BSU-da yeni monoqrafiyanın təqdimatı olub
Tarix: 13.03.2013 | Saat: 21:59:00 | E-mail | Çapa göndər


Bakı Slavyan Universitetində fəaliyyət göstərən “Azərbaycanşünaslıq” tədris mədəniyyət mərkəzinin təşkilatçılığı ilə tarix üzrə fəlsəfə doktoru, dosent Əsgər Əhmədin “XII-XV əsrlərdə Azərbaycanın mənəvi mədəniyyəti” adlı kitabının təqdimat mərasimi keçirilib. BSU-nun Elmi Şurasının qərarı ilə çapa tövsiyə olunmuş kitab Azərbaycan tarixinin hadisə və proseslərlə zəngin, lakin çox çətin və ziddiyyətli bir dövrü olan XII-XV əsrlərin mənəvi mədəniyyət məsələlərinin tarixi-etnoqrafik araşdırılmasına həsr olunub.
BSU-nun elmi işlər üzrə prorektoru dos. Şirinbəy Əliyev əsərdə təsvir edilən tarixi dövrə nəzər salıb: “Bilirsiniz ki, Azərbaycan tarixinin həm mürəkkəb, həm də ziddiyyətli dövrlərindən biri məhz XII-XV əsrlərdir. Azərbaycanın uğrunda gedən dağıdıcı müharibələr, burada mövqeyini möhkəmləndirmək istəyən ayrı-ayrı siyasi qüvvələrin mübarizəsi, şübhəsiz ki, Azərbaycana təsirsiz ötüşməyib. Hesab edirəm ki, Azərbaycan tarixşünaslığında bu dövrə aid ayrı-ayrı müəlliflərin, tədqiqatçıların maraqlı əsərlərinə rast gəlirik, lakin bu dövrün belə sistemli şəkildə və sırf konkret çərçivədə mənəvi mədəniyyətə dair məqamlarının bir araya cəmləşdirilməsinə xüsusi ilə ehtiyac var idi ki, müəllif bu işin öhdəsindən uğurla gəlib”. Kitabın müəllifi bildirib ki, monoqrafiyanın yazılmasında əsas məqsəd Azərbaycan xalqının XII-XV əsrlərdəki mənəvi həyatının xarakterik xüsusiyyətlərini araşdırmaq, mənəvi həyatda baş verən təkamülü izləmək, eləcə də mənəvi mədəniyyətin inkişaf meyillərini və istiqamətlərini müəyyənləşdirməklə onu tarixi-etnoqrafik baxımdan tədqiq etməkdir. BSU-nun Azərbaycan ədəbiyyatı kafedrasının dosenti R.Kamal, müasir rus dili kafedrasının müdiri professor İ.Həmidov, Avropaşünaslıq kafedrasının müdiri dosent S.Axundova, Tədris şöbəsinin müdiri M.Rzayev, Mədəniyyət və İncəsənət Universitetinin professoru N.Mehdi, BDU-nun dosenti B.Əzizli və başqaları çıxış edərək təqdim edilən kitabın son dərəcədə maraqlı dövrə həsr olunduğunu bildirib.




 
Bölməyə aid digər xəbərlər
25.04.2019
Hərbi xidmətini başa vurmuş gənclərin Kürdəmirdə təntənəli qarşılanması mərasimi keçirilib
25.04.2019
Hacı Zeynalabdin Tağıyevin heykəlinin hazırlanması ilə bağlı açıq heykəltəraşlıq müsabiqəsi elan olunub
25.04.2019
Birinci vitse-prezident Mehriban Əliyeva Buzovnadakı 229 saylı uşaq bağçasında, Mərdəkandakı gimnaziyada və 32 saylı Laçın rayon məktəbində mövcud şəraitlə tanış olub
25.04.2019
“Bakcell” Formula 1 SOCAR Azərbaycan Qran Prisi 2019 yarışına hazırdır
25.04.2019
Azərbaycanda “İKT-də qızlar“ günü

Şərh əlavə olunmayıb

    ,    
Namiq Əliyev
Fuad HÜSEYNZADƏ
Esmira Məmmədova
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10759

1 Tarixin ibrət dərsləri...
2 Gülnar Səmanın kitabının təqdimatı keçiriləcək
3 “Azərbaycan dilinin Orfoqrafiya Normaları” təsdiq edilib
4 Artıq bəzi sözlər yeni qaydalar əsasında yazılmalıdır
5 “Israel Hayom” qəzeti: “Azərbaycan müqəddəs Odlar Yurdudur”


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info