Topaz Premyer Liqasının püşkü atıldı
Tarix: 26.07.2016 | Saat: 23:41:00 | E-mail | Çapa göndər


Yeni mövsümdə yeni toplardan istifadə olunacaq
Topaz Premyer Liqasının 2016/2017 mövsümünün püşkatması keçirilib. Sayca 25-ci - yubiley ölkə çempionatının iştirakçıları ilk turdakı rəqiblərini tanıyıb. AFFA-nın inzibati binasında baş tutan tədbirə qarşıdakı mövsümün 8 iştirakçısı qatılıb.
Tədbirdə çempionatın startının tarixi də açıqlanıb. Mövsümə avqustun 6-da start veriləcək. Həmin gün başlayacaq ilk tur ayın 7-də yekunlaşacaq. Son 3 mövsümdə olduğu kimi yenə 4 dövrədə mübarizə aparacaq komandalar ilk turda 4 cütlük təşkil edib. Peşəkar Futbol Liqası ilk turun qarşılaşmalarını sonradan günlər üzrə böləcək. Peşəkar Futbol Liqasının (PFL) prezidenti Ramin Musayev deyib ki, “CBC Sport” kanalının ötən mövsüm çəkilişlərindən göründü ki, lazımi ləvazimatların olması da vacibdir: “Bu kanal həmin ləvazimatlara sahib olduğundan, keyfiyyətli yayım hazırlayır. İnşallah, 2016/2017 mövsümündə çempionatımız əvvəlkilərindən daha maraqlı və gərgin keçəcək. Ona görə maraqlı keçəcək ki, 8 komandanın ən azı 6-sı avrokuboka vəsiqə üçün mübarizə aparacaq. Bir yarışda mübarizə olursa, orda maraq da olur”. Çempionatda bəzi dəyişikliklərin olacağını deyən Musayev bildirib ki, klubların xahişini nəzərə alaraq, əcnəbi futbolçular üçün ödənilən pulların məbləği azaldılıb: “Bu, klublara kömək üçün edildi. Bizi bəzən günahlandırdılar ki, oyunçuların formalarında başqa əlifba ilə yazılır. Amma biz onların maddi durumunu nəzərə alaraq, qərara gəldik ki, kimin nəyə imkanı varsa, ondan istifadə etsin. Sonra klublardan soruşduq. İndi isə belə qərara alındı ki, formaların arxasında futbolçuların adları öz əlifbamızda yazılmalıdır. Sevindirici haldır ki, bu il avrokubokda oynayan komandalarımızın hamısı ilk mərhələni keçdilər. Klub rəhbərlərimiz sağ olsun ki, artıq biz 2 mərhələ ilə də razılaşmırıq. Artıq azarkeşlər daha böyük nailiyyətlər gözləyirlər. İlk mərhələdə o mənada bəxtimiz gətirdi ki, rəqiblərimiz bir o qədər də güclü deyildilər. Ancaq sonrakı püşkatmada bəxt bizdən üz döndərdi. Çalışacağıq ki, oyunlar canlı göstərilsin, amma bəzən bizdən asılı olmur”.
PFL rəhbəri başqa məqamlara da toxunub: “Əliyar Ağayevin 19 yaşlılar arasında Avropa çempionatının finalını idarə etməsinə çoxları sevindi. AFFA rəhbərliyi hakimlərin vaxtında təlim-məşq toplanışı keçirməsinə həmişə çalışıb. Bunda PFL-in də rolu oldu. İnsan zirvəyə qalxanda, sözsüz ki, səhvlərə yol verir. O səhvlər bilməyərək edəndə bağışlanır. Əliyar o oyuna çıxanda adının altında nə AFFA-nın, nə də PFL-in adı yazılmışdı. Adının altında Azərbaycanın adı yazılmışdı. Ona uğurlar arzulayıram. Sevindirici haldır ki, 2 oyunçumuz Portuqaliya çempionatında çıxış edəcək. Həm Elnur Cəfərov, həm də Budaq Nəsirova uğurlar arzulayıram”. R.Musayev bildirib ki, bu il çempionatda “Adidas” firmasının “Beje” toplarından istifadə olunacaq: “Bunu da gətirdik ki, klublara kömək olsun, hamısı eyni toplarla oynasın. Çalışacağıq ki, yenə ədalətli çempionat olsun. Heç kim deyə bilməz ki, biz çempionatda ədalətsizliyə yol vermişik. Belə şey olmayıb”.
I tur
6-7 avqust
“Qarabağ” (Ağdam) - “İnter” (Bakı)
“Qəbələ” (Qəbələ) - “Kəpəz” (Gəncə)
AZAL (Bakı) - “Neftçi” (Bakı)
“Zirə” (Bakı) - “Sumqayıt” (Sumqayıt)




 
Bölməyə aid digər xəbərlər
20.07.2019
Futbol üzrə Əlcəzair millisi Afrika Millətlər Kubokunun qalibi olub
19.07.2019
“Çelsi“nin Lempardla ilk məğlubiyyəti
19.07.2019
“Barselona“ yeni transferini icarəyə göndərdi
19.07.2019
Lukakunun alternativini tapdı
19.07.2019
Avropa Liqasında 43 oyun keçirilib, “Reyncers” “Neftçi”yə şərik olub

Şərh əlavə olunmayıb

    ,    
Namiq Əliyev
Anar MİRİYEV
Tural Tağıyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10835

1 “4-cü qrupa hazırlaşan hər bir abituriyentin arzusu həkim olmaqdır”
2 Pirdovus Abakarova: “İmtahan suallarının asan və ya çətin olması abituriyentin hazırlıq səviyyəsindən asılıdır”
3 ADPU-nun tələbəsi Nərmin Qəhrəmanlı: “Mənim üçün “könüllü” olmaq iş, komanda ilə işləmək təcrübəsi, dostluq, yeni mühit deməkdir”
4 Dünya brendi olmağı hədəfləyən azərbaycanlı gənc
5 “Ali Radada Azərbaycanpərəst deputatların olması bizim gələcək fəaliyyətimizə müsbət təsir edəcək”


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info