Lorens Bras: “Multikultural Azərbaycana səfərimdən böyük zövq aldım”
Tarix: 26.07.2016 | Saat: 19:47:00 | E-mail | Çapa göndər


Bakı Beynəlxalq Multikulturalizm Mərkəzi və Azərbaycan Respublikasının Prezidenti yanında Bilik Fondunun birgə təşkilatçılığı ilə keçirilən “Multikulturalizm Azərbaycanda həyat tərzi kimi: milli və dini dəyərlər” adlı III Beynəlxalq yay məktəbində iştirak etmək üçün ölkəmizə səfər etmiş Böyük Britaniyanın yəhudi icmasının idarə heyətinin üzvü, Birləşmiş Krallığın Miqrasiya və Siyasi Sığınacaq məsələləri üzrə Yüksək Tribunalının hakimi Lorens Bras Azərbaycanla bağlı minnətdarlıq dolu təəssüratlarını bölüşüb.
Bu ilin mayında Azərbaycan Respublikasının millətlərarası, multikulturalizm və dini məsələlər üzrə Dövlət müşaviri Kamal Abdullayev və Azərbaycandakı dini konfessiya rəhbərlərindən ibarət nümayəndə heyətinin Londona səfəri zamanı keçirilən görüşlərdə iştirak edən L.Bras ölkəmizdəki tolerant və multikultural mühit haqqında eşitdiklərindən təsirlənib və bunları öz gözləri ilə görmək üçün Azərbaycana səfər etmək arzusunu bildirib. Qonaq yay məktəbi müddətində Azərbaycanda şahidi olduğu multikultural mühit, dövlət-din münasibətləri, dinlərarası dialoq, xalqımızın qonaqpərvərliyi haqqında fikirlərini Azərbaycan Respublikasının millətlərarası münasibətlər, multikulturalizm və dini məsələlər üzrə Dövlət Müşavirliyi xidmətinə ünvanladığı məktubunda qeyd edib.
Lorens Bras məktubunda öz təəssüratlarını belə ifadə edib: “Mən bir neçə gün sizin ölkənizdə qonaq oldum. Göstərilən qonaqpərvərliyə görə Sizə minnətdarlığımı bildirmək istərdim.
Mən bir çox gözəl yerlərə baş çəkdim və çox maraqlı insanlarla tanış oldum. Məscid, kilsə və sinaqoqları ziyarət edən zaman buradakı etiqad azadlığından və bütün dinlərin nümayəndələrinə hökumət tərəfindən bərabər imkanlar yaradılmasından çox təsirləndim.
Bu gün dünyada baş verən neqativ hadisələr fonunda Azərbaycan digər ölkələrin nümunə götürəcəyi müsbət bir modeldir. Multikultural Azərbaycanda olmaqdan böyük zövq aldım”.
Fuad




 
Bölməyə aid digər xəbərlər
20.01.2019
20 yanvar tarixini yeni Azərbaycan tarixinin başlanğıcı kimi qəbul etmək olar
20.01.2019
Biz rusiyalılar dərdinizə şərik çıxır və bu dəhşətli faciəni xatırlayırıq
20.01.2019
Azərbaycan xalqının 20 Yanvar qəhrəmanlığı türk dünyası üçün nümunə oldu
20.01.2019
Azərbaycanda şəhid ailələrinə dövlətimiz tərəfindən yüksək diqqət və qayğı göstərilir
20.01.2019
Hicran Sadıqzadə: Biz şəhidlərin xatirəsini yad etməyə mənəvi cəhətdən borcluyuq

Şərh əlavə olunmayıb

    ,    
Namiq Əliyev
Namiq Əliyev
Tural Tağıyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10565

1 Ukraynada oxucuların rəğbətini qazanan azərbaycanlı yazıçı
2 Struktur dəyişiklikləri dövlət idarəçiliyinin təkmilləşdirilməsini nəzərdə tutur
3 Dərslər təxirə salındı
4 Nikola Sarkozi: “Bakıda böyük quruculuq işlərinin şahidi oldum”
5 Yalçın Topçu: “Türkiyə və Azərbaycan arasında ticarət daha da artacaq”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info