İranla Azərbaycan balıqçılıq sahəsində əməkdaşlıq sazişi imzalayacaq
Tarix: 29.08.2016 | Saat: 15:47:00 | E-mail | Çapa göndər


İran İslam Respublikası və Azərbaycan balıqçılıq sahəsində əməkdaşlıq sazişi imzalayacaq. 
Bunu APA-nın İran bürosuna açıqlamasında İran kənd təsərrüfatı nazirinin müavini və ölkənin Balıqçılıq Təşkilatının sədri Həsən Salehi deyib. 
H. Salehi bildirib ki, Azərbaycan, İran, Rusiya, Qazaxıstan və Türkmənistan arasında Xəzər dənizinin su bioloji resurslarının mühafizəsi və səmərəli istifadəsi haqqında saziş imzalandıqdan və bu ölkələrin parlamentində təsdiqləndikdən sonra İran və Azərbaycan arasında balıqçılıq və Xəzərin su bioloji resursları sahəsində faydalı müzakirələr aparılıb: “Əldə olunan razılığa əsasən Azərbaycan və İran arasında balıqçılıq sahəsində əməkdaşlıq sazişi imzalanacaq. İran balıqçılığın müxtəlif sahələrində Azərbaycanla əməkdaşlıq etmək niyyətindədir”. 
H. Salehi qeyd edib ki, su resurslarının bərpası, balıq ovunun idarə edilməsi, nərəkimilərin yetişdirilməsi sahəsində təcrübə mübadiləsi və müştərək potensiallardan yararlanmaq İranın Azərbaycanla əməkdaşlıq etmək istədiyi önəmli sahələrdir. O, Xəzəryanı ölkələrin nərəkimilərin istehsalının artırılması sahəsindəki sazişin icrasına başladıqlarını söyləyib: “Ümid edirik ki, Xəzər dənizində bu dəyərli balıq növünün yaşadılmasına nail ola biləcəyik”.
 
H. Salehi Rusiyanın İranda balıqçılıq sahəsindəki investisiyalarından da danışıb: “Rusiya yaxın vaxtlarda İranın Astara və Qeşm bölgələrində balıqçılıq sahəsinə investisiya yatıracaq. Adları qeyd olunan bölgələrdə sərmayə yatırmağı Rusiyaya biz təklif etmişik. Bu ölkə təkliflərə baxır, tezliklə Rusiya balıqçılıq komitəsinin üzvləri İrana səfər edəcək və bu layihə icra olunacaq”.
 
Qeyd edək ki, bu il ərzində, indiyədək İran Rusiyaya 1000 ton balıq məhsulları ixrac edib. İlin sonunadək (İranda il martın 21-də dəyişir) bu rəqəmin 5 min tona çatdırılması planlaşdırılır. 




 
Bölməyə aid digər xəbərlər
22.01.2019
“Sondakika.com”: “Star” NEZ “Ən yaxşı maliyyə idarəçiliyi layihəsi” mükafatına layiq görülüb”
22.01.2019
Fevralda Sumqayıt, Abşeron və Qəbələdə “KOB Dostları” fəaliyyətə başlayacaq
22.01.2019
Şpris zavodu 2019-cu ilin 1-ci rübündə istifadəyə veriləcək
22.01.2019
Bu il Şərur Sənaye Məhəlləsinin yaradılmasına başlanılacaq
22.01.2019
İlin birinci yarısında “Koroğlu” Nəqliyyat Mübadilə Mərkəzi istifadəyə veriləcək

Şərh əlavə olunmayıb

    ,    
Namiq Əliyev
Namiq Əliyev
Tural Tağıyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10565

1 Dərslər təxirə salındı
2 “Mənim güc mənbəyim Bakıdadır”
3 Mehman Hüseynov Prezident İlham Əliyevə müraciət ünvanlayıb
4 Azərbaycanın Birinci vitse-prezidenti Mehriban Əliyeva Nikola Sarkozi ilə görüşüb
5 Ahmet Gencehan Babiş: “Türkiyənin Azərbaycanın razı olmayacağı bir işdə olması mümkün deyil”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info