Vergi ödəyiciləri islahatların istiqamətləri barədə məlumatlandırılırlar
Tarix: 12.08.2016 | Saat: 17:22:00 | E-mail | Çapa göndər


Şimal bölgəsindəki vergi ödəyiciləri Azərbaycan Respublikası Prezidentinin “2016-cı ildə vergi sahəsində aparılacaq islahatların istiqamətləri”nin təsdiqi və vergi inzibatçılığının təkmilləşdirilməsi haqqında” 2016-cı il 4 avqust tarixli Sərəncamı və bu Sərəncamla Vergilər Nazirliyinin qarşısında duran vəzifələrlə bağlı ətraflı məlumatlandırılıb. Avqustun 12-də Quba şəhərindəki Heydər Əliyev Mərkəzində keçirilən regional görüşdə vergilər nazirinin müşaviri Ələkbər Məmmədov vergi orqanları tərəfindən ötən dövrdə aparılan islahatlar, reallaşdırılmış kompleks tədbirlər və konkret hədəflərə yönəlmiş proqramlar barədə danışıb.
Bildirilib ki, görülən işlər nəticəsində ölkədə müasir beynəlxalq standartlara cavab verən vergi xidməti, səmərəli vergi siyasətinin həyata keçirilməsi üçün vahid qanunvericilik bazası yaradılıb, vergi inzibatçılığının təkmilləşdirilməsi istiqamətində qabaqcıl ölkələrin vergi administrasiyaları ilə əməkdaşlıq genişləndirilib.
Son on il ərzində vergi orqanları tərəfindən sahibkarlığın inkişafının dəstəklənməsi, özəl sektorun fəaliyyətinin genişləndirilməsi, investisiya qoyuluşlarının stimullaşdırılması, vergi orqanları ilə vergi ödəyiciləri arasında münasibətlərin qarşılıqlı hörmət və etimada əsaslanan çevik və şəffaf mexanizmlər əsasında qurulması məqsədilə vergi qanunvericiliyinin və vergi inzibatçılığının təkmilləşdirilməsi istiqamətində mühüm tədbirlər həyata keçirilib. Görülən işlər nəticəsində 2016-cı ilin ilk yarımilliyi ərzində dövlət büdcəsinə vergi daxilolmalarının ümumi məbləği 3190,1 milyon manat, o cümlədən qeyri-neft sektoru üzrə 2495,4 milyon manat (78,2 faiz) təşkil edib. Bununla da ötən ilin müvafiq dövrü ilə müqayisədə qeyri-neft sektorundan daxilolmalar 9,7 faiz artıb.
“2016-cı ildə vergi sahəsində aparılacaq islahatların istiqamətləri”nin təsdiqi və vergi inzibatçılığının təkmilləşdirilməsi haqqında” Sərəncamla əlaqədar görüləcək işlərdən bəhs edən Ə.Məmmədov bildirib ki, islahatların əsas hədəfləri kiçik və orta sahibkarlığın stimullaşdırılması, investisiya mühitinin yaxşılaşdırılması, vergitutma bazasının genişləndirilməsi, vergi inzibatçılığının sadələşdirilməsi, vergi sahəsində şəffaflığın təmin edilməsi və qabaqcıl beynəlxalq təcrübənin tətbiqidir. Sadalanan hədəflərə çatmaq üçün başlıca şərtlər isə vergi yükünün azaldılması, vergi dərəcələrinin optimallaşdırılması, vergi inzibatçılığının sadələşdirilməsi, iqtisadiyyatın prioritet sahələrinin təşviqi, nağdsız əməliyyatların stimullaşdırılması, vergi sahəsində beynəlxalq mütərəqqi təcrübənin tətbiqi, o cümlədən, ictimai məlumatlandırma, könüllü vergi açıqlaması, vergi öhdəliklərinin qabaqcadan razılaşdırılması, vahid hesabat standartlarının işə salınmasından ibarətdir. Bütün bunlar vergi nəzarəti sistemində şəffaflığın təmin olunması, vergi ödəyicilərinə göstərilən xidmətlərin çeşidinin artması, vergi sahəsində risklərin qiymətləndirmə sisteminin formalaşması, vergitutma bazasının genişlənməsi, beynəlxalq standartlara cavab verən vergi sisteminin yaradılması kimi nəticələr əldə etməyə imkan verəcək.
Görüşdə vergi ödəyicilərinin fikirləri dinlənilib, vergi qanunvericiliyi və vergi inzibatçılığının təkmilləşdirilməsi istiqamətində həyata keçirilən kompleks tədbirlərlə bağlı suallar cavablandırılıb.
Vergi ödəyiciləri ilə görüşlər avqustun 10-dan başlayaraq Quba ilə yanaşı Şirvan, Lənkəran, Şəmkir, Gəncə, Sumqayıt şəhərlərində də təşkil olunub.
Tural




 
Bölməyə aid digər xəbərlər
21.01.2019
UNEC-də startap müsabiqəsi keçirilib
21.01.2019
Valideynləri ilə səyahət edən uşaqlara pulsuz aviabilet
21.01.2019
Polşaya ixrac missiyası təşkil ediləcək
21.01.2019
“AzerTelecom” “Azerbaijan Digital Hub” layihəsi çərçivəsində “Azərbaycan Dəmir Yolları” QSC ilə əməkdaşlığa başlayıb
21.01.2019
2019-cu ildə taxıl əkininə hazırlıq vəziyyəti müzakirə olunub

Şərh əlavə olunmayıb

    ,    
Namiq Əliyev
Namiq Əliyev
Tural Tağıyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10565

1 Ukraynada oxucuların rəğbətini qazanan azərbaycanlı yazıçı
2 Struktur dəyişiklikləri dövlət idarəçiliyinin təkmilləşdirilməsini nəzərdə tutur
3 Dərslər təxirə salındı
4 Nikola Sarkozi: “Bakıda böyük quruculuq işlərinin şahidi oldum”
5 Yalçın Topçu: “Türkiyə və Azərbaycan arasında ticarət daha da artacaq”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info