“Bakının seysmik riskinin qiymətləndirilməsinə gələn il başlanıla bilər”
Tarix: 27.07.2016 | Saat: 18:29:00 | E-mail | Çapa göndər


Bakının seysmik riskinin qiymətləndirilməsinə gələn il başlanıla bilər. Bunu Trend-ə Azərbaycan Milli Elmlər Akademiyası (AMEA) nəzdində Respublika Seysmoloji Xidmət Mərkəzinin baş direktoru, AMEA-nın müxbir üzvü Qurban Yetirmişli deyib. Bu layihəyə maliyyə dəstəyinin Alman Araşdırma Mərkəzi tərəfindən veriləcəyini deyən Q.Yetirmişli qeyd edib ki, məsələ ilə əlaqədar həmin mərkəzin mütəxəssisləri ilə sentyabr ayında Almaniyada görüş keçiriləcək. Q.Yetirmişli görüş zamanı layihənin başlanma tarixinin də dəqiq müəyyənləşəcəyini söyləyib: “İki il əvvəl Almatıda olarkən Alman Araşdırma Mərkəzinə bununla bağlı təklif verdim. Onlarla bir çox müzakirələr apardıqdan sonra bu işin həyata keçirilməsinə razılıq veriblər. Layihə artıq qəbul olunaraq təsdiqlənib. Bu fəaliyyət alman mütəxəssisləri ilə birgə aparılacaq. Yəqin ki, gələn ilin əvvəlindən layihənin icrasına başlanılacaq”. Q.Yetirmişlinin sözlərinə görə, seysmik riskin qiymətləndirilməsi üçün Bakının mərkəzindəki köhnə və yeni tikilən binalar, eləcə də şəhər ətrafında olan binalar seçiləcək. Layihənin iki illik olduğunu nəzərə çatdıran RSXM-nin baş direktoru bu işin mərhələlərlə aparılacağını, bütün Bakını əhatə etməsinin nəzərdə tutulduğunu da söyləyib. Q.Yetirmişli əlavə edib ki, seysmik riskin qiymətləndirilməsi zamanı yeni texnologiyalardan istifadə ediləcək. Bunun üçün Almaniyadan ən müasir tələblərə cavab verən avadanlıqlar gətiriləcək: “Cihazların hamısını almanlar gətirəcək. Onların quraşdırılması, işləməsi isə yerli mütəxəssislər tərəfindən aparılacaq”.




 
Bölməyə aid digər xəbərlər
17.01.2019
“Loqos” turizm şirkəti ilə əməkdaşlıq haqqında memorandum imzalayıb
17.01.2019
Qərargah: Sumqayıtda küləyin sürəti 40 m/s, dənizdə isə dalğalar 7,5 metrə çatdı
17.01.2019
Bu içki stressi azaldır
17.01.2019
“Azəriqaz“: Ölkə üzrə təbii qazın verilişində problem yaranmayıb
17.01.2019
Səhiyyə Nazirliyi: Güclü küləyin əsməsi nəticəsində bu saata qədər xəsarət alan olmayıb

Şərh əlavə olunmayıb

    ,    
Namiq Əliyev
Namiq Əliyev
Tural Tağıyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10563

1 Ukraynada oxucuların rəğbətini qazanan azərbaycanlı yazıçı
2 Struktur dəyişiklikləri dövlət idarəçiliyinin təkmilləşdirilməsini nəzərdə tutur
3 Azərbaycanın qonşu ölkələrlə əlaqələri yüksək səviyyədədir
4 Çingiz Bayramov: “Azərbaycan bölgənin inkişaf etmiş ölkəsinə çevrilib”
5 Hüseyn Babayev AAF-ın vitse-prezidenti təyin edilib


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info