Şahmatçılarımız yarışa çox ciddi hazırlaşır
Tarix: 02.08.2016 | Saat: 19:19:00 | E-mail | Çapa göndər


“Olimpiadada 180-ə yaxın ölkə iştirak edəcək. Bu isə o deməkdi ki, Bakıda dünyanın istənilən nöqtəsindən komandalar mübarizə aparacaq”
Bakı Şahmat Olimpiadasında mübarizə aparacaq qadınlardan ibarət Azərbaycanın birinci və ikinci komandası Qəbələdə təlim-məşq toplanışını davam etdirir.

Zəriflərimiz məşqçilər Fikrət Sideyifzadə, Konstantin Landa, Anar Allahverdiyev, Sərxan Quliyev və Fərid Abbasovun rəhbərliyi altında hazırlaşır. Hazırlıq haqda Bakı Şahmat Olimpiadasının mətbuat xidmətinə açıqlama verən Fikrət Sideyifzadə bildirib ki, Ümumdünya Şahmat Olimpiadasının Bakıda keçirilməsi böyük hadisədir: “Olimpiadada 180-ə yaxın ölkə iştirak edəcək. Bu isə o deməkdi ki, Bakıda dünyanın istənilən nöqtəsindən komandalar mübarizə aparacaq. Meydan sahibi kimi yaxşı nəticə göstərməyə çalışacağıq. Bu günlərdə Qəbələdə ikinci təlim-məşq toplanışında iştirak edirik. Şahmatçılarımız yarışa çox ciddi hazırlaşırlar. Məşqlər gün ərzində 6-7 saat təşkil edir. Qadın şahmatçıların səylə hazırlaşmasından razıyam. Əsas diqqət debüt açılışına, partiyanın sonluğuna yönəlir. İnanıram ki, olimpiadada komandamız yaxşı çıxış etməklə layiqli yerini tutacaq". Digər məşqçi Sərxan Quliyev isə şahmatçıların böyük həvəslə məşq etdiklərini vurğulayıb: “Bu, komandanın ikinci hazırlığıdır. Şahmatçılar məsuliyyəti başa düşürlər. Məşqlər zamanı debütlə yanaşı, rəqiblərin oyununu da müzakirə edirik. Olimpiadada qadın komandaların arasında ciddi rəqabət olacaq. Buna görə də, rəqiblərin oyunları mütləq təhlil olunmalıdır. Olimpiadaya qədər daha iki toplanış planlaşdırılır. Əvvəlcə Gürcüstan yığması ilə yoldaşlıq görüşündə iştirak edəcəyik. Son hazırlıq isə avqustun 19-da başlayacaq. İnanıram ki, qadın şahmatçılarımız olimpiadaya tam hazır olacaqlar". Qeyd edək ki, ikinci hazırlıq mərhələsi avqustun 5-də yekunlaşacaq.




 
Bölməyə aid digər xəbərlər
25.05.2019
Türkiyə Superliqası: “Qalatasaray” səfərdə məğlub oldu
24.05.2019
“Mançester Yunayted“ də Qrizmannı istəyir
24.05.2019
“Bu məğlubiyyət mənim üçün ağır zərbə idi“
24.05.2019
Qadın güləşçimiz İtaliyada gümüş medal qazanıb
24.05.2019
UEFA-nın prezidenti Avroliqanın final oyununun Bakıda keçirilməsi qərarını müdafiə edib

Şərh əlavə olunmayıb

    ,    
Namiq Əliyev
Fuad HÜSEYNZADƏ
Esmira Məmmədova
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10787

1 Üç müharibə iştirakçısı olan general-mayor
2 Oqtay Zülfüqarovun uşaq mahnıları müasir aranjemanda səslənəcək
3 “İrəvan quberniyasına aid arxiv materiallarını oxuduqca hiss edirsən ki, buralar döğma torpaqlardır”
4 …Hər sözdə vətən axtaran soydaşımız
5 Özbəkistan Respublikasının Prezidenti Şavkat Mirziyoyevdən


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info