Gənclər siyasəti sahəsindəki təcrübəmiz əcnəbilərin marağına səbəb olub
Tarix: 26.07.2016 | Saat: 17:33:00 | E-mail | Çapa göndər


ARGTMŞ-ın sədri Seymur Hüseynov Qırğızıstan Respublikasında keçirilən Asiyada Təhlükəsizlik və Əməkdaşlıq Konfransı Təşkilatının Gənclər Şurasının iclasında iştirak edib. İclasda təşkilatın 15 üzv dövlətinin nümayəndələri, gənclər, ekspertlər və Qırğızıstan Respublikasının gənclər təşkilatlarının nümayəndələri iştirak edib.
Konfransın əsas məqsədi Asiya ölkələrində beynəlxalq gənclər əməkdaşlığı, təhlükəsizlik və dini ekstremizmin qarşısının alınmasında gənclərin cəlbi, gənclər üçün mübadilə proqramlarının genişləndirilməsi və təkmilləşdirilməsidir.
Konfrans çərçivəsində ARGTMŞ-ın sədri Seymur Hüseynov Azərbaycan gənclər siyasətinin Asiya ölkələrinin diplomatik və gənclər sektorunun nümayəndələri və ekspertlərə təqdimatını edib. Seymur Hüseynov təqdimatında ölkənin gənclər sahəsində təcrübələrini qeyd edib. Təqdimat konfrans iştirakçıları tərəfindən müsbət qarşılanıb və bir sıra ölkələr təcrübəmizi daha dərindən öyrənməyə maraq göstərib.

İclasın sonunda müzakirələr nəticəsində gəncləri keyfiyyətli və hər kəs üçün bərabər dərəcədə açıq olan təhsillə təmin etmək, gəncləri müəyyən iştirak mexanizmləri vasitəsilə yerli və milli səviyyədə qərarvericilikdə fəal iştiraka təşviq etmək, gənclərin ətraf mühit məsələlərinin müzakirəsinə fəal şəkildə tövhə verməsini təbliğ etmək, gənclərin əmək bazarına çıxışının təşkili məqsədilə onların lazımı bacarıqlarla təmin olunması və s. məsələləri əhatə edən qətnamə qəbul olunub. Qeyd edək ki, Azərbaycan tərəfindən irəli sürülmüş 10-dan çox düzəliş və əlavələr dəstəklənərək qətnamədə öz əksini tapıb.

Məlumat üçün qeyd edək ki, ölkənin ən böyük gənclər platforması olan Azərbaycan Respublikası Gənclər Təşkilatları Milli Şurası 1995-ci ildən fəaliyyət göstərir. Təşkilatın məqsədi gənclərin bilik və bacarıqlarının Azərbaycan dövlət müstəqilliyinin möhkəmlənməsinə, beynəlxalq aləmdə layiqli yer tutmasına, demokratik quruculuq işlərinə yönəltməkdir. 1997-ci ildən Avropa Gənclər Forumu, Türk Dünyası Gənclər Birliyinin tam hüquqlu üzvü, 2002-ci ildən BMT-nin İqtisadi və Sosial Şurasının məşvərətçi statuslu üzvü, İslam Konfransı Forumunun təsisçisi və tam hüquqlu üzvü, Dünya Azərbaycanlı Gənclər Birliyi, “Böyük İpək Yolu” beynəlxalq gənclər təşkilatının təsisçisi, 2014-cü ilin dekabr ayında keçirilən seçkilərdə Avropa, Asiya, Avstraliya, Afrika və Amerika qitələrindən 120 gənclər platformasını birləşdirən Dünya Gənclər Assambleyasının tamhüquqlu üzvüdür.

Fuad




 
Bölməyə aid digər xəbərlər
22.02.2019
Şəhid qazancı...
22.02.2019
Elçin Quliyev: Azərbaycan Sərhəd Mühafizəsi ən müasir döyüş texnikaları, gözətçi gəmiləri ilə təchiz olunub
22.02.2019
Baş prokuror Salyan rayonunda vətəndaşları qəbul edib
22.02.2019
“İrəli” gəncləri “Women rights are human rights” layihəsində
22.02.2019
“Kaspersky Lab”: Azərbaycanda istifadəçilərin 60%-i antivirus quraşdırmaqda maraqlı deyil

Şərh əlavə olunmayıb

    ,    
Namiq Əliyev
Namiq Əliyev
Fuad HÜSEYNZADƏ
Tural Tağıyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10615

1 Milli qəhrəmanlara və şəxsiyyətlərə hücum savaşın tərkib hissəsidir
2 Diaspor üzvləri Ümumavropa Qarabağ mitinqinə çağırış edib
3 Əsərləri dünyanın bütün elektron kitabxanalarında yer alan azərbaycanlı yazar
4 Londonda Karl Marksın məzarına növbəti dəfə vandal hücumu olub
5 1400 manat maaşla sürücü axtarılır


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info