“Biz həm də Olimpiya ölkəsi olduğumuzu sübut etdik”
Tarix: 23.08.2016 | Saat: 17:13:00 | E-mail | Çapa göndər


Növbəti Yay Olimpiaya Oyunları yekunlaşdı. Bu gün idmançılarımız vətənə qayıdır. Bu oyunlarda komandamızın uğurları hər birimizi sevindirir. Kİmlərsə qızıl medalların azlığından bir qədər “gileyli” qalsalar da, bir böyük həqiqət var və ONU hər kəs olduğu kimi qəbul etməyə borcludur – Rio-de-Janeyroda əldə olunmuş nəticələr Azərbaycan idmanının böyük uğurudur! Qızıl medallara gəlincə isə o medalların sayını bir neçə dəfə artırmaq şanslarımız kifayət qədər böyük idi. Ancaq hər kəs başa düşməlidir ki, bu idmandır, qızıl medalı ani bir səhv və ya diqqətsizlikdən qaçıran idmançı onun uğrunda 4 il gecə-gündüz zəhmət çəkibsə, deməli o, həmən qızıl medalı almağı bizim hər birimizdən daha çox istəyərdi. Əsas olan bu deyil. Əsas olan budur ki, Azərbaycan idmanı bu uğura imza atmaqla artıq bir Olimpiya ölkəsinə çevrildiyini hər kəsə göstərə bildi. Buna qədər ölkəmizin keçdiyi Olimpiya yoluna bir nəzər salaq. 1996-cı ildə Atlantada keçirilən Yay Olimpiya Oyunlarında Azərbaycan cəmisi 1 gümüş medala sahib ola bilmişdisə o, bu medalların sayını 2000-ci il Sidney Olimpiadasında 3-ə, 2004-cü il Afina Olimpiadasında 5-ə, 2008-ci il Pekin Olimpiadasında 7-yə, 2012-ci il London Olimpiadasında 10-a və 2016-cı il Rio-de-Janeyro Olimpiadasında 18-ə çatdırmaqla böyük bir uğura imza atmış oldu. Mətbuat səhifələrində müxtəlif formalarda müqaisələr aparılaraq Azərbaycan idmanının bu uğurlarına qiymət verilir. Bizim yanaşımımız bir qədər fərqlidir. İlk öncə hər kəs bilməlidir ki, Olimpiya uğurlarımızın kökündə ölkə Prezidenti İlham Əliyevin idmana verdiyi önəm dayanır. 2004-cü ilin Afina Olimpiadası ilə müqaisədə 2016-cı ilin Pio-de-Janeyro Olimpiadasında əldə olunan qələbələrin sayının 3,6 dəfə artması, bilavasitə bu önəmin məhsuludur. Baxın, son Olimpiadada standart sıralamada biz 39-cu yeri tutsaq da, ümumi medalların sayına görə 207 iştirakçı dövlət arasında Yeni-Zellandiya ilə 14 – 15 – ci yerləri bölüşdürürük. Nəzərə alaq ki, ərazi baxımından biz dünyada 113-cü, əhalimizin sayına görə isə 91-ci yerdə dayanırıq. Başqa bir müqaisə. Oyunların nəticələrinə görə 121 medal almış ABŞ-da hər 2,7 milyon insana 1 medal, 70 medala sahib olmuş Çində 19,7 milyon adama 1 medal, Azərbaycanda isə 534 min adama bir medal düşür. Bu göstəricilərı tərəzinin gözünə qoymağı bacaran hər kəs Azərbaycanın son Olimpiya uğuruna real qiymət verə bilər.
Rio Olimpiadasındakı bu uğurumuz sanki ordumuzun aprel döyülərindəki uğurlarının davamı idi. Azərbaycan əsgərinin cəbhədəki mübarizliyini azərbaycan idmançısı Rio-de-Janeyrodakı yarış meydanlarında eyni şəkildə davam etdirə bildi desək yanılmarıq.
Bu gün Azərbaycanın bütün sahələrdə əldə etdiyi uğurlar çox məntiqi şəkildə bir birini tamamlayır. Bu uğurların hər birinin kökündə isə güclü Azərbaycan iqtisadiyyatı dayanır. Məhz bu güclü iqtisadiyyat hazırda Azərbaycanı hər kəsin hesablaşdığı regionun ən qüdrətli dövlətinə çevirə bildi. Özünü hər sahədə rəzil bir duruma salmış, qaya kölgəsində yatıb öz kölgəsində olduğunu zən edən biçarə ermənilər isə 1996-cı ildə Atlantada keçirilən Yay Olimpiya oyunlarından başlamış, Rio-de-Janeyro Olimpiya oyunları da daxil iştirak etdikləri 6 Yay Olimpiya Oyunlarında cəmisi 16 medal – yəni bizim Rio Olimpiyadasında qazandığımızdan da 2 ədəd az medal qazana biliblər. Görəsən qaya kölgəsinin sərinliyində eyforiyyaya qapanmış mənfur qonşularımız bu göstəriciləri saf-çürük edib, tək idmanda deyil, bütün digər sahələrdə bizim belə kəskin üstünlüyümüzün nə demək olduğunun fərqində ola bilirlərmi?

Fikrət Yusifov
İqtisad elmləri doktoru, professor




 
Bölməyə aid digər xəbərlər
20.09.2018
Ədliyyə orqanlarına qulluğa qəbul olunan gənclər and içiblər
20.09.2018
ƏƏSMN və Kiçik və Orta Biznesin İnkişafı Agentliyi arasında memorandum imzalanıb
20.09.2018
Qanvermə aksiyalarının təşkili dini ənənələrə humanist bir töhfədir
20.09.2018
Gömrük xidməti ölkəmizin iqtisadi maraqlarının qorunmasında xüsusi yer tutur
20.09.2018
ADPU-nun Azərbaycan tarixi kafedrasının əməkdaşı Beynəlxalq Forumda iştirak edib

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10123

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Krivoy Roqdakı soydaşlarımız festivala hazırlaşırlar
4 “Son 15 il ərzində Azərbaycanda 3 mindən çox məktəb tikilib və əsaslı təmir edilib”
5 Ukraynada “Dünya azərbaycanlılarının palitrası” kitabının təqdimatı olub


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info