BANM-i seçən abituriyent: “Güclü mütəxəssis olmaq istəyirəm”
Tarix: 27.07.2016 | Saat: 17:43:00 | E-mail | Çapa göndər


Məmmədov Ömər Arzu oğlu 1999-cu ildə Bakıda anadan olub. 5-ci sinfə qədər 32 saylı orta məktəbdə, 6-cı sinifdən isə Heydər Əliyev adına liseydə təhsil alıb. 9-cu sinifdə əla qiymətlərlə oxuduğuna görə fərqlənmə ilə təltif olunub. I ixtisas qrupu üzrə keçirilən qəbul imtahanında 695 bal toplayan Ömər Məmmədov Bakı Ali Neft Məktəbinin Proseslərin avtomatlaşdırılması mühəndisliyi ixtisasını seçərək Ali Neft Məktəbinin tələbəsi adını daşımaq niyyətindədir. Bu, həm də onun çoxdan gözlədiyi, çatmaq istədiyi arzusudur...
-Ömər, öncə səni təbrik edirik. Orta məktəbdə hansı fənlərə daha çox marağın vardı?
-Riyaziyyata marağım böyük olub. Bəlkə də bu mənim babamın riyaziyyat müəllimi olması ilə bağlıdır. Babam riyaziyyat müəllimi olduğu üçün məni riyaziyyat həmişə cəlb edirdi. Ümumiyyətlə, mən hər zaman müəllimlərin əhatəsində olmuşam. Nənəm də biologiya müəllimi olub. Əslində texniki fənlərə xüsusi marağım olmasına baxmayaraq, “Tarix”i də sevirdim.
-İmtahana necə hazırlaşırdın?
- İmtahana hazırlaşdığım vaxtlarda çalışırdım ki, oxuduğum fənləri dərindən mənimsəyim. Deyə bilmərəm ki, səhərdən-axşama qədər oxuyurdum, amma vaxtımı hazırlaşmaqla keçirirdim. Özüm üçün cədvəl də qurmamışdım, lakin məqsəd qoymuşdum ki, yüksək bal yığacağam. Hətta imtahana son bir ay qalmış bir qədər tempi azaltmışdım. İyundan başlayaraq daha çox oxudum.
-İmtahan günü yəqin həyəcanlı idin...
-Əksinə, həyəcanım yox idi. İnanırdım ki, 700 bal yığacam, amma 695 bal yığdım. Düşünürəm ki, “Azərbaycan dili”ndən bir qədər balım az oldu. Bununla belə, imtahandan çıxanda təxmini bilirdim ki, balım yuxarı olacaq. Atam mənim kodlaşdırmada səhv edə biləcəyimdən narahat idi. 695 bal topladığımı da birinci atam bildi. Həm göstərdiyim yüksək nəticəmə görə, həm də atamı sevindirdiyimə görə ikiqat sevindim.
-Seçimin Bakı Ali Neft Məktəbidir. Niyə BANM-i seçdin?
-11-ci sinifdən BANM-i seçmişdim, məhz bu ali təhsil müəssisəsinə hazırlaşırdım. Bu mənim öz seçimimdir, BANM-i tədrisin yüksək səviyyədə olması və gələcəkdə iş imkanı üçün seçdim. Burada ballar yuxarı olduğu üçün bilik yarışında daha bilikli, savadlı yaşıdlarımla rəqabətdə olmaq istəyirəm. Digər tərəfdən, tədrisin ingilis dilində olması gələcəkdə bizə xaricdə də iş tapmaq imkanı verəcəyini düşünürəm. Mən gələcəkdə azərbaycanlı mütəxəssis kimi xaricdə çalışmaq istəyirəm.
-Belə bir peşəkar mütəxəssis ola biləcəyinə inanırsanmı?
-İnanıram ki, bu imkanı mən ancaq BANM-də qazana bilərəm. Güclü mütəxəssis olmaq istəyirəm ki, gələcəkdə xaricdə “Haralısan?” - deyəndə fəxrlə “Azərbaycanlıyam” - deyə bilim. Proseslərin avtomatlaşdırılması mühəndisliyi sahəsi üzrə Azərbaycandan olan güclü mütəxəssis kimi dünyada rolumun olmasını istəyirəm. Potensialımı tam buna həsr edəcəm.

Nigar






 
Bölməyə aid digər xəbərlər
15.01.2019
Ukraynada oxucuların rəğbətini qazanan azərbaycanlı yazıçı
15.01.2019
Azərbaycan Sənaye Korporasiyasının fəaliyyətinin əsas məqsədi istehsal potensialının gücləndirilməsinə nail olmaqdır
15.01.2019
İran regionda təhlükəsizlik və sabitliyin daha da artması üçün Dağlıq Qarabağ münaqişəsinin həllinə töhfə verməyə hazırdır
14.01.2019
“Azərbaycan Ermənistanı regionda təcrid vəziyyətə salıb”
12.01.2019
Avropa parlamentləri Ermənistanın “konyak diplomatiyası“nda adı keçən siyasətçilərin fəaliyyətlərini ifşa edən araşdırmalar aparmalıdırlar

Şərh əlavə olunmayıb

    ,    
Namiq Əliyev
Namiq Əliyev
Tural Tağıyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10565

1 Ukraynada oxucuların rəğbətini qazanan azərbaycanlı yazıçı
2 Struktur dəyişiklikləri dövlət idarəçiliyinin təkmilləşdirilməsini nəzərdə tutur
3 Hüseyn Babayev AAF-ın vitse-prezidenti təyin edilib
4 Dərslər təxirə salındı
5 Nikola Sarkozi: “Bakıda böyük quruculuq işlərinin şahidi oldum”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info