Ucarda 2500 hektar sahədə pambıq əkiləcək
Tarix: 31.08.2016 | Saat: 21:39:00 | E-mail | Çapa göndər


Ulu öndər Heydər Əliyev 1969-cu ilin iyul plenumunda Azərbaycan Kommunist Partiyası Mərkəzi Komitəsinin birinci katibi seçildikdən sonra ölkəmizdə kənd təsərrüfatının başqa sahələri kimi, pambıqçılıq da sürətli inkişaf yoluna qədəm qoydu. O illərdə respublikamızın digər yerlərində, o cümlədən Ucar rayonunda da genişmiqyaslı meliorasiya işlərinə start verildi. Rayonun torpaq-iqlim şəraiti, əkin sahələrinin şoranlaşması nəzərə alınaraq açıq və örtülü drenaj şəbəkəsinin yaradılmasına başlandı. Kolxoz və sovxozların maddi-texniki bazası möhkəmləndirildi. Rəhbərliyə ali təhsilli, təcrübəli kənd təsərrüfatı mütəxəssisləri irəli çəkildi. Beləcə, çox keçmədi ki, görülən tədbirlər öz bəhrəsini verdi. Güc-bəla ilə hər il 2000-3000 ton pambıq verən Ucar rayonunda məhsul istehsalı 11 min 500 tona çatdı.
Çox təəssüf ki, SSRİ-nin süqutundan sonra, ötən əsrin 90-cı illərinin əvvəllərində respublikamızın digər yerlərində olduğu kimi, Ucarda da geniş əkin sahələri baxımsızlıq üzündən şoranlaşmaya məruz qaldı. Qapalı dren şəbəkələri vaxtında təmizlənmədiyi üçün qrunt suları torpağın səthinə çıxaraq əkin dövriyyəsində olan geniş əraziləri yararsız hala saldı.
Qeyd edək ki, dünyanı bürüyən iqtisadi böhran, neftin ucuzlaşması ölkəmizdə qeyri-neft sahələrinin inkişafının daha da sürətləndirilməsinə səbəb olub. Təsadüfi deyil ki, son vaxtlar Azərbaycanda aqrar sektorun ənənəvi, valyuta gətirən sahələrinin, o cümlədən pambıqçılığın inkişafına göstərilən diqqət və qayğı artıq öz bəhrəsini verməkdədir. Prezident İlham Əliyevin bu istiqamətdə tövsiyə və tapşırıqları təsərrüfatın digər sahələri ilə yanaşı, pambıqçılığın da sürətli inkişafına güclü təkan verib. Əlbəttə, əsas məqsəd neftdən asılılığı aradan qaldırmaqla yaxın gələcəkdə ölkəmizdə həm də ixracyönümlü kənd təsərrüfatı məhsullarının istehsalını artırmaq, nəticədə də yeni iş yerlərinin açılmasına şərait yaratmaqdır. Kənd əhalisinin məşğulluğunu təmin etmək və yeni iş yerlərinin yaradılması baxımından pambıqçılığın inkişaf etdirilməsi, əkin sahələrinin genişləndirilməsi xüsusi əhəmiyyət daşıyır.
Aqrar sektorun ənənəvi sahələrinin inkişafı, bu sahəyə dövlət dəstəyinin gücləndirilməsi məqsədilə son illərdə dövlətimizin başçısı tərəfindən bir çox fərman və sərəncam imzalanıb. Həyata keçirilən ardıcıl və məqsədyönlü tədbirlər artıq öz bəhrəsini verməkdədir. Pambığın satınalma qiymətinin artırılması, subsidiyaların ayrılması, texniki təminat bu sahənin əvvəlki şöhrətinin geri qaytarılmasında önəmli amillərdəndir.
Ucar rayonunda cari mövsümdə 510 hektar sahədə pambıq yetişdirilib. Artıq rayonda hər kəs bu sahənin yenidən sürətli və dinamik inkişaf yoluna qədəm qoyduğunu, xüsusilə gələn ildən pambıqçılıqda dönüş ili olacağı qənaətindədir. Rayon kənd təsərrüfatı idarəsinin rəisi Əbil Mehtiyev bununla əlaqədar AZƏRTAC-ın müxbiri ilə söhbətində deyib: “2017-ci ildə 2500 hektar sahədə pambıq əkilməsi proqnozlaşdırılır. Hazırda pambıq əkinləri üçün münbit və daha məhsuldar sahələrin seçilməsi ilə bağlı araşdırmalar aparılır. Kənd icra nümayəndələrinin, bələdiyyə sədrlərinin, mütəxəssislərin və təcrübəli pambıqçıların fikir və təklifləri öyrənilərək ümumiləşdirilir. Bütün bunlar onu deməyə əsas verir ki, 2017-ci il pambıqçılıqda dönüş ili olacaq”.
Bir sözlə, Ucar pambıqçıları əmindirlər ki, dövlətin dəstəyindən faydalanaraq gələn il daha çox sahədə bol məhsul əldə edəcəklər.




 
Bölməyə aid digər xəbərlər
21.11.2018
“Aksam.com.tr”: “TANAP və TAP Yunanıstan sərhədində birləşdi”
21.11.2018
SOCAR “Türkmənistan-2018: neft və qaz” sərgisində iştirak edir
21.11.2018
Azərbaycan Tacikistan ilə əmtəə dövriyyəsinin genişləndirilməsində maraqlıdır
21.11.2018
TANAP və TAP boru kəmərləri bir-birinə qaynaq olunub
21.11.2018
Azərbaycanda ilk dəfə Sabirabadda 680 torpaq sahibi birləşərək kooperativ yaradıb

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10509

1 Şervin Nəcəfpur: “Norveçdə doğulub boya-başa çatsam da, Vətən uzaqda deyil”
2 “Tələbə Baharı-2018”-in mükafatçısı: “Hər gün xalq mahnılarımızı dinləyirəm”
3 Rufiz Qonaqov: Bako Saakyanın Fransaya qanunsuz səfəri Minsk qrupunun həmsədri olan bu ölkə üçün qara ləkədir
4 Eldar Əzizov Bakı Şəhər İcra Hakimiyyətinin başçısı təyin edildi
5 Abel Məhərrəmov BDU-nun rektoru vəzifəsindən azad edilib


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info