkiyənin xarici işlər naziri Mövlud Çavuşoğlu iyulun 15-də Bakıda Elmar Məmmədyarovla ikitərəfli, beynəlxalq məsələlərlə yanaşı, Dağlıq Qarabağ münaqişəsi ilə bağlı prosesləri də müzakirə edib: “Mövlud Çavuşoğlu bir daha vurğuladı ki, Dağlıq Qarabağ məsələsi Azərbaycan üçün nə qədər önəmlidirsə, Türkiyə üçün o qədər önəmlidir. Türkiyə problemin Azərbaycanın ərazi bütövlüyü, sərhədlərinin toxunulmazlığı prinsipi çərçivəsində dərhal sülh yolu ilə həllində Azərbaycanla birlikdə hərəkət etməyə davam edəcək. Nazirimiz dedi ki, Azərbaycan hansı həll yolunu məqbul hesab edirsə, həmin həll yol Türkiyə üçün də məqbuldur. Ermənistanla münasibətlərə gəlincə, nazirin bununla bağlı qəti fikir bildirdiyini düşünmürəm. Azərbaycan tərəfi hər zaman bəyan edir ki,  Ermənistan Azərbaycan torpaqlarını işğal altında saxlamaqla bölgədəki bütün əməkdaşlıq fəaliyyətlərindən özünü təcrid edir. Bu işğal sona çatdıqdan, münaqişə Azərbaycanın ərazi bütövlüyü çərçivəsində həll edildikdən sonra bölgədə Ermənistanın da daxil olacağı yeni layihələrə zəmin yarana bilər. Nazirimiz də sadəcə Azərbaycanın vurğuladığı bu konstruktiv düşüncəni təkrarlayıb”. 
İsmayıl Alper Coşkun 15 iyul - hərbi çevrilişə cəhddən sonra hazırlanan və  Türkiyənin bütün telekanallarında yayımlanan reklam çarxında səslənən “ne mutlu ermeniyim diyene” ifadəsi ilə bağlı məqama da aydınlıq gətirib: “Siz haqlı olaraq, ermənilərlə bağlı hissəyə diqqət yetirirsiniz. Azərbaycan xalqı bunu bilsin ki, Ermənistanın işğalçılıq siyasəti sizi nə qədər üzür, qəzəbinizə səbəb olursa, o qədər də Türkiyəyə təsir edir. Bu, siyasi bir seçim, məcburiyyət deyil. İçimizdən gələn bir hissdir. Türkiyə ictimaiyyəti və dövlət rəhbərliyi eyni hissi keçirir. Ancaq unutmamaq lazımdır ki, hazırda Türkiyə sıxıntılı günlər yaşayır. Siz məsələyə təbii olaraq, Azərbaycanın nöqteyi-nəzərindən baxırsınız. Amma orda “sünni, şiə, kürd, erməni də olsan” deyilir. Yəni, Türkiyə Cümhuriyyətinin hərbi çevriliş cəhdi qarşısında 80 milyon insanın qurtuluş savaşında olduğu kimi bir araya gəldiyini diqqətə çatdırırlar. Kampaniyanı müdafiə etmək kimi bir öhdəliyim yoxdur. Rəsmi kampaniya da deyil. Nazirimizin sözlərinə istinadən Fatih Çekirgenin yazdığı məqalə və bu kampaniyanın ikisini birlikdə dəyərləndirmənizi anlayışla qarşılayıram. Amma bunların bir-biri ilə birbaşa əlaqəsi yoxdur. Nazirimizin bölgənin inkişafı ilə dedikləri xoşməramlı gözləntidir".
Tural




 
Bölməyə aid digər xəbərlər
14.11.2018
Xələf Xələfov Xəzər dənizi məsələləri üzrə səlahiyyətli nümayəndə təyin edilib
14.11.2018
Savelyev: “Rusiya ilə Azərbaycanın münasibətləri bu potensialın reallaşdırılmasının parlaq nümunəsidir”
14.11.2018
Bakıda MDB daxili işlər orqanlarının iclası keçirilir
14.11.2018
Dövlət Komitəsinin nümayəndə heyəti Los-Ancelesdə görüşlər keçirib
14.11.2018
Qarabağa qanunsuz səfər edən Avropa Parlamentinin üzvü Albaniyada arzuolunmaz şəxs elan olundu

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10470

1 “Xaricdə təhsilimi davam etdirsəm, psixologiya sahəsini seçəcəyəm”
2 “Universitetlərdə rəhbər şəxslərin qapıları tələbələr üçün daim açıq olur”
3 Polşalı şagirdlər Azərbaycan nağıllarına illüsturasiyalar çəkiblər
4 Azərbaycan turizmi Yunanıstanda təbliğ olunub
5 “Alstom” BTQ üçün ilk yük lokomotivinin Azərbaycana gətiriləcəyi tarixi açıqladı


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info