“Türkiyə iqtisadiyyatı son hadisələrin mənfi təsirlərinə qarşı dayanıqlılıq göstərir”
Tarix: 26.07.2016 | Saat: 18:01:00 | E-mail | Çapa göndər


Türkiyədə Fətullahçı terror təşkilatının (FETÖ) dövlət çevrilişinə cəhdi Azərbaycan xalqını narahat etdi.
Bu sözləri Azərbaycanın iqtisadiyyat naziri Şahin Mustafayev Anadolu Agentliyinə müsahibəsində deyib.
Dövlət çevrilişi cəhdinin qarşısının alınması zamanı həlak olanların ailələrinə və yaxınlarına başsağlığı verən nazir deyib: “Xalqın azad iradəsinə qarşı törədilən qorxunc cinayətlərin təşkilatçıları Türkiyə xalqı və dövlətinin sərgilədiyi birlik qarşısında məğlub olaraq məqsədlərinə çata bilmədilər. Prezident İlham Əliyev də Azərbaycanın Türkiyə dövlətinin və xalqının yanında olduğunu, qardaş ölkə vətəndaşlarının demokratik yolla seçdiyi hökuməti dəstəklədiyini ifadə edib. Azərbaycan dövləti bu hadisəni dövlət çevrilişinə cəhd hesab edir və belə əməlləri şiddətlə qınayaraq, bunun yolverilməz olduğunu bəyan edib”.
Azərbaycanın Türkiyə ilə qardaşlıq və strateji tərəfdaşlıq əlaqələrinin olduğunu söyləyən Ş.Mustafayev bildirib ki, münasibətlərimizə zərrə qədər də ziyan vuracaq hər hansı addımı qəbul edə bilmərik, buna heç vaxt icazə verməyəcəyik. Azərbaycan və Türkiyə daim bir-birinin yanındadır və biz həmişə bir-birimizi dəstəkləyəcəyik.
Türkiyənin bundan sonra da investorlar üçün cəlbedici ölkə olaraq qalacağını vurğulayan nazir qeyd edib: “Türkiyə iqtisadiyyatının mövcud vəziyyəti son hadisələrin mənfi təsirlərinə qarşı dayanıqlılıq göstərir. Əminik ki, hökumət nəzərdə tutulan iqtisadi hədəflərinə çatacaq”.
Nazir Azərbaycanın və Türkiyənin böyük enerji və nəqliyyat layihələrinin təşəbbüskarları və iştirakçıları olduğunu vurğulayaraq, iki ölkə arasındakı əlaqələrin strateji tərəfdaşlıq səviyyəsində olduğunu, ticarət və iqtisadi işbirliyinin bu möhkəm zəmin üzərində qurulduğunu qeyd edib. Bildirib ki, hər iki ölkədə mövcud olan əlverişli investisiya və biznes mühiti iqtisadi əməkdaşlığımızın genişlənməsinə töhfə verir, qarşılıqlı sərmayə qoyuluşuna münbit şərait yaradır.
Anar




 
Bölməyə aid digər xəbərlər
22.09.2018
Xüsusi Olimpiya Hərəkatı gənc liderlərin 20-ci Qolobal Forumu keçiriləcək
21.09.2018
Azərbaycanın ən sürətli mobil şəbəkəsinin adı açıqlanıb
21.09.2018
Baş prokuror Quba rayonunda vətəndaşları qəbul edib
21.09.2018
Sahil Babayev Göygöl rayonunda 4 rayon və şəhərin sakinləri ilə görüşüb
20.09.2018
Ədliyyə orqanlarına qulluğa qəbul olunan gənclər and içiblər

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10130

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Krivoy Roqdakı soydaşlarımız festivala hazırlaşırlar
4 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”
5 QHT sədri Ukraynadakı “Qafqaz“ xalq rəqs ansamblına milli geyimlər hədiyyə edib


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info