“Ohanyanın fikirləri Ermənistanın böyük qorxu içərisində yaşadığını göstərir”
Tarix: 11.08.2016 | Saat: 20:03:00 | E-mail | Çapa göndər


“Ermənistan Dağlıq Qarabağ məsələsində təxribatlarını davam etdirir”. Bunu Trend-ə Milli Məclisin deputatı Aydın Mirzəzadə deyib.A.Mirzəzadə qeyd edib ki, Ermənistanın müdafiə naziri Seyran Ohanyan növbəti dəfə Azərbaycan ərazisinə icazəsiz daxil olaraq özü ilə gətirdiyi bir qrup erməni jurnalistə müsahibə verib: “Onun bildirdiyi fikirlərin hər biri əslində, Ermənistan hakimiyyətinin çox böyük qorxu içərisində yaşadığını və ölkənin gücsüzlüyünün etirafı olub. Seyran Ohanyan bildirib ki, hərbi əməliyyatlar başlayarsa, Rusiya Ermənistanın köməyinə gələcək. Bununla da o, Rusiyanı zorla Dağlıq Qarabağ məsələsində Ermənistanın işğalçılıq siyasətinə cəlb etmək istəyir. Görünür, Rusiya Prezidenti Vladimir Putinin avqustun 8-də Bakıya səfəri, Dağlıq Qarabağ məsələsi ilə bağlı verdiyi bəyanatlar, Azərbaycanla münasibətlərin gücləndirilməsi ilə bağlı səsləndirdiyi fikirlər Ermənistan hakimiyyətində çox böyük narahatlıq yaradıb. Onlar özlərinin köhnə istəklərindən, Rusiyanı çirkin oyunlarına cəlb etmək siyasətindən əl çəkmək istəmirlər. Ancaq Vladimir Putin Bakıda birmənalı şəkildə Azərbaycanın ərazi bütövlüyünü dəstəklədiyini və Dağlıq Qarabağ probleminin beynəlxalq hüquq və ədalət prinsipləri çərçivəsində həll edilməsi ilə bağlı istəyini bildirdi. Rusiya Prezidentinin Bakıda verdiyi bu bəyanat Ermənistanın "çirkin arzularına" böyük bir zərbə oldu”.A.Mirzəzadə vurğulayıb ki, S.Ohanyanın Ermənistan ordusunun yeni silahlar alması və ölkənin silah istehsal etməsi ilə bağlı bildirdiyi fikirlər isə sadəcə, gülünc doğurur: “Ermənistanın ümumi illik büdcəsi Azərbaycanın hərbi büdcəsindən iki dəfə azdır. Belə olan halda, onlar hansı pul ilə yeni silah alacaqlar? Hansı iqtisadi potensial ilə silah istehsal edəcəklər? Bu fikirlər sadəlöhvləri aldatmaqdan başqa bir şey deyil”.Deputat bildirib ki, Ermənistanın 2-ci Dünya Müharibəsində Xarvatiyada istifadə edilmiş artilleriya qurğularını pulsuz alması, Rusiyanın istifadədən çıxarılmış silahlarının Ermənistanın alması faktları göz qarşısındadır: “Aprel döyüşlərində Azərbaycanın işğal edilmiş ərazilərində ələ keçirilmiş erməni mövqelərindəki silahların köhnə və bizim imkanlarımızdan qat-qat aşağı olduğu görünürdü. Həmçinin, Ermənistanın Türkiyə və Azərbaycanla sərhədlərinin bağlı olduğu, dənizə çıxışı olmadığı, iqtisadiyyatının tənəzzül keçirdiyi bir dövrdə hansı potensial, maliyyə imkanları ilə yeni silah əldə edəcəyi böyük bir şübhə doğurur. Oyanyanın bəyanatı erməni ictimaiyyətini sakitləşdirməkdan başqa bir şey deyil”.A.Mizrəzadə deyib ki, S.Ohanyan həmçinin, Ermənistanın Dağlıq Qarabağın təminatçısı olduğunu bildirib: “Bir tərəfdən Ermənistan Dağlıq Qarabağı müstəqil dövlət kimi tanımır, digər tərəfdən isə onun təminatçısı olur. Belə isə bu yanaşma ilə Ermənistan çox böyük uğurla İraqdakı İŞİD-in də təminatçısı ola bilər, çünki hüquqi cəhətdən onu da tanımayıb. Ermənistan prezidentinin təcili Moskvaya səfər etməsi, Ohanyanın Dağlıq Qarabağda özü ilə gətirdiyi bir qrup hökumətyönlü jurnalistlərə müsahibə verməsi Ermənistanın təlaş içərisində olduğu, öz provakasiyasında Rusiyanı görmək istədiyini və ən əsası isə daim Ermənistan-Azərbaycan cəbhə xəttində Azərbaycanın hücumlarını gözləmək təlaşı içərisində yaşadığını göstərir. Yaranmış bu vəziyyət Ermənistanın özünün apardığı siyasətin nəticəsidir. Azərbaycan torpaqlarının bir hissəsini işğal etməsi, Türkiyəyə torpaq iddiası, beynəlxalq hüquq normalarına etinasızlıq Ermənistanı ciddi böhrana gətirir, müstəqil dövlət kimi mövcudluğunu böyük sual altına qoyur. Öz paytaxtında bir qrup terrorçunu uzun müddət zərərsizləşdirə bilməyən və terrorçularla siyasi dialoqa girən bir hakimiyyətin və rejimin sonu əlbəttə ki, acınacaqlı olmalıdır”.




 
Bölməyə aid digər xəbərlər
25.09.2018
Bakıda Səudiyyə Ərəbistanının milli bayramı qeyd edilib
25.09.2018
Azərbaycanın XİN rəhbəri GUAM-Yaponiya Nazirlər görüşündə iştirak edib
24.09.2018
XİN yayılan məlumatı araşdırır
24.09.2018
Azərbaycan ilə Monteneqro arasında hərbi əməkdaşlıq məsələləri müzakirə edilib
24.09.2018
Baş nazir Novruz Məmmədovun sədrliyi ilə Nazirlər Kabinetinin iclası keçirilib

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10139

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Yalnızlıq qorxusu
4 Krivoy Roqdakı soydaşlarımız festivala hazırlaşırlar
5 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info