“Azərbaycanın dəstəyi Türkiyəyə qardaş ölkələr üçün nümunə olmalıdır”
Tarix: 29.07.2016 | Saat: 00:36:00 | E-mail | Çapa göndər


Səfir: “Türkiyə daha da güclü olacaq”

Türkiyədə iyulun 15-dən 16-na keçən gecə baş verən dövlət çevrilişinə cəhd hələ də dünyanın gündəmindədir. 246 nəfərin ölümü, 2000-dən çox insanın xəsarət almasına səbəb olan bu qalmaqallı çevriliş cəhdindən sonra qardaş ölkədə ciddi siyasi islahatlar aparılır, istefalar olur və barəsində cinayət işi açılanların sayı günbəgün artır. Türkiyənin rəhbər şəxsləri isə məlum olaylarla bağlı hər gün yeni açıqlamalar verərək xaricdən idarə olunmuş çevriliş cəhdindən sonra ölkələrinə gələn dəstəyi unutmayacaqlarını dilə gətirirlər.
“TRT Haber” telekanalının verdiyi məlumata görə, Türkiyə xarici işlər naziri Mövlud Çavuşoğlu deyib ki, Azərbaycan da Fəthullah Gülən hərəkatı ilə mübarizəyə mühüm töhfə verib. Türkiyə XİN rəhbərinin sözlərinə görə, Azərbaycanın Gülən hərəkatı ilə mübarizədə verdiyi dəstək Türkiyənin qardaş ölkələri üçün nümunə olmalıdır. O, həmçinin bildirib ki, Türkiyənin Kazandakı konsulluğunda çalışan diplomat əməkdaşlardan biri Yaponiyaya qaçıb. Mövlud Çavuşoğlu qeyd edib ki, qaçan diplomatın Fəthullah Gülən terror təşkilatı ilə əlaqəsi olub: "Gülən hərəkatı ilə mübarizə çərçivəsində Türkiyə XİN-dən 88 əməkdaş, iki səfir uzaqlaşdırılıb. Türkiyə Xarici İşlər Nazirliyində yeni təmizləmələr gözlənilir”.Onun sözlərinə görə, Fəthullah Gülən terror təşkilatının tərəfdarları Türkiyə XİN-in strukturuna sıza biliblər.
Prezident Rəcəb Tayyib Ərdoğanın Fətullahçı Terror Təşkilatının (FETÖ) iyulun 15-də dövlət çevrilişi cəhdinə qarşı Türkiyəyə dəstəklərini ifadə etmək istəyən liderlərlə bir sıra telefon danışıqları olub. “Anadolu” agentliyinin məlumatına görə, Prezident Rəcəb Tayyib Ərdoğan Bosniya və Herseqovinanın Rəyasət Heyətinin Sədri Bakir İzetbeqoviç, Bəhreyn Kralı Hamed bin İsa bin Xəlifə və Birləşmiş Millətlər Təşkilatının baş katibi Pan Gi Munla telefonda danışıb. Danışıq zamanı liderlər dövlət çevrilişi cəhdinə qarşı çıxdıqlarını, Türkiyədə seçilmiş hökuməti dəstəklədiklərini və bu məsələdə türk xalqı ilə tam həmrəy olduqlarını, həmçinin qiyamçıların açdıqları atəş nəticəsində və müqavimət zamanı həyatlarını itirənlər üçün kədərləndiklərini bildiriblər.
Türkiyənin Azərbaycandakı səfiri İsmayıl Alper Coşqun da məlum olaylarla bağlı açıqlama verib. Onun sözlərinə görə Türkiyə bundan sonra daha da güclü olacaq: “Hərbi çevrilişə cəhd Türkiyə dövlətçiliyinə, dövlətin rifahına qarşı yönəldilmişdi. Hərbi çevrilişə cəhddən sonra Türkiyə daha da güclü olacaq”.Türkiyədə fövqəladə vəziyyətin tətbiq edilməsinə toxunan səfir qeyd edib ki, bu barədə qərar qanun çərçivəsində qəbul edilib: "Türkiyədə fövqəladə vəziyyətin tətbiq edilməsi ölkənin qeyri-sabit olması anlamına gəlmir".
Bu arada Türkiyə Quru Qoşunlarının komandanı İhsan Uyar istefa verib. "Haber7" qəzetinin verdiyi məlumata görə, Quru Qoşunların Tədris və Doktrina İdarəsinin rəisi Kamil Başoğlu da istefa verib. İlkin ehtimala görə, onların Türkiyədə hərbi çevrilişə cəhddə əli var. Həmçinin şübhəli bilinən 243 əsgərin taleyinə də aydınlıq gətirilib. Belə ki, Ankara Prokurorluğu tərəfindən aparılan istintaq əməliyyatına şübhəli şəxs kimi cəlb olunmuş 243 əsgərdən 241-i artıq həbs edilib.
“Anadolu” agentliyi xəbər verir ki, həbs olunanlar Fətullahçı Terror Təşkilatı (FETÖ) tərəfindən hazırlanmış dövlət çevrilişinə cəhddə iştirak etməkdə təqsirli bilinirlər. Ankara Məhkəməsinə gətirilmiş hərbçilərin istintaqı başa çatıb. Onlardan 241 nəfəri həbs olunub, 2-si isə nəzarət altında olmaq şərti ilə sərbəst buraxılıb. Dünən, həmçinin Şanlıurfa vilayətində isə Fətullah Gülən hərəkatı ilə mübarizə çərçivəsində 63 hərbçi saxlanılıb.
Türkiyə mətbuatının məlumatına görə, Silahlı Qüvvələrdən xaric edilənlərin sayı da artıq bəlli olub. Türkiyədə dövlət çevrilişinə cəhdlə əlaqədar fövqəladə vəziyyətin elan edilməsi haqqında qərara əsasən, milli təhlükəsizliyə təhdid yaradan Fətullahçı Terror Təşkilatı (FETÖ) ilə əlaqələrinə görə 1684 nəfər Silahlı Qüvvələrin sıralarından xaric edilib. Qərara uyğun olaraq, həmçinin Jandarm Qüvvələri Baş Komandanlığı və Sahil Mühafizəsi Daxili İşlər Nazirliyinin tərkibinə verilib. Ordu sıralarından çıxarılan hərbi qulluqçulardan 87 general, 726 zabit və 256 gizir Quru Qoşunlarında xidmət edir. Hərbi Dəniz Qüvvələrində 32 admiral, 59 zabit və 63 gizir, Hərbi Hava Qüvvələrində isə 30 general, 314 zabit və 117 gizir ordudan uzaqlaşdırılıb. Bundan başqa, qərara əsasən, 3 xəbər agentliyi, 16 televiziya, 23 radio, 45 qəzet, 15 jurnal, 29 nəşriyyat və yayım evi bağlanıb.
Bu məsələlərlə bağlı qərarların icrası mexanizmi Türkiyə Ali Hərbi Şurasının iyulun 28-də keçiriləcək iclasında müzakirə edilib.
"Kanal7" telekanalı isə xəbər yayıb ki, Türkiyədə Nazirlər Kabineti aparatının Fəthullah Gülən terror təşkilatı ilə əlaqə qurmaqda ittiham edilən 30 əməkdaşı saxlanılıb. Telekanalın verdiyi məlumata görə, saxlanılanların adları barədə məlumat verilmir.Saxlanılanların mənzillərində axtarışlar aparılır.
Tural TAĞIYEV




 
Bölməyə aid digər xəbərlər
17.11.2018
İN: Qondarma qurumun ABŞ ərazisində təşviqi bu ölkənin Minsk qrupunun həmsədri kimi öhdəlikləri ilə ziddiyyət təşkil edir
17.11.2018
ATƏT-in Minsk qrupu işğalçı Ermənistana təzyiq göstərmək üçün bütün alətlərdən maksimum istifadə etməlidir
17.11.2018
Ermənistan Belarus və Qazaxıstanla KTMT-də müttəfiq dövlət olmasına baxmayaraq, ciddi tərəfdaş kimi qəbul olunmur
17.11.2018
Rəsmi Bakı: Belə qərəzli addımlar Fransanın Minsk qrupunun həmsədri kimi üzərinə götürdüyü öhdəliklərlə bir araya sığmır
17.11.2018
Fransalı deputatların Saakyanla mümkün görüşü Fransanın ATƏT-in Minsk qrupunun həmsədri kimi statusuna zidd olacaq

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10498

1 “Xaricdə təhsilimi davam etdirsəm, psixologiya sahəsini seçəcəyəm”
2 Azərbaycan turizmi Yunanıstanda təbliğ olunub
3 Davamli dil siyasəti dövlətin əsas prioritet istiqaməti kimi
4 “Gedir dayanmadan zamanın köçü”
5 Almaniyada Naxçıvanla bağlı broşürlər paylanılıb


18.11 15:39 “Ümumiyyətlə, dağıdıcı müxalifət qrupları həmişə şou düzəltməklə gündəmdə qalmağa çalışıblar. Onların 17 noyabr Milli Dirçəliş günü ərəfəsində qanunsuz olaraq Şəhidlər Xiyabanında keçirməyə cəhd göstərdikləri aksiya da bunun bariz nümunəsidir”. Trend-in məlumatına görə, bu fikirləri Yeni Azərbaycan Partiyası Siyasi Şurasının üzvü, “İki Sahil” qəzetinin baş redaktoru Vüqar Rəhimzadə səsləndirib. Baş redaktorun fikrincə, sözügedən aksiya dağıdıcı müxalifətin sosial bazasının olmadığını bir daha ortaya qoyub: “Bütövlükdə hesab edirəm ki, qanuna zidd olaraq atılan hər bir addımın qanun çərçivəsində qarşısı alınmalıdır. Dünyanın heç bir ölkəsində qanunsuz, icazəsiz mitinq keçirməyə yol verilmir. Təbii ki, bu aksiya Azərbaycanda da baş tutmadı. Bəs nəyə görə, bu adamlar onlar üçün ayrılan yerlərdə deyil, məhz şəhərin mərkəzində öz aksiyalarını keçirməyə cəhd edirlər? Bunun başlıca səbəbi odur ki, İctimai Palatanın sosial bazası yoxdur və ətraflarına heç kəsi cəlb edə bilmir. Onlar qəsdən insanların istirahət hüquqlarını, şəhərdə asayişi pozurlar. Hesab edirəm ki, bu kimi halların qarşısı qətiyyətlə alınmalıdır”. V.Rəhimzadə bildirib ki, qanunsuz piket və mitinqlərə heç zaman yol verilməyəcək: “Təəssüf ki, özlərini yalnız ümummilli bayram və xalqımız üçün önəmli olan tarixi günlərdə yada salmaqdan başqa heç bir normal siyasi fəaliyyətlə məşğul olmayan bəzi radikal şəxslər Milli Dirçəliş Günündə də şou göstərməkdən əl çəkməyiblər. Şəhidlər Xiyabanını və müqəddəs şəhidləri ziyarəti öz siyasi məqsədlərinə tabe etməyə çalışmaq isə birmənalı qarşılana bilməz. Onların bir illik hakimiyyətləri dövründə, yəni 1990-ci illərin əvvəllərində Azərbaycan xalqının başına gətirdikləri bəlalar, müsibətlər hələ də gözlərimiz önündədir. Bu çox da uzaq tarixi keçmiş deyil. Onlar həmin dövrdə insanları haqsız yerə döyür, təhqir edir, aclıqla imtahana çəkirdilər. Bu gün də Əli Kərimli, Cəmil Həsənli kimi adamların kim olduqlarını hər kəs çox aydın görür. Bunlar öz şəxsi maraqlarını xalqın, millətin maraqlarından daim uca tutublar. Bu insanlar öz varlıqlarını, həyatda olduqlarını sübut etmək üçün cılız şou düzəltməkdə görürlər. Onları görərkən gülməli lətifələr yada düşür. Azərbaycan dövləti güclü və qüdrətlidir. Ölkədə mövcud olan xalq-iqtidar birliyi əbədidir. Bu birliyi belə mənasız cəhdlər sarsıda bilməz”. Baş redaktor əlavə edib ki, çox təəssüf ki, radikal müxalifət mətbuatı bu gün azad sözə yad olan prinsiplər çərçivəsində fəaliyyət göstərməyə üstünlük verir: “Onların yazdıqları ictimai rəyi çaşdırmağa hesablanmış sofistikadır. Müxalifət mətbuatı yalan üzərində qurulub. Onlar cəmiyyətdə hər şeyi yalnız qara rəngə boyayır, Azərbaycan hakimiyyətinin hansısa problemin aradan qaldırılmasına yönəlmiş addımına kölgə salmağa cəhd edirlər. Hesab edirəm ki, bu, peşə etikasına hörmətsizlikdən başqa bir şey deyil”.
© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info