Rusiya Aralıq dənizində operativ hərbi gəmi birləşməsi yaradır
Tarix: 12.03.2013 | Saat: 21:32:00 | E-mail | Çapa göndər


İqor Korotçenko: “Aralıq dənizi elə yerdir ki, orada Rusiya hərbi gəmilərinin iştirakı çox vacibdir. Ona görə də biz təbii olaraq Suriyanı təslim etməyəcəyik”

«Aralıq dənizində Rusiyanın hərbi-dəniz donanmasının operativ birləşməsinin yaradılması çoxdan gözlənilən qərar idi. Onsuz da son iki ildə Rusiya donanması daimi olaraq Aralıq dənizində növbə çəkir». Bu haqda Hərbi Proqnozlaşdırma Mərkəzinin rəhbəri Anatoli Çıqanok «NovostiNK»ya verdiyi açıqlamada məlumat verib. Ekspert bildirib ki, Rusiyanın bu qərarı rəsmi Moskvanın Şərqə və Qara dənizə daha çox diqqət ayıracağını göstərir: «Rusiya ilə NATO-nun münasibətləri kifayət qədər ehtiyatlıdır. Buna baxmayaraq, Rusiya hesab edir ki, NATO Suriya ilə bağlı imzalanan sazişə sadiq qalmalıdır. Mənə elə gəlir ki, bu məsələdə ən vacib məsələ elə budur». Ekspert vurğulayıb ki, operativ birləşmə Şimal donanması, Qara dəniz donanması və ola bilsin Sakit okean donanmasındakı gəmilərdən təşkil olunsun: «Gəmilər yəqin ki, baza kimi Suriyanın Tartus limanında lövbər salacaqlar». Hərbi ekspertə görə, belə bir normal hərbi qrupun yaradılması üçün ən azı 10-12 il vaxt lazımdır. Siyasi və Hərbi analiz üzrə İnstitutun eksperti Aleksandr Xramçixin «Reqnum»a açıqlamasında bildirib ki, operativ birləşmənin kağız üzərində yaradılması o qədər də hiyləgər addım deyil. Əsas məsələ həmin birləşmənin yaradılıb-yarıdılmaması ilə bağlıdır: «Bu məsələ tam aydın deyil. Bu birləşmənin hansı donanmanın gəmilərindən istifadə edilərək yaradılacağı mənə qaranlıq qalır. Yaradılacaq operativ birləşmənin Suriyadakı hadisələr və Tartusun qorunması ilə bağlı olduğunu demək mənasızdır». Xatırladaq ki, Rusiyanın müdafiə naziri Sergey Şoyqu martın 11-də bildirib ki, Rusiya Aralıq dənizində hərbi-dəniz donanmasının operativ birləşməsini yaradacaq və onu daimi əsasda fəaliyyət göstərməsini təmin edəcək. «Milli müdafiə» jurnalının baş redaktoru İqor Korotçenko Şoyqunun sözlərini «Reqnum»a dəyərləndirərkən bildirib ki, hərbi gəmilərin Arılıq dənizində daimi olaraq saxlanması üçün onların Tartusda yerləşməsi lazımdır: «Çünki Tartus Aralıq dənizində yeganə limandır ki, Rusiya gəmiləri sərbəst şəkildə ora gedib ehtiyat götürə, heyət üzvləri dincələ, kiçik təmir işləri həyata keçirə bilirlər. Aralıq dənizi elə yerdir ki, orada Rusiya hərbi gəmilərinin iştirakı çox vacibdir. Ona görə də biz təbii olaraq Suriyanı təslim etməyəcəyik. Prezident Bəşər Əsəd bizim müttəfiqimizdir və hesab edirik ki, Suriyadakı münaqişə nizamlanandan sonra da ölkədə hakimiyyət yenə də onun nəzarəti altında olacaq, üsyançılar isə məhv ediləcək. Əgər belə əminlik olmasaydı, Şoyqu belə bəyanat səsləndirməzdi».
Anar MIRIYEV




 
Bölməyə aid digər xəbərlər
25.09.2018
“İrəvan meriyasına seçkilər yalan və riyakarlığın nümunəsidir”
25.09.2018
Yaxın Şərq böyük müharibə ərəfəsində
25.09.2018
Kvirikaşvili AYİB-in beynəlxalq məsləhətçisi olub
25.09.2018
TASS: Azərbaycan silah bazarında Rusiya Federasiyasının iri tərəfdaşıdır
24.09.2018
Yerevan meri postuna seçkilərdə xeyli qanun pozuntusu və insident qeydə alınıb

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10144

1 Yalnızlıq qorxusu
2 “Vətən uzaqda deyil” telelayihəsi dünya azərbaycanlılarının sevincinə səbəb olub
3 “Azərbaycanda xalq yaradıcılığına maraq artıb”
4 Cəfər Cəfərov: “Hər bir ölkənin gələcəyi yüksək səviyyəli kadrlardan asılıdır”
5 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info