Münasib işlərlə təmin olunanların 35,5 faizini gənclər təşkil edir
Tarix: 27.07.2016 | Saat: 17:08:00 | E-mail | Çapa göndər


Əmək və Əhalinin Sosial Müdafiəsi Nazirliyi (ƏƏSMN) tərəfindən həyata keçirilən aktiv məşğulluq tədbirlərinin mühüm bir istiqaməti gənclərə yönəlib. Cari ilin 6 ayında ƏƏSMN yanında Dövlət Məşğulluq Xidmətinin münasib işlərlə təmin etdiyi şəxslərin təqribən 15 min 800-ü (35,5 faiz) gənclərdən ibarət olub. Haqqı ödənilən ictimai işlərə cəlb olunanların 156 nəfərini (28,4 faiz), Bakı, Sumqayıt, Gəncə və Mingəçevir şəhərlərindəki əmək birjaları vasitəsilə müvəqqəti xarakterli işlərə göndərilənlərin 632 nəfərini (55,7 faiz) gənclər təşkil edib.
Bu barədə nazirliyin ictimaiyyətlə əlaqələr şöbəsindən məlumat verilib.İşçilərin əmək bazarının tələblərinə uyğun olaraq rəqabətə davamlı peşələrə yiyələnmələri üçün müxtəlif peşələr üzrə təşkil olunan hazırlıq və əlavə təhsil kurslarının təşkili zamanı da gənclər diqqətdə saxlanılır. Hesabat dövründə Dövlət Məşğulluq Xidmətinin təşkil etdiyi peşə hazırlığı və əlavə təhsil kurslarına cəlb olunanların 1253 nəfəri (65 faiz) gənclər olub.Sağlamlıq imkanları məhdud gənclərin də əmək bazarına çıxış imkanlarına malik olmaları üçün onların peşə reabilitasiyası həyata keçirilir. ƏƏSMN-in 1 saylı Sağlamlıq İmkanları Məhdud Gənclərin Peşə Reabilitasiya Mərkəzində cari ilin ötən dövründə bu təbəqədən olan 200-dək gənc ayrı-ayrı peşələr üzrə peşə hazırlığı kurslarına cəlb olunublar.Əksəriyyəti gənclərdən ibarət olan tələbə və məzunların əmək bazarına inteqrasiyası məqsədilə Dövlət Məşğulluq Xidməti tərəfindən “Karyerada ilk addım” devizi altında keçirilən aktiv məşğulluq tədbirləri cari ildə 8 ali təhsil müəssisəsində davam etdirilib. Bu tədbirlərdə 259 müəssisəyə aid 1452 boş (vakant) iş yeri təklif olunub. İştirakçılara seçimlərinə uyğun vakant iş yerlərinə göndərişlər verilib. Tələbə və məzunların işəgötürənlərlə əlaqələr qurmasına, onlara öz şəxsi məlumatlarını (CV) təqdim etmələrinə şərait yaradılıb.Gənclərin məşğulluğunun təminatı yönündə ölkəmizdə aparılan işlər beynəlxalq səviyyədə də yüksək dəyərləndirilir. Bu ilin may ayında Beynəlxalq Əmək Təşkilatının İsveçdə təşkil etdiyi konfransda gənclərin məşğulluğu sahəsində MDB-də ən yaxşı iş təcrübələri üzrə keçirilən müsabiqədə Azərbaycan birinci yerə layiq görülüb. Bununla əlaqədar Azərbaycan nümayəndə heyətinə Beynəlxalq Əmək Təşkilatının diplomu təqdim olunub.

Tural




 
Bölməyə aid digər xəbərlər
05.12.2020
6 şəhər və rayonda şəhid ailələri və Qarabağ müharibəsi əlillərinə fərdi evlər verildi
04.12.2020
Nazirlik Xudayar Yusifzadənin ailəsi üçün ev tikəcək
03.12.2020
Azərbaycanda Uşaq Məcəlləsi hazırlanacaq
03.12.2020
İşğaldan azad olunan rayonlarda “Hədiyyə karvanı” layihəsi həyata keçiriləcək
01.12.2020
Şəhid ailələri və qazilərə veriləcək təqaüdlərin məbləği açıqlandı

Şərh əlavə olunmayıb

    ,    
Ağasəf Babayev
Tural RASİMOĞLU
Anar MİRİYEV
Ağasəf Babayev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 12130

1 Dağlıq Qarabağ və ətraf regionların bərpa olunan enerji resurslarından səmərəli istifadə qarşıda duran əsas prioritetdir - Pərviz Şahbazov
2 Azan sədasında quşların möhtəşəm rəqsi - VİDEO
3 “LUKOYL-Azərbaycan” haqqında yayılan sorğu və kampaniya həqiqət deyil
4 Distant təhsilin müddəti uzadıldı - QƏRAR
5 Laçını ziyarət etmək üçün səbirsizlənirəm...- Sami Yusuf


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info