Sağlamlıq imkanları məhdud uşaqların Türkiyədə müalicəsi təşkil edilib
Tarix: 24.08.2016 | Saat: 20:47:00 | E-mail | Çapa göndər


Əmək və Əhalinin Sosial Müdafiəsi Nazirliyi tərəfindən bu ayın əvvəllərində valideynlərindən biri ilə bərabər Türkiyə Respublikasına ixtisaslaşmış bərpa-müalicəsinə yola salınmış 24 nəfər sağlamlıq imkanları məhdud uşaq qardaş ölkədə reabilitasiya kursunu başa vuraraq geri dönüb. 
Uşaqların və valideynlərinin Heydər Əliyev adına Beynəlxalq Hava Limanında qarşılanması zamanı valideynlər qardaş ölkədə övladlarına göstərilən bərpa-müalicə xidmətindən, Nobel Tibb Mərkəzində tətbiq olunan səmərəli fizioterapevtik müalicə metodlarından, aparılan reabilitasiya işlərindən razılıqlarını ifadə ediblər. Onlar övladlarının xaricdə bərpa-müalicəsinin təşkili işlərinə göstərilən yüksək diqqət və qayğıya görə Azərbaycan Prezidenti cənab İlham Əliyevə dərin minnətdarlıqlarını ifadə ediblər. 
Əmək və Əhalinin Sosial Müdafiəsi Nazirliyinin Əlillərin sosial müdafiəsi siyasəti şöbəsinin müdiri Saday Abdullayev ölkəmizdə əlillərin tibbi-sosial reabilitasiyası tədbirlərinin ildən-ilə gücləndirildiyini vurğulayıb: “Keçən il və cari ilin ötən dövründə Əmək və Əhalinin Sosial Müdafiəsi Nazirliyi tərəfindən ümumilikdə 393 nəfər, o cümlədən 205 nəfər əlilliyi olan şəxsin və 188 nəfər sağlamlıq imkanları məhdud uşağın xaricdə ixtisaslaşmış bərpa-müalicəsi təşkil edilib. Onlardan 10 nəfər sağlamlıq imkanları məhdud uşaq valideynlərindən biri ilə bərabər Gürcüstan Respublikasına, qalan şəxslər isə Türkiyə Respublikasının Dənizli bölgəsində yerləşən Nobel Tibb Mərkəzinə müalicəyə göndərilib. Onu da bildirək ki, xaricə bərpa-müalicəsinə göndərilən uşaqların valideynləri də orada övladları ilə birgə müvafiq reabilitasiya tədbirlərinə cəlb olunurlar”. 
S.Abdullayev göndərilən şəxslərin səhhətində müsbət dəyişikliklərin olduğunu qeyd edərək bildirib ki, nazirliyin bərpa mərkəzlərində də əlilliyi olan şəxslərin və sağlamlıq imkanları məhdud uşaqların səmərəli bərpa-müalicə xidmətləri ilə təmin olunması üçün məqsədyönlü işlər davam etdirilir. Bu mərkəzlərdə əlilliyi olan şəxslərin sosial statuslarının bərpa edilməsi və onların cəmiyyətə inteqrasiyası üçün kompleks şəkildə tibbi, sosial, peşə diaqnostikası və reabilitasiya tədbirləri həyata keçirilir. Cari ilin yanvar-iyul aylarında həmin müəssisələrdə 4650 nəfər şəxsə bərpa-müalicə, 8400 nəfərə yaxın şəxsə isə protez-ortopedik xidmətlər göstərilib. Onların bir hissəsi də sağlamlıq imkanları məhdud uşaqlar olub.
Tural




 
Bölməyə aid digər xəbərlər
03.07.2020
Soğan qabıqları ilə unikal müalicə -VİDEO
03.07.2020
Mütəxəssisdən xəbərdarlıq: Antibiotiklərdən yanlış istifadə xərçəng yarada bilir
30.06.2020
Evdə müalicə olunan COVİD-19 xəstələri dərmanlarla təmin olunacaq
29.06.2020
“Gün gələcək, dünyamızı COVİD-19 adlanan böyük bəladan qurtaracağıq”
28.06.2020
ÜST koronaviruslu xəstələrin müalicəsində deksametazondan istifadəyə aydınlıq gətirib

Şərh əlavə olunmayıb

    ,    
Tural RASİMOĞLU
Anar MİRİYEV
Ağasəf Babayev
Fuad HÜSEYNZADƏ
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 11546

1 Tural Gəncəliyev: “Dağlıq Qarabağ xalqı” deyə bir anlayış yoxdur, sadəcə Azərbaycanın Dağlıq Qarabağ bölgəsinin əhalisi anlayışı var
2 “Azərbaycanın olmadığı yerdə Türkiyə, Türkiyənin də olmadığı yerdə Azərbaycan var” - bu bizlərin şüarıdır…”
3 Prezident və birinci xanım İçərişəhərdə aparılan bərpa işləri ilə tanış olublar-YENİLƏNİB
4 Azərbaycan Prezidentinin təşəbbüsünə verilən dəstək beynəlxalq ictimaiyyətin ölkəmizə böyük etimadının göstəricisidir
5 Azərbaycan Turizm Agentlikləri Assosiasiyası və AZAL ikitərəfli əməkdaşlığı genişləndirir


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info