Azərbaycan-Rusiya regionlararası forumu oktyabrda Azərbaycanda təşkil olunacaq Yenilənib
Tarix: 08.08.2016 | Saat: 19:13:00 | E-mail | Çapa göndər


“Ənənəvi olaraq hər il keçirilən Azərbaycan-Rusiya regionlararası forumu bu ilin oktyabrında Azərbaycanda təşkil olunacaq”. Bu fikir avqustun 8-də Bakıda keçirilmiş Azərbaycan-Rusiya və Rusiya-Azərbaycan İşgüzar Şuralarının geniş iclasında səsləndirilib. İqtisadiyyat naziri Şahin Mustafayev Azərbaycan və Rusiya arasında əlaqələrin müxtəlif sahələrdə, o cümlədən iqtisadi sahədə uğurla davam etdiyini diqqətə çatdırıb. Bildirib ki, Azərbaycan-Rusiya və Rusiya-Azərbaycan İşgüzar Şuralarının yaradılması barədə Rusiya Federasiyasının baş naziri Dmitri Medvedevin ötən il ölkəmizə səfəri zamanı Azərbaycan Respublikasının Prezidenti İlham Əliyevlə keçirdiyi görüş zamanı razılıq əldə olunub. Bu şuraların yaradılmasında məqsəd ölkələrimiz arasında iqtisadi və investisiya qoyuluşu sahəsində əlaqələri, eləcə də iş adamları arasında əməkdaşlığı genişləndirməkdir. İclasın Azərbaycan, Rusiya və İran prezidentlərinin bu gün Bakıda keçiriləcək üçtərəfli formatda görüşünə təsadüf etdiyini qeyd edən Ş.Mustafayev görüşü tarixi hadisə adlandırıb. Qeyd edib ki, ənənəvi olaraq hər il keçirilən Azərbaycan-Rusiya regionlararası forumu bu ilin oktyabrında Azərbaycanda təşkil olunacaq. Azərbaycan və Rusiya şirkətləri tərəfindən reallaşdırılan layihələr və qarşılıqlı investisiya qoyuluşları barədə danışan iqtisadiyyat naziri belə tədbirlərin iqtisadi əlaqələrin inkişafı, investisiya sahəsində əməkdaşlığın genişləndirilməsi baxımından əhəmiyyətini vurğulayıb, İşgüzar Şuraların fəaliyyətinə uğurlar arzulayıb. Rusiya Federasiyasının iqtisadi inkişaf naziri Aleksey Ulyukayev ölkələrimiz arasında müxtəlif sahələrdə, xüsusilə də ticarət, kənd təsərüfatı və sair sahələrdə uğurla davam edən iqtisadi əlaqələrdən danışıb. O, Azərbaycan-Rusiya və Rusiya-Azərbaycan İşgüzar Şuralarının iclasının dövlət başçılarının üçtərəfli görüşü dövrünə təsadüf etməsinin əhəmiyyətini vurğulayıb. Sonra Rusiya-Azərbaycan İşgüzar Şurasının Rusiya tərəfdən sədri Pyotr Fradkov və Azərbaycan-Rusiya İşgüzar Şurasının Azərbaycan tərəfdən sədri İsgəndər Xəlilov təmsil etdikləri qurumların fəaliyyətinə dair təqdimatlarla çıxış ediblər. P.Fradkov bildirib ki, Rusiya-Azərbaycan İşgüzar Şurasının yaradılması ideyası 2015-ci ildə yaranıb və Şura 2016-cı ildən fəaliyyət göstərir. Hazırda Şurada 30-a yaxın şirkət təmsil olunur. Rusiya-Azərbaycan İşgüzar Şurası tərəfindən hazırda 10 layihəyə dəstək göstərilir, 15 layihə üzərində isə iş aparılır. Azərbaycanda İxracın və İnvestisiyaların Təşviqi Fondunun (AZPROMO) rəhbəri Rüfət Məmmədov təqdimatında ölkəmizin biznes və investisiya mühitinə dair məlumat verib.
Tədbir Azərbaycan və Rusiya tərəfindən kənd təsərrüfatı, maşınqayırma, səhiyyə, bank, neft-qaz, energetika və sair sahələrdə fəaliyyət göstərən 60-dan çox şirkətin nümayəndəsinin iştirak etdiyi ikitərəfli görüşlərlə başa çatıb.




 
Bölməyə aid digər xəbərlər
22.09.2018
Reytinq: Bakı dünyanın ən təhlükəsiz 41 şəhəri sırasında yer alıb
22.09.2018
Xüsusi Olimpiya Hərəkatı gənc liderlərin 20-ci Qolobal Forumu keçiriləcək
21.09.2018
Azərbaycanın ən sürətli mobil şəbəkəsinin adı açıqlanıb
21.09.2018
Baş prokuror Quba rayonunda vətəndaşları qəbul edib
21.09.2018
Sahil Babayev Göygöl rayonunda 4 rayon və şəhərin sakinləri ilə görüşüb

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10135

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Krivoy Roqdakı soydaşlarımız festivala hazırlaşırlar
4 Yalnızlıq qorxusu
5 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info