“The Daily Caller”də erməni lobbisinin əleyhinə yazı
Tarix: 08.09.2016 | Saat: 20:16:00 | E-mail | Çapa göndər


Amerikada çıxan “The Daily Caller” nəşrində siyasi icmalçı və yaxın vaxtlarda çapdan çıxmış “Dağlarda qətl: Xocalıda hərbi cinayət və Dağlıq Qarabağ münaqişəsi” kitabının müəllifi Raul Loueri Kontrerasın “Eyni vaxtda həm müharibə tərəfdarı, həm də onun əleyhinə olmaq mümkündürmü? Bunu erməni lobbisindən soruşun” sərlövhəli məqaləsi dərc edilib.
Kontreras öz məqaləsində Dağlıq Qarabağ münaqişəsi, Ermənistan və Azərbaycan prezidentlərinin 2016-cı ildə Sankt-Peterburqda və Vyanada görüşləri, habelə ATƏT-in Minsk qrupunun bu münaqişənin tənzimlənməsinə yönəlmiş səyləri barədə söhbət açır.
Müəllif yazır ki, 1988-ci ildən 1994-cü ilə qədər davam etmiş Qarabağ müharibəsi atəşkəs rejimi barədə razılaşma, Azərbaycan ərazisinin bir hissəsinin Ermənistan tərəfindən işğal edilməsi və Xankəndində indiyə qədər heç bir dövlət tərəfindən tanınmamış oyuncaq rejim yaradılması ilə nəticələnib.
Kontreras qeyd edir ki, sülhün bərqərar olmasına yönəlmiş səylərə “Amerika Milli Erməni Komitəsi” (AMEK) adlanan erməni lobbi təşkilatı mane olur. Çox böyük maliyyə resurslarına malik olan AMEK əvvəllər ATƏT-in səylərini dəstəkləyirdi, indi isə o, Minsk qrupunun bu münaqişənin tənzimlənməsinə yönəlmiş səylərinə əngəl törədir. Kontreras yazır ki, “OpenSecrets.org” saytında dərc edilmiş məlumatlara görə, AMEK ABŞ Nümayəndələr Palatasının və Senatın üzvlərinə, habelə Ağ Evlə iş üçün siyasi və maliyyə resursları ilə kömək edir, bir neçə həftə bundan əvvəl isə o, ATƏT tərəfindən təklif edilmiş və Helsinki Yekun Aktının prinsiplərinə əsaslanan “Madrid prinsipləri”nin həyata keçirilməsinə qarşı kampaniyaya başlayıb. Belə güman etmək olardı ki, bu plan Dağlıq Qarabağda yaşayan ermənilərin həyat şəraitinin yaxşılaşmasına kömək edəcək, lakin “nədənsə” AMEK guya özünün təmsil etdiyi insanlara bunun tam əksini istəyir.
Kontreras məqaləsini sonunda yazır ki, ABŞ Prezidenti, Konqres və ABŞ dövlət katibi bu münaqişənin tənzimlənməsinə töhfə verə bilər. Onlar bu münaqişənin davam etməsi hesabına mövcud olan və pul ianələri hesabına varlanan AMEK-in və erməni lobbisinin digər təşkilatlarının çağırışlarına məhəl qoymamalı və həmin regionda yaşayan, müharibə istəməyən “itirilmiş və müdafiəsiz insanlara” kömək etməlidirlər.
Tural




 
Bölməyə aid digər xəbərlər
21.05.2019
Norveç Şimal dənizinə neft sızması ehtimalı ilə təhqiqata başlayır
21.05.2019
Vladimir Zelenski Ali Radanın buraxılması barədə fərman imzalayıb
20.05.2019
Madrid və Barselonada metro işçiləri tətil edir
20.05.2019
Həsən Ruhani ABŞ Prezidentinin dialoq təklifinə cavab verib
20.05.2019
Ukraynanın Baş naziri istefa verib

Şərh əlavə olunmayıb

    ,    
Namiq Əliyev
Fuad HÜSEYNZADƏ
Esmira Məmmədova
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10784

1 “İş yerlərində təhlükəsiz əmək şəraiti yaratmaq lazımdır”
2 General-mayor Tərlan bəy Əliyarbəyovun nəvəsi: “Babam öz istedadını milli hərbi kadrların yetişməsinə sərf edib”
3 Üç müharibə iştirakçısı olan general-mayor
4 Şuranın dəstəyilə 13 saylı orta məktəbdə “Diaspor dərsi” keçirilib
5 AzMİU-da İmadəddin Nəsiminin 650 illik yubileyi qeyd olunub


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info